Neikvæð og ósanngjörn umræða um bændur og lambakjöt
Hin eiginlega sláturtíð byrjar á Húsavík fimmtudaginn 7. september næstkomandi "og þá verðum við komin með full mannað hús," segir Sigmundur, en áætlað að slátra á bilinu 76- 78.000 fjár á Húsavík. Í heildina áætlar Norðlenska að slátra um 108-110.000 fjár. Sigmundur segir að hvað fallþunga í haust varðar megi gera ráð fyrir að hann lækki eitthvað í ljósi þess tíðarfars sem var hér framan af sumri. "En þrátt fyrir það þá hefur það kjöt sem við höfum fengið hingað til verið í góðu lagi og meðalvigt þess verið um 14,5 kg. Það hefur verið fitulítið en holdfylling almennt góð, svo þetta hefur verið mjög söluvænlegt."
Ferskt kjöt frá Norðlenska var komið í búðir nú á þriðjudag,en Nóatún varð þess heiðurs aðnjótandi að fá fyrsta ferska kjötið frá fyrirtækinu þetta haustið. Sigmundur kveðst vonast til þess að það dragi úr þeirri neikvæðu og ósanngjörnu umræðu sem verið hefur um stöðu lambakjötsins og bændur í landinu. "Menn hafa vaðið fram í fjölmiðlum með upphrópanir um skort á lambakjöti og heimtað innflutning, svo ekki sé nú talað um þegar því er slegið upp að allir bestu bitarnir séu fluttir úr landi," segir hann og telur að málflutningur af því tagi lýsi vanþekkingu þeirra sem þannig tala. Nefnir Sigmundur sem dæmi að í liðinni viku hafi Norðlenska flutt út um 70 tonn af t.d lambafitu, beinum, og mör sem og úrbeinuðum slögum. Alls hafi fyrirtækið flutt út af þessum afurðum á þriðja hundrað tonn, þ.e. aukaafurðum sem sumir telji greinilega til "bestu" bitanna.
Hvað útflutning varðar hefur Norðlenska flutt sáralítið út af t.d lærum og hryggjum, en fyrirtækið reyni að sinna Færeyingum eins og kostur er og stefna og metnaður þess sé skýr; innanlandsmarkaðurinn situr fyrir og þannig ætti það að sjálfsögðu að vera hjá öllum. Það sé enda með öllu óviðunandi ef ekki er til lambakjöt í verslunum fyrir landann, veitingastaði og ferðaþjónustuna. "Með því móti skiljum við eftir vinnuna og virðisaukann hér heima, en skrokkar í plasti og grisju sem settir eru beint í gáma og sendir úr landi skila ekki miklum virðisauka," segir Sigmundur.
Nýjast
-
Umgengni afleit og ásýnd verulegt lýti í umhverfinu
„Það er búið að ganga frá deiliskipulagi og framkvæmdaleyfi vegna geymslusvæðis liggur sömuleiðis fyrir. Því ætti ekkert að vera því að vanbúnaði hefja framkvæmdir við geymslusvæði og flytja þá hluti sem hafa varðveislugildi inn á svæðið í framhaldi af því,“ segir Leifur Þorkelsson framkvæmdastjóri Heilbrigðiseftirlits Norðurlands um ástand mála hjá fyrirtækinu Skútabergi á Moldhaugnahálsi. -
Átt þú heima í Giljahverfi? Hvað finnst þér um hverfið?
Akureyrarbær boðar til hverfisfundar í Giljaskóla með íbúum hverfisins, bæjarstjóra og bæjarfulltrúum kl. 17 fimmtudaginn 8. maí. Endilega takið daginn frá og látið í ljós skoðanir ykkar um hverfið. -
Kattafláning og kirkjuganga.
Það hendir mig stundum í hugsunarleysi að fara að hugsa um eitthvað sem dettur upp í hugann. Og þetta henti einmitt í dag. -
Að leggja grunninn að framtíðinni Upplifun úr nútímafræði
Í ár eru 20 ár síðan fyrsti árgangurinn útskrifaðist úr nútímafræði frá Háskólanum á Akureyri. Í tilefni þess var rætt við Ragnheiði Jónu Ingimarsdóttur sem var í þeim útskriftarárgangi. Hún sá tækifæri sem fólust í að vera hluti af fyrsta hópnum sem stundaði þetta áhugaverða nám. -
Fjölmörg verkefni fram undan að takast á við
„Það er mikið verk að vinna og fjölmörg verkefni fram undan sem takast þar á við,“ segir Björn Snæbjörnsson sem kjörinn var formaður Landssambands eldri borgara á landsfundi þess sem haldinn var í Reykjanesbæ. Helgi Pétursson lauk fjórða ári sínu í formannsstóli en formaður situr mest í fjögur ár. Björn var sá eini sem bauð sig fram og því sjálfkjörinn í embætti. -
Þakklátur fyrir heiðurinn og er mjög gíraður
„Ég er virkilega þakklátur fyrir þennan heiður og ætli ég orðið það ekki sem svo; mjög gíraður,“ segir Egill Logi Jónasson nýr bæjarlistamaður á Akureyri. Egill er framsækinn myndlistar- og tónlistarmaður segir í umsögn frá Akureyrarbæ, „sem hefur vakið athygli fyrir frumleg verk og ögrandi sýningar.“ Egill Logi gegnir lykilhlutverki í starfsemi Listagilsins og rekur m.a. tvær vinnustofur í húsnæði Kaktus, fyrir myndlist annars vegar og tónlist hins vegar. Hann hefur verið iðinn við að skapa vettvang fyrir unga og óháða listamenn, m.a. í gegnum tónlistarhátíðina Mysing. -
Tveir fengu gullmerki Einingar-Iðju
Tveir félagar i Einingu-Iðju voru sæmdir gullmerki félagsins á aðalfundi nýverið, þau Gunnar Berg Haraldsson og Laufey Bragadóttir. -
Fiðringur á Norðurlandi fer fram í Hofi í fjórða sinn
Fiðringur fer fram í Menningarhúsinu Hofi næsta miðvikudag, 7. maí og er þetta í fjórða sinn sem keppnin er haldin. Í ár munu tíu skólar af Norðurlandi mætast. Grunnskóli Húnaþings vestra tekur þátt í fyrsta sinn og vonandi taka fleiri skólar frá Norðurlandi vestra þátt á næsta ári því markmiðið er að sinna öllu Norðurlandi frá Borðeyri til Bakkafjarðar! -
,,Ég kveð sátt og held glöð út í lífið"
Þórunn Ingólfsdóttir hefur starfað hjá fyrirtækjum við Fiskitanga á Akureyri stærstan hluta starfsævinnar, lengst af hjá Útgerðarfélagi Akureyringa og Samherja. Hún lét af störfum í fiskvinnsluhúsi ÚA um mánaðamótin og segist kveðja afskaplega sátt. Nú taki við nýr kafli í lífinu.
