Matur frá Kaffihúsinu Barr í boði fyrir þá sem ekki eiga nóg fyrir sig
Silja Björk hjá Kaffihúsinu Barr í Menningarhúsinu Hofi hefur boðið bæjarbúum að grípa mat sem gengur af eftir sölu dagsins. Þörfin sé greinilega mikil því allt sem sett er út hverfur. Mynd/Margrét Þóra
„Það er augljóst að margir íbúar Akureyrar búa við skort og þörfin er mikil,“ segir Silja Björk Björnsdóttir sem rekur Kaffihúsið Barr í Hofi á Akureyri sem hefur undanfarnar vikur tekið saman allan mat sem óseldur er að kvöldi, pakkað í þar til gerð matarbox sem svo er raðað upp í brauðbakka og komið fyrir undir borði utan við kaffihúsið.
Maturinn er settur eftir lokun kaffihússins, milli kl. 18 og 19 á kvöldi og þegar komið er til vinnu kl. 8 næsta morgun er undantekningarlaust búið að taka alla bakka sem í boði eru. Hún lætur vita hvað er í boði á fésbókarhópnum Matargjafir á Akureyri og nágrenni.
Tímaskekkja og óþarfi að henda mat
Silju svíður að sjá þá miklu matarsóun sem tíðkast í veitingageiranum, en innan hans sé lenska að henda mat sem gengur af. Á höfuðborgarsvæðinu taki t.d. Kvennaathvarf og Rauði krossinn við matvælum, samlokum og fleiru sem nýtist skjólstæðingum en slíkir viðtökustaðir séu ekki fyrir hendi á Akureyri. Hún segir tímaskekkju og algjöran óþarfa að henda óskemmdum mat, það séu til leiðir til að koma honum í réttar hendur og þær þurfi að nýta. Búið sé að eyða mikilli orku í að framleiða matvælin á kostnað umhverfisins og eins þurfi umtalsverða orku til að farga þeim séu þau ekki nýtt.
„Við þurfum að hugsa þessi mál upp á nýtt, það er grátlegt að henda matvælum sem ekki eru skemmd á meðan til er hópur fólks sem á ekki mat handa sér og börnunum sínum og á meðan matarsóun er einn stærsti valdur loftslagsbreytinga,“ segir Silja og bætir við að á Akureyri sé stór hópur sem ekki eigi fyrir mat út mánuðinn. Umræðan um fátækt sé óþægileg en hana verði að taka.
Þurfum að finna betri leið til að deila út
Silja Björk hvetur aðra til að hugsa áður en þeir henda, reyna frekar að láta afgangsmatvæli ganga áfram, „en það segir sig sjálft að við þurfum að finna betri leið til að deila þessu út, það gengur ekki á köldum vetrarkvöldum að geyma matvæli hér fyrir utan húsið. Það er óskandi að einhver samtök eða félög gætu tekið þetta samfélagsverkefni að sér,“ segir hún.
/MÞÞ
Nýjast
-
Götuhornið - Gamlingi á villigötum
Mig hefur lengi langað til að senda bréf til Götuhornsins. Mér hefur legið ýmislegt á hjarta og fannst það eiga fullt erindi til lesenda. Þetta hefur þó ekki getað orðið fyrr en nú vegna vandræða sem ég lenti í og þurfti að greiða úr. -
Fyrsta alþjóðlega hótelið á landsbyggðinni mun opna á Akureyri árið 2025
Fyrirhugað er að fyrsta alþjóðlega hótelið á landsbyggðinni mun opna á Akureyri 2025 undir merkjum Curio Collection by Hilton. Framkvæmdin verður í samvinnu við Bohemian Hotels. „Bohemian Hotels ehf., í samstarfi við Hilton, tilkynnir með stolti undirritun tímamótasamnings um byggingu og rekstur tveggja hágæða hótela á Íslandi. Þessir samningar marka ákveðin tímamót í hótelgeiranum á Íslandi og færa Akureyri gistingu og þægindi á heimsmælikvarða til jafns við Reykjavík" segir i tilkynningu frá Bohemian Hotels. -
Kuldatíð seinkar vorverkum
Talsverðar líkur er á að kal verði í túnum í Svarfaðardal en sennilega sleppa önnur svæði í héraðinu betur þó ekki sé það fullvíst. Kuldatíð seinkar vorverkum bænda og gæti í versta falli orðið til þess að spretta fari seinna af stað en vanalega, snjór er yfir öllum túnum og því ekki hægt að bera á. -
Goblin opnar á Glerártorgi
„Eins leitt og okkur þykir að yfirgefa fallega miðbæinn okkar, erum við afar spennt fyrir þessum flutningum og hlökkum til að bjóða viðskiptavini okkar velkomna á Glerártorgi,“ segja þau Þorsteinn Marinósson og Ásta Hrönn sem eiga Goblin. Starfsemin hefur verið við Brekkugötu undanfarin ár en flyst nú í rýmra húsnæði á Glerártorgi. -
Lystigarðurinn - Kostar meira að pissa
Gjald fyrir afnot af salernisaðstöðu í Lystigarðinum á Akureyri hækkar 1. maí næstkomandi, út 150 krónum eins og áður var í 300 krónur. Gjaldið verður endurskoðað við gerð gjaldskrár Umhverfis- og mannvirkjaráðs Akureyrarbæjar árlega. -
Bókakynning á Amtsbókasafninu á Akureyri á morgun.
Kristín Guðmundsdóttir höfundur bókarinnar Tólf lyklar verður með kynningu á bókinni á Amtsbókasafninu á morgun og hefst kynningin klukkan 15:30. Bókin er fyrir fólk af erlendum uppruna sem er búið með grunninn í íslensku. -
Barnamenningarhátíð á Akureyri
Barnamenningarhátíð á Akureyri er nú haldin í sjöunda sinn og hefur vaxið ár frá ári. Hátíðin teygir sig yfir allan aprílmánuð með það að markmiði að hvetja börn og fjölskyldur þeirra til að taka virkan þátt í menningarlífi bæjarins sér að kostnaðarlausu.Á dagskrá eru fleiri en 50 viðburðir af ýmsu tagi. -
Sigríður Örvarsdóttir nýr safnstjóri Listasafnsins
Sigríður Örvarsdóttir hefur verið ráðin nýr safnstjóri Listasafnsins á Akureyri. Sigríður er með MA gráðu í safnafræði frá Háskóla Íslands (2018), BA gráðu í textílhönnun frá Seminaret for Kunst og Haandværk í Danmörku (2001), ásamt meistaranámi í prjónahönnun frá Academie Royale des Beux-Arts (2014) og viðbótardiplómu í hagnýtri jafnréttisfræði frá Háskóla Íslands (2009). Auk þess er hún með kennsluréttindi í grunn- og framhaldsskóla (2001). Sigríður hefur starfað sem safnstjóri og forstöðumaður Menningarmiðstöðvar Þingeyinga frá árinu 2022 og veitir sem slík forstöðu Myndlistarsafni Þingeyinga en safneign þess telur um 1.900 verk. Í starfi sínu stýrir hún starfseminni og ber ábyrgð á öllum þáttum rekstrar, allri fjárhags- og verkefnaáætlanagerð, bókhaldi, mannauðsmálum, rekstri fasteigna og faglegu starfi sjö annarra safneigna og fjögurra sýningarstaða. Sigríður starfaði sem verkefnastjóri sýninga hjá Akureyrarbæ sumarið 2021. Í því starfi sinnti hún sýningagerð, rannsóknarvinnu og kynningarmálum. Árin 2019 til 2020 var hún sjálfstætt starfandi ráðgjafi við gerð safnastefnu Akureyrarbæjar. Hún gegndi starfi safnafulltrúa Listasafnsins á Akureyri árið 2012 og árin 2010 og 2012 starfaði hún sem verkefnastjóri samsýninga og ritstjóri safnahandbóka fyrir söfn á Norður- og Norðausturlandi. Árin 2008 til 2012 starfaði hún sem safnkennari við Minjasafnið á Akureyri. Sigríður hefur reynslu af kennslu í list- og hönnunargreinum á öllum skólastigum innan lands sem utan, m.a. hjá Listaháskóla Íslands og Marbella Design Academy á Spáni. Hún hefur tekið þátt í alheimsþingi ICOM, alþjóðaráðs safna og verið fulltrúi þess í Rannsóknarsetri í safnafræðum við Háskóla Íslands. Alls bárust 14 umsóknir um starfið. -
Virðist sem skorti pólitískan vilja
Stjórn og trúnaðarráð Framsýnar kom saman til fundar í gær. Mörg mikilvæg mál voru til umræðu á fundinum m.a. samgöngumál. Ákveðið var að hvetja Vegagerðina og stjórnvöld til að styðja við áætlunarflug um Húsavíkurflugvöll auk þess styðja betur við Loftbrúna sem skiptir íbúa á landsbyggðinni verulega miklu máli. Fjölga þarf ferðum sem menn geta nýtt sér á þessum sérstöku kjörum
Athugasemdir