Öruggt hjá Þór/KA gegn Haukum á Þórsvelli
Vesna Smiljkovic þeystist upp vinstri kantinn og sendi boltann fyrir markið, þar sem Rakel Hönnudóttir tók við honum og skallaði boltann snyrtilega í netið og kom Þór/KA í 1:0. Aðeins fjórum mínútum síðar skallaði Arna Sif Ásgrímsdóttir boltann í netið eftir hornspyrnu frá Mateju Zver og kom Þór/KA í 2:0. Áfram héldu heimastúlkur að bæta við mörkum. Vesna Smiljkovic nýtti sér mistök Sonný Láru Þráinsdóttur í marki Haukanna, er hún missti boltann úr fanginu í teignum og Vesna skaut boltanum í autt markið. Þór/KA skoraði svo fjórða mark leiksins aðeins tveimur mínútum síðar. Það kom eftir samspil Vesnu og Rakel Hönnudóttir, Rakel skallaði boltann í netið eftir sendingu frá Vesnu, líkt og í fyrsta markinu. Staðan orðin 4:0.
Haukastúlkur náðu að minnka muninn eftir tæplega hálftíma leik er þær fengu dæmda vítaspyrnu. Rebecca Ann Wise fór á vítapunktinn og skoraði af öryggi. Áður en dómarinn hafði flautað til hálfleiks hafði Vesna Smiljkovic bætt við fimmta marki Þórs/KA. Staðan í hálfleik því 5:1.
Þrátt fyrir yfirburða stöðu í hálfleik var Þór/KA ekkert að slaka í seinni hálfleik og hreinlega óðu í færum. Það er hreint með ólíkindum að þær hafi ekki náð að skora mark í seinni hálfleik, færin voru svo sannarlega fyrir hendi. Lokatölur, 5:1 sigur Þórs/KA.
Nýjast
-
Alþjóðaflugvöllur á Akureyri verði byggður upp
Sveitarfélögin á Norðurlandi vestra og Norðurlandi eystra skora á ríkisstjórn Íslands og Alþingi að koma rekstri, uppbyggingu og markaðssetningu Akureyrarflugvallar fyrir hjá sérstakri stjórn eða félagi, sem hefur það að markmiði að alþjóðaflugvöllurinn sé byggður upp og kynntur sem ein af gáttum Íslands -
Grafalvarleg staða í rekstri PCC Bakka rædd í atvinnuveganefnd Alþingis.
Atvinnuveganefnd Alþingis hefur verið upplýst um grafalvarlega stöðu í rekstri PCC Bakka við Húsavík, þar sem stefnt gæti í rekstrarstöðvun undir lok sumars ef ekki tekst að snúa vörn í sókn. -
Listasafnið á Akureyri Nýjar sýningar opnaðar
Sýningar Heimis Hlöðverssonar, Samlífi, og Þóru Sigurðardóttur,Tími – Rými – Efni, verða opnaðar í Listasafninu á Akureyri á laugardag 17. maí kl. 15. Á opnunardegi verður leiðsögn með Heimi kl. 15.45. -
Orkey fyrst á Íslandi með sjálfbærni- vottaða framleiðslu á lífeldsneyti
Orkey hefur fengið alþjóðlega kolefnis- og sjálfbærnivottun, ISCC EU, á lífdísilframleiðslu sína á Akureyri fyrst fyrirtækja sem framleiða lífeldsneyti hérlendis. -
Heyrn er ekki munaður – hún er þátttaka
Það var ánægjulegt að sækja fund hjá Félagi eldri borgara á Akureyri (EBAK) síðastliðinn föstudag. Rétt rúmlega hundrað manns mættu – áhugasamir, upplýstir og málefnalegir. Þar skapaðist gott samtal um þau mál sem brenna mest á eldra fólki í dag. Ábendingar komu víða að og spurningarnar voru margar og skýrar. Það var sérstaklega áberandi að umræðan snerist ítrekað að sömu kjarnamálunum: skerðingum, lífeyrissjóðum en einnig að heilbrigðisþjónustu. -
Sundlaug Akureyrar lokuð 18.-22. maí – opið lengur í Glerárlaug 18. maí
Sundlaug Akureyrar verður lokuð dagana 18.-22. maí eða frá sunnudegi til fimmtudags í næstu viku. -
Byggingaréttur á lóðum á Torfunefsbryggju boðin út í maí
Byggingaréttur á tveimur lóðum við Torfunefsbryggju þar sem eru til staðar fimm byggingareitir verður boðin út nú síðar í maí. -
Sumarið er komið!
Þetta dásamlega veður sem landsmenn njóta er gleðiefni og er þá vægt tekið til orða, á heimasíðu Þingeyjarsveitar er þessari blíðu fagnað. -
Skýr og lausnamiðuð afstaða Framsóknar til veiðigjalda
Framsókn hefur tekið skýra og málefnalega afstöðu í umræðunni um veiðigjöld. Við styðjum heilshugar réttmæta kröfu samfélagsins um að sameiginleg sjávarauðlind þjóðarinnar skili arði sem gagnast samfélaginu öllu. Hins vegar skiptir máli hvernig það er gert. Óvönduð skattheimta getur skaðað atvinnulíf, dregið úr nýsköpun og veikt byggðir sem byggja afkomu sína á sjávarútvegi.