Ólögmætt að gefa ekki út kjörbréf fyrir varamann
Nokkru fyrir bæjarstjórnarfund í byrjun apríl lá fyrir að hvorki fyrsti né annar maður á Bæjarlistanum gæti sótt fundinn þannig að kalla átti inn þriðja mann á listanum. Ekki hafði verið gefið út kjörbréf fyrir hann og fór Bæjarlistinn fram á að það yrði gert. Sigurður Guðmundsson oddviti Bæjarlistans segir að þau svör hafi fengist að of tímafrekt og dýrt væri að gefa út kjörbréf og var það ekki gert.
Í framhaldinu lagði Bæjarlistinn fram stjórnsýslukæru og laut hún að þremur atriðum er málið varðar, tregðu Akureyrarbæjar við að gefa út kjörbréf fyrir varamenn í bæjarstjórn, að þær ákvarðanir sem teknar voru á nefndum bæjarstjórnarfundi yrðu afturkallaðar þar sem enginn fulltrúi Bæjarlistans sat fundinn og að Akureyrarbær sætti ávítum vegna framgöngu sinnar í málinu.
Guðmundur Egill Erlendsson lögfræðingur sem sæti átti á Bæjarlistanum fyrir sveitarstjórnarkosningar í fyrra segir að listinn hafi fengið þær upplýsingar hjá bæjaryfirvöldum að það svaraði ekki kostnaði að gefa út kjörbréf fyrir viðkomandi varamann í bæjarstjórn, en það segir hann að sé á skjön við lög um kosningar til sveitarstjórna. Kjörbréf eigi að gefa út ef á þarf að halda. Niðurstaða innanríkisráðuneytisins hafi verið sú að um ólögmæta ákvörðun hafi verið að ræða hjá bænum. „Það er ákveðinn sigur fólginn í þeirri niðurstöðu, því ljóst er að Akureyrarbær hefur brotið á Bæjarlistanum með þeirri ákvörðun sinni," segir Guðmundur Egill.
Ráðuneytinu þótti ekki ástæða til að afturkalla þær ákvarðanir sem teknar voru á bæjarstjórnarfundinum þrátt fyrir fjarveru fulltrúa Bæjarlistans og byggði á því mati sínu að ekki hefði á fundinum verið fjallað um mikilvæg mál og eins hefði nægilegur fjöldi bæjarfulltrúa sótt fundinn. Guðmundur Egill segir Bæjarlistann ekki á sama máli og ráðuneytið varðandi mikilvægi þeirra mála sem um var fjallað, en m.a voru á honum teknar ákvarðanir er varða gjaldskrár.
Þá þótti ráðuneytinu ekki efni til þess að ávíta bæinn fyrir framgöngu sína í málinu, en að sögn Guðmundar hafði svipuð staða komið upp hjá Bæjarlistanum skömmu síðar og þá hafi bærinn brugðist við með því að gefa út kjörbréf. Bærinn hefði þannig að mati ráðuneytisins snúið frá villu síns vegar. „Við erum auðvitað ánægð með að hafa náð því fram að bærinn hefur breytt starfsháttum sínum í þessum efnum," segir Guðmundur.
Nýjast
-
Grófin fær styrk
Grófin Geðrækt á Akureyri hefur fengið styrk frá Rafiðnaðarsambandi Íslands upp á 500 þúsund krónur. -
Umgengni afleit og ásýnd verulegt lýti í umhverfinu
„Það er búið að ganga frá deiliskipulagi og framkvæmdaleyfi vegna geymslusvæðis liggur sömuleiðis fyrir. Því ætti ekkert að vera því að vanbúnaði hefja framkvæmdir við geymslusvæði og flytja þá hluti sem hafa varðveislugildi inn á svæðið í framhaldi af því,“ segir Leifur Þorkelsson framkvæmdastjóri Heilbrigðiseftirlits Norðurlands um ástand mála hjá fyrirtækinu Skútabergi á Moldhaugnahálsi. -
Átt þú heima í Giljahverfi? Hvað finnst þér um hverfið?
Akureyrarbær boðar til hverfisfundar í Giljaskóla með íbúum hverfisins, bæjarstjóra og bæjarfulltrúum kl. 17 fimmtudaginn 8. maí. Endilega takið daginn frá og látið í ljós skoðanir ykkar um hverfið. -
Kattafláning og kirkjuganga.
Það hendir mig stundum í hugsunarleysi að fara að hugsa um eitthvað sem dettur upp í hugann. Og þetta henti einmitt í dag. -
Að leggja grunninn að framtíðinni Upplifun úr nútímafræði
Í ár eru 20 ár síðan fyrsti árgangurinn útskrifaðist úr nútímafræði frá Háskólanum á Akureyri. Í tilefni þess var rætt við Ragnheiði Jónu Ingimarsdóttur sem var í þeim útskriftarárgangi. Hún sá tækifæri sem fólust í að vera hluti af fyrsta hópnum sem stundaði þetta áhugaverða nám. -
Fjölmörg verkefni fram undan að takast á við
„Það er mikið verk að vinna og fjölmörg verkefni fram undan sem takast þar á við,“ segir Björn Snæbjörnsson sem kjörinn var formaður Landssambands eldri borgara á landsfundi þess sem haldinn var í Reykjanesbæ. Helgi Pétursson lauk fjórða ári sínu í formannsstóli en formaður situr mest í fjögur ár. Björn var sá eini sem bauð sig fram og því sjálfkjörinn í embætti. -
Þakklátur fyrir heiðurinn og er mjög gíraður
„Ég er virkilega þakklátur fyrir þennan heiður og ætli ég orðið það ekki sem svo; mjög gíraður,“ segir Egill Logi Jónasson nýr bæjarlistamaður á Akureyri. Egill er framsækinn myndlistar- og tónlistarmaður segir í umsögn frá Akureyrarbæ, „sem hefur vakið athygli fyrir frumleg verk og ögrandi sýningar.“ Egill Logi gegnir lykilhlutverki í starfsemi Listagilsins og rekur m.a. tvær vinnustofur í húsnæði Kaktus, fyrir myndlist annars vegar og tónlist hins vegar. Hann hefur verið iðinn við að skapa vettvang fyrir unga og óháða listamenn, m.a. í gegnum tónlistarhátíðina Mysing. -
Tveir fengu gullmerki Einingar-Iðju
Tveir félagar i Einingu-Iðju voru sæmdir gullmerki félagsins á aðalfundi nýverið, þau Gunnar Berg Haraldsson og Laufey Bragadóttir. -
Fiðringur á Norðurlandi fer fram í Hofi í fjórða sinn
Fiðringur fer fram í Menningarhúsinu Hofi næsta miðvikudag, 7. maí og er þetta í fjórða sinn sem keppnin er haldin. Í ár munu tíu skólar af Norðurlandi mætast. Grunnskóli Húnaþings vestra tekur þátt í fyrsta sinn og vonandi taka fleiri skólar frá Norðurlandi vestra þátt á næsta ári því markmiðið er að sinna öllu Norðurlandi frá Borðeyri til Bakkafjarðar!
