Mikilvægi hreyfingar í veirufaraldri
Það þarf kannski ekki að fjölyrða um mikilvægi hreyfingar og líkamsræktar, það hafa allir heyrt um kosti þess að hreyfa sig. Margsinnis hefur verið sýnt fram á jákvæð áhrif reglulegrar hreyfingar með rannsóknum. Hreyfing hefur áhrif á hjarta- og æðakerfi, bein, liði og vöðva og svo auðvitað ónæmiskerfið. Regluleg hreyfing hefur þó ekki aðeins áhrif á líkamlega þætti, hreyfing er nefnilega eitt sterkasta meðalið við streitu og kvíða. Það að taka sér smá tíma frá amstri dagsins, ná púlsinum upp, svitna aðeins og ýta undir endorfín framleiðslu líkamans með góðri æfingu gerir öllum gott og dregur úr streitu.
Áhyggjur yfir margvíslegum hlutum sækja að okkur þessa dagana, margir þurfa að endurskipuleggja sig að miklu leyti og okkur eru settar hinar ýmsu takmarkanir. Við þurfum hins vegar að muna eftir að hugsa um okkur sjálf, ekki bara að þvo hendurnar og nota sótthreinsipritt, við þurfum að gæta heilsu okkar á fleiri vegu. Þrátt fyrir að aðgengi okkar að líkamsræktarstöðvum og íþróttaæfingum sé skert þá er þetta tíminn til að hugsa í lausnum og út fyrir kassann. Gefið ykkur tíma til að hreyfa ykkur. Það þarf ekki að vera nema 30 mínútur á hverjum degi og það eru ótal margar leiðir aðrar en að fara í ræktina.
Fáðu þér göngutúr þegar veður leyfir, veldu lengri eða meira krefjandi gönguleið þegar þú vilt taka meira á. Farðu út að leika með börnunum eða upp í brekku að renna á sleða. Útivistarsvæðin í Kjarnaskógi og í Naustaborgum eru opin öllum og því tilvalið að skella sér á gönguskíði eða göngutúr. Það er líka hægt að gera æfingar heima, taktu hnébeygjur, armbeygjur, framstig og afturstig, dýfur, maga- og bakæfingar – notaðu ímyndunaraflið! Það þarf ekki alltaf að eiga flottar græjur heima til að gera æfingar, settu dót í tösku eða bakpoka og gerðu æfingar með þyngd ef þig langar.
Ef þig skortir hugmyndir þá er afar einfalt og skemmtilegt að skoða hinar ýmsu heimaæfingar á netinu. Það þarf ekki að vera flóknara en að slá inn „home workout“ í leitarvél og þú færð yfir tvær milljónir niðurstaðna. Það má líka benda á að okkar helsta íþróttafólk er flest allt í sömu aðstæðum og við, margir þessara einstaklinga eru mjög duglegir að deila með okkur sínum æfingum á samfélagsmiðlum og það er ekki bara skemmtilegt að fylgjast með heldur líka fróðlegt.
Láttu þér líða vel á erfiðum tímum – ekki gleyma að hreyfa þig!
-Arna V. Erlingsdóttir, B.A. í sálfræði og M.Sc. í íþróttavísindum og þjálfun og handboltakona
Nýjast
-
Götuhornið - Gamlingi á villigötum
Mig hefur lengi langað til að senda bréf til Götuhornsins. Mér hefur legið ýmislegt á hjarta og fannst það eiga fullt erindi til lesenda. Þetta hefur þó ekki getað orðið fyrr en nú vegna vandræða sem ég lenti í og þurfti að greiða úr. -
Fyrsta alþjóðlega hótelið á landsbyggðinni mun opna á Akureyri árið 2025
Fyrirhugað er að fyrsta alþjóðlega hótelið á landsbyggðinni mun opna á Akureyri 2025 undir merkjum Curio Collection by Hilton. Framkvæmdin verður í samvinnu við Bohemian Hotels. „Bohemian Hotels ehf., í samstarfi við Hilton, tilkynnir með stolti undirritun tímamótasamnings um byggingu og rekstur tveggja hágæða hótela á Íslandi. Þessir samningar marka ákveðin tímamót í hótelgeiranum á Íslandi og færa Akureyri gistingu og þægindi á heimsmælikvarða til jafns við Reykjavík" segir i tilkynningu frá Bohemian Hotels. -
Kuldatíð seinkar vorverkum
Talsverðar líkur er á að kal verði í túnum í Svarfaðardal en sennilega sleppa önnur svæði í héraðinu betur þó ekki sé það fullvíst. Kuldatíð seinkar vorverkum bænda og gæti í versta falli orðið til þess að spretta fari seinna af stað en vanalega, snjór er yfir öllum túnum og því ekki hægt að bera á. -
Goblin opnar á Glerártorgi
„Eins leitt og okkur þykir að yfirgefa fallega miðbæinn okkar, erum við afar spennt fyrir þessum flutningum og hlökkum til að bjóða viðskiptavini okkar velkomna á Glerártorgi,“ segja þau Þorsteinn Marinósson og Ásta Hrönn sem eiga Goblin. Starfsemin hefur verið við Brekkugötu undanfarin ár en flyst nú í rýmra húsnæði á Glerártorgi. -
Lystigarðurinn - Kostar meira að pissa
Gjald fyrir afnot af salernisaðstöðu í Lystigarðinum á Akureyri hækkar 1. maí næstkomandi, út 150 krónum eins og áður var í 300 krónur. Gjaldið verður endurskoðað við gerð gjaldskrár Umhverfis- og mannvirkjaráðs Akureyrarbæjar árlega. -
Bókakynning á Amtsbókasafninu á Akureyri á morgun.
Kristín Guðmundsdóttir höfundur bókarinnar Tólf lyklar verður með kynningu á bókinni á Amtsbókasafninu á morgun og hefst kynningin klukkan 15:30. Bókin er fyrir fólk af erlendum uppruna sem er búið með grunninn í íslensku. -
Barnamenningarhátíð á Akureyri
Barnamenningarhátíð á Akureyri er nú haldin í sjöunda sinn og hefur vaxið ár frá ári. Hátíðin teygir sig yfir allan aprílmánuð með það að markmiði að hvetja börn og fjölskyldur þeirra til að taka virkan þátt í menningarlífi bæjarins sér að kostnaðarlausu.Á dagskrá eru fleiri en 50 viðburðir af ýmsu tagi. -
Sigríður Örvarsdóttir nýr safnstjóri Listasafnsins
Sigríður Örvarsdóttir hefur verið ráðin nýr safnstjóri Listasafnsins á Akureyri. Sigríður er með MA gráðu í safnafræði frá Háskóla Íslands (2018), BA gráðu í textílhönnun frá Seminaret for Kunst og Haandværk í Danmörku (2001), ásamt meistaranámi í prjónahönnun frá Academie Royale des Beux-Arts (2014) og viðbótardiplómu í hagnýtri jafnréttisfræði frá Háskóla Íslands (2009). Auk þess er hún með kennsluréttindi í grunn- og framhaldsskóla (2001). Sigríður hefur starfað sem safnstjóri og forstöðumaður Menningarmiðstöðvar Þingeyinga frá árinu 2022 og veitir sem slík forstöðu Myndlistarsafni Þingeyinga en safneign þess telur um 1.900 verk. Í starfi sínu stýrir hún starfseminni og ber ábyrgð á öllum þáttum rekstrar, allri fjárhags- og verkefnaáætlanagerð, bókhaldi, mannauðsmálum, rekstri fasteigna og faglegu starfi sjö annarra safneigna og fjögurra sýningarstaða. Sigríður starfaði sem verkefnastjóri sýninga hjá Akureyrarbæ sumarið 2021. Í því starfi sinnti hún sýningagerð, rannsóknarvinnu og kynningarmálum. Árin 2019 til 2020 var hún sjálfstætt starfandi ráðgjafi við gerð safnastefnu Akureyrarbæjar. Hún gegndi starfi safnafulltrúa Listasafnsins á Akureyri árið 2012 og árin 2010 og 2012 starfaði hún sem verkefnastjóri samsýninga og ritstjóri safnahandbóka fyrir söfn á Norður- og Norðausturlandi. Árin 2008 til 2012 starfaði hún sem safnkennari við Minjasafnið á Akureyri. Sigríður hefur reynslu af kennslu í list- og hönnunargreinum á öllum skólastigum innan lands sem utan, m.a. hjá Listaháskóla Íslands og Marbella Design Academy á Spáni. Hún hefur tekið þátt í alheimsþingi ICOM, alþjóðaráðs safna og verið fulltrúi þess í Rannsóknarsetri í safnafræðum við Háskóla Íslands. Alls bárust 14 umsóknir um starfið. -
Virðist sem skorti pólitískan vilja
Stjórn og trúnaðarráð Framsýnar kom saman til fundar í gær. Mörg mikilvæg mál voru til umræðu á fundinum m.a. samgöngumál. Ákveðið var að hvetja Vegagerðina og stjórnvöld til að styðja við áætlunarflug um Húsavíkurflugvöll auk þess styðja betur við Loftbrúna sem skiptir íbúa á landsbyggðinni verulega miklu máli. Fjölga þarf ferðum sem menn geta nýtt sér á þessum sérstöku kjörum
Athugasemdir