Nýtt upphaf óskar eftir frambjóðendum
„Hljóðið er gott en stemmningin er enn þá róleg. Það virðast fáir þora að stökkva strax um borð í þessa örk. Vilja gefa sér tíma til að hugsa þetta sem er af hinu góða. Þetta er svipað og dýrin sem þurfa að þefa sig áfram og kynnast nýjum stöðum áður en þau ganga til verka,“ segir Ásgeir Ólafsson Lie stofnandi Nýs upphafs sem hyggst bjóða fram lista til næstu bæjarstjórnarkosninga. Nýtt upphaf hefur auglýst eftir 11 einstaklingum á listann, en hver og einn er þar á eigin forsendum en ekki flokksins.
Hann segir að þegar hafi nokkrir sótt um. „Hins vegar má segja frá því að einstaklingar sem nú þegar eru, og hafa verið starfandi í pólitík áður hafa haft samband. Það er nokkuð gott þykir mér.
Einnig hefur landsfjórðungur haft samband og langar að búa til NU framboð hjá sér í næstu kosningum,“ segir hann en fyrirkomulagið fyrir sveitarstjórnarkosningar á Akureyri er þannig að uppfylli maður skilyrði og þau gildi sem sett eru og óski eftir ákveðnu sæti fái menn það. Enn hefur enginn fest sér sæti en Ásgeir á von á að slíkt gæti gerst á næstu dögum og skorar á þá sem hafa áhuga að láta heyra í sér. Til stendur að birta listann 16. Maí næstkomandi, tveimur árum fyrir kosningar og þá hefst jafnframt kynning.
Kjósendur brenna fyrir að sjá breytingar
Ásgeir segir kjósendur brenna fyrir að sjá breytingar. „Það skynja ég. Þegar ég bauð mig fram í síðustu sveitarstjórnarkosningum fann ég að fólk vildi sjá, finna og fá breytingar. En þegar rótgróin framboð bjóða ekki upp á neitt nýtt, gerist ekki neitt nýtt,“ segir hann.
Stefnuskrá sé ágætt verkfæri fyrir flokka sem kunna og vita hvað við viljum sjá breytast. Svo kemur að því að frambjóðandinn standi loks undir nafni og loforðum sínum, þá tekur flokkurinn u-beygju frá stefnu sinni, stefnu sem frambjóðandinn lofaði að vinna fyrir kjósandann og hann er aftur kominn undir flokkinn sem einstaklingur. „Ekkert frelsi. Þetta er því miður staðreyndin. Pólitík 101. Það er ekkert mál að skrifa handrit að bíómynd í fullri lengd sem allir vilja sjá, en það er annað að klára framleiðsluna og sýna hana. Því þarf að fara allt aðrar leiðir til að takast að breyta einhverju sem er gróið svo fast, eins og flokkapólitíkin er. Koma svo inn um allt aðrar dyr sem aldrei hafa verið opnaðar í þessu tilfelli. Það er krefjandi.“
Tæknilega segir Ásgeir lítið mál að bjóða sig fram sem einstaklingur „Það sem hefur komið mér á óvart er að þeir sem ég hélt að þekktu mest til í þessum málum, telja þetta ekki vera framkvæmanlegt. En svo útskýri ég það fyrir þeim, þá skilja þeir það. En það segir kannski eilítið til um hvað við erum pikk föst í þessu gamla hjakki, að þeir sem þekkja best til, skilja ekki að þetta er hægt. Sem það hæglega er,“ segir hann .
Þarf öfluga einstaklinga sem hafa vilja og þor
„Ávinningurinn minn er ekki fjárhagslegur,“ segir Ásgeir um þá ákvörðun sína að búa til flokk þar sem ekki er starfandi formaður. Hann sé allur á hugsjónina. „Að vilja breyta. Að fjölskylda mín, börn og vinir geti með góðu móti búið á þessu landi og í þessum bæ þegar þau verða fullorðin og haft það gott. Það er ávinningur minn. En þetta mun taka tíma eins og allt. Að ná að kynna þetta fyrir kjósendum svo þeir skilji hvað þetta er og að þetta er mögulegt. Því þarf ég að fá öfluga einstaklinga sem hafa vilja, þor og dug að gera eitthvað sem aldrei hefur verið framkvæmt áður. Skilja ástæðuna og ávinninginn sem skapast.“
https://www.facebook.com/nyttupphaf
Nýjast
-
Kirkjugarðar Akureyrar í rekstrar vanda og næsta skref að loka líkhúsinu
„Hvað verður um líkin?“ er spurning sem Akureyringar og nærsveitarmenn velta fyrir sér þessa dagana, en Kirkjugarðar Akureyrar sem reka líkhús og kapellu á Naustahöfða eru í rekstravanda vegna fjárskorts. Kirkjugörðunum er óheimilt að innheimta þjónustugjald vegna starfsemi líkhúsanna. Einkaaðilar gætu innheimt slíka gjöld en fáir hafa áhuga á að reka líkhús hér á Akureyri. Engin leið önnur er út úr vandanum nema sú að hætta rekstri líkhússins. Stefnir í að skellt verði í lás grípi Alþingi ekki í taumana á vorþingi og geri Kirkjugörðum heimilt að innheimta þjónustugjaldið eða leggja til fjármagn til starfseminnar. -
Fann sig í sálfræði og flýgur nú út í frekara nám
Þegar Emma var ung ætlaði hún að verða læknir eins og langafi. Í menntaskóla áttaði hún sig á því að líffræði væri alls ekki fag sem hún hafði gaman af og þá læknisfræðin ekki það sem fyrir henni lægi. Emma hafði hins vegar mjög gaman af sálfræðinni og eftir einn tímann kom kennarinn upp að Emmu, tjáði henni hversu efnileg hún væri á því sviði og fékk hana til að íhuga frekara nám í fræðunum. -
Bergur Þór Ingólfsson er nýr leikhússtjóri hjá LA
Bergur Þór Ingólfsson er nýr leikhússtjóri Leikfélags Akureyrar. Bergur Þór tekur við af Mörtu Nordal sem hefur gengt starfinu síðustu í sex árin. -
Kylfingar geta tekið gleði sína, Jaðarsvöllur opnar n.k. þriðjudag
Kylfingar á Akureyri geta nú heldur betur tekið gleði sína því stefnt er að þvi að opna Jaðarsvöll n.k þriðjudag samkvæmt þvi sem segir á heimasíðu Golfklúbbs Akureyrar. -
Viðræður eru hafnar um hugsanlegan samruna Samkaupa, Heimkaupa og Orkunnar
Frá þessu segir í tilkynningu frá Samkaupum en þar sem kemur fram að s.l. mánuði hafi Samkaup hf. og Skel fjárfestingarfélag rætt um kosti og galla hugsanlegan samruna fyrirtækjanna. -
Félagslegt húsnæði í Grímsey Ekkert til fyrirstöðu að selja
Velferðarráð Akureyrarbæjar sér ekkert því til fyrirstöðu að húsnæði í eigu bæjarins verði selt. -
25 ár frá sameiningu Einingar og Iðju
Í dag, 15. maí, eru liðin 25 ár síðan formlega var gengið frá samruna Verkalýðsfélagsins Einingar og Iðju, félags verksmiðjufólks á Akureyri. Þótt þetta sameinaða félag eigi sér þannig séð ekki langa sögu stendur það á gömlum merg því félögin eiga sér hvort um sig langa og merka sögu í baráttu verkafólks fyrir réttindum sínum. Sögu Iðju má rekja allt aftur til ársins 1936 og er stofndagur félagsins talinn 29. mars það ár. Verkalýðsfélagið Eining varð til 10. febrúar 1963 með sameiningu Verkakvennafélagsins Einingar og Verkamannafélags Akureyrarkaupstaðar. Rætur Einingar ná þó mun lengra aftur og má segja að fyrsta fræinu hafi verið sáð árið 1894 þegar Verkamannafélag Akureyrarkaupstaðar, hið eldra, var stofnað. -
Buðu upp á bakkelsi frá Suður-Ameríku
Andressa Andrade E. Andrade, Celimar Yerlin Gamboa Maturet, Feiruz Nasser Morabito, Haysmar Ledosvkaya Rangel Blanco og Fiora Alessa Pacini Barragán eru í hópi nemenda af erlendum uppruna sem hafa stundað nám í VMA í vetur, m.a. lagt stund á nám í íslensku sem öðru máli. -
Knattsp.deild KA dæmd til að greiða fyrrverandi þjálfara sínum tæpar ellefu milljónir
Knattspyrnudeild KA var í dag dæmd í Héraðsdómi Norðurlands eystra til að greiða fyrrum þjálfara sínum 8,8 milljónir króna auk dráttarvaxta frá 5 nóvember 2023 vegna ágreinings aðila um túlkun á bónusgreiðslum til handa þjálfarans. KA er einning gert að greiða málskostnað þjálfarans fyrrverandi. Aðspurður sagði Hjörvar Maronsson formaður knd KA að verið væri að fara yfir dóminn og vildi að öðru leyti ekki tjá sig um næstu skref.
Athugasemdir