Ófært um Holtavörðuheiði, Vatnsskarð og Öxnadalsheiði
Enn er leiðindaveður víða um land með tilheyrandi ófærð eða slæmri færð. Áfram mun ganga á með mjög dimmum éljum fram eftir degi, heldur er að hvessa og á það einkum við um vestan- og norðanvert landið. Á Norðurlandi er hálka ásamt skafrenningi eða éljum nokkuð víða. Flughált er sumstaðar á útvegum. Ófært og stórhríð er á Vatnsskarði og Öxnadalsheiði og þungfært og stórhríð á Þverárfjalli. Snjóþekja og óveður er í Ljósavatnsskarði og þæfingsfærð og skafrenningur er á Hófaskarði.
Það er hált á Austurlandi og flughált nokkuð víða á útvegum. Á Suðausturlandi er einnig hálka, snjóþekja og skafrenningur en þæfingur á Mýrdalssandi og á útvegum.
Þungfært, þæfingsfærð, éljagangur og skafrenningur er víðast á Vesturlandi. Flughálka og stórhríð er á milli Hvalfjarðaganga og Borgarnes. Á Snæfellsnesi er þungfært og stórhríð. Ófært er á Fróðárheiði, Vatnaleið, við Hafursfell á Mýrunum og Skógarströnd. Ófært er einng um Holtavörðuheiði, í Borgarfirði og Bröttubrekku. Á Vestfjörðum er ófært á Klettshálsi, Kleifaheiði og Hálfdán og Mikladal og þar er einnig óveður. Þungfært og skafrenningur er í Ísafjarðardjúpi og þungfært og stórhríð á Steingrímsfjarðarheiði og Þröskuldum. Þæfingsfærð og skafrenningur er á Gemlufallsheiði og í Önundarfirði og snjóþekja og skafrenningur í Súgandafirði.
Búið er að opna fyrir umferð á Sandskeiði og unnið að mokstri í Þrengslum en þar er þæfingsfærð og stórhríð. Á Suðurlandi er annars víðast hvar þæfingsfærð ásamt éljagang og skafrenning. Þæfingsfærð og skafrenningur er frá Selfoss að Hvolsvelli sem og í uppsveitum. Ófært er á Mosfells- og Lyngdalsheiði. Snjóþekja og skafrenningur er á Reykjanesbraut og hálka og éljagangur á Suðurnesjum. Snjóþekja, hálka og éljagangur er á Suðurstrandavegi en Krýsuvíkurvegur er ófær, samkvæmt upplýsingum Vegagerðarinnar.
Nýjast
-
Þá er vorið loksins komið
Já vorið er sú árstíð sem ég elska mest. Sennilega er það líka ljótasta árstíðin. Allt skítugt, grasið gulbrúnt, tré og runnar berir. En svo breytist allt á augabragði. Og daginn sem sólgulur fífill brosir við mér, feit hunangsfluga flýgur framhjá, eða kónguló spásserar yfir borðið sem ég sit við, þá hellist þessi barnslega gleði og tilhlökkun vegna sumars sem er í vændum yfir mig. En besta vormerkið er án efa að það birtir. -
Íshokkí í aldarfjórðung 25 ár frá stofnun kvennaliðs SA í íshokkí
„Þetta er ein hraðasta íþrótt í heimi. Ég hef lýst henni á þann veg að leikmaður er í 100 metra hlaupi á fullum hraða, gefi allt í sprettinn, með 10-15 kg aukalega á sér ásamt því að tveir menn hangi á honum. Það þarf að huga að kylfu og hvar pökkurinn er auk þess sem farið er um á örmjóu blaði. Íshokkí reynir mjög mikið á leikmenn, þeir þurfa að vera í góðu formi, sterkir og hafa gott jafnvægi,“ segir Jónína Margrét Guðbjartsdóttir. Hún var ein af þeim konum sem tók þátt í að stofna kvennalið Skautafélags Akureyrar fyrir 25 árum og er enn að, spilar með og þjálfar að auki U16 kvenna hjá félaginu -
Einstök upplifun í Grobbholti
-Sauðfjárbúið á Húsavík sem dregur að sér hundruði gesta á hverju vori -
Gamla verslunin í Vaglaskógi jöfnuð við jörðu
„Það eiga margir góðar minningar um þessa verslun,“ segir Helen Jónsdóttir en gamla góða búðin í Vaglaskógi var jöfnuð við jörðu nýverið. Allt var tekið nema hellan fékk að vera og væntir Helen þess að eitthvað verði gert á staðnum. „Vonandi verður settur upp fallegur áningarstaður þarna, með borðum og bekkjum og jafnvel skilti sem greinir frá sögu verslunarinnar.“ -
Hamrastígur og Kirkjugarðsstígur Finnur ehf bauð lægst í stígagerðina
Gengið verður til samninga við lægstbjóðenda, Finn ehf í gerð tveggja stíga á Akureyri, Hamrastígs og Kirkjugarðsstígs, en fyrirtækið átti lægsta boð í bæði verkin. -
Alþjóðaflugvöllur á Akureyri verði byggður upp
Sveitarfélögin á Norðurlandi vestra og Norðurlandi eystra skora á ríkisstjórn Íslands og Alþingi að koma rekstri, uppbyggingu og markaðssetningu Akureyrarflugvallar fyrir hjá sérstakri stjórn eða félagi, sem hefur það að markmiði að alþjóðaflugvöllurinn sé byggður upp og kynntur sem ein af gáttum Íslands -
Grafalvarleg staða í rekstri PCC Bakka rædd í atvinnuveganefnd Alþingis.
Atvinnuveganefnd Alþingis hefur verið upplýst um grafalvarlega stöðu í rekstri PCC Bakka við Húsavík, þar sem stefnt gæti í rekstrarstöðvun undir lok sumars ef ekki tekst að snúa vörn í sókn. -
Listasafnið á Akureyri Nýjar sýningar opnaðar
Sýningar Heimis Hlöðverssonar, Samlífi, og Þóru Sigurðardóttur,Tími – Rými – Efni, verða opnaðar í Listasafninu á Akureyri á laugardag 17. maí kl. 15. Á opnunardegi verður leiðsögn með Heimi kl. 15.45. -
Orkey fyrst á Íslandi með sjálfbærni- vottaða framleiðslu á lífeldsneyti
Orkey hefur fengið alþjóðlega kolefnis- og sjálfbærnivottun, ISCC EU, á lífdísilframleiðslu sína á Akureyri fyrst fyrirtækja sem framleiða lífeldsneyti hérlendis.