Margir möguleikar í sjávarútveginum
Eftir mörg mögur ár er þetta sem betur fer að batna og mikil fjölgun í náminu. Við Íslendingar erum sjávarútvegsþjóð og við eigum að hafa marga vel menntaða einstaklinga sem starfa í þessum geira, segir Hreiðar Þór Valtýsson lektor við sjávarútvegsbraut Háskólans á Akureyri. Í haust hófu 33 nýnemar nám í sjávarútvegsfræði við skólann og er það mesti fjöldinn í átján ár og sá næstmesti frá upphafi.
Við lentum í mikilli lægð með þetta nám um svipað leyti og Ísland var á uppsiglingu með flest annað. Þetta var grein sem var hálfpartinn útundan, menn höfðu ekkert áhuga á fiski lengur og sjávarútvegurinn var eitthvað sem tilheyrði gamla tímanum. Svo kom kreppan og þá er eins og fólk hafi vaknað og áttað sig á því að sjávarútvegurinn skiptir okkur mestu máli. Við vorum með fáar nemendur fyrir efnahagshrunið og komnir í hálfgerð vandræði. Við fengum hins vegar stuðning frá útgerðarmönnum til þess að endurskoða námið og eftir það lá leiðin upp á við og nýnemum hefur fjölgað um tíu á hverju ári undanfarin þrjú ár.
Ekki bara fiskflak
Það eru margir möguleikar innan sjávarútvegsgreinarinnar og mjög gaman að fylgjast með íslenskum sjávarútvegi í dag. Það er svo mikil þróun í gangi og menn eru hættir að horfa bara á fisk sem flak, þó það sé auðvitað ennþá afar verðmætur hluti fisksins. Til dæmis er mikil gróska í ýmsum hliðargreinum, að búa til afurði úr hlutum sem áður var hent. Fiskhausar geta verið mjög verðmætir og það er mikill iðnaður í kringum það. Haus af grálúðu er t.d. með verðmætari sjávarafurðum í dag. Menn hirða alltaf meira af fiskinum og þetta er eitt af því sem er sérstakt hér á landi. Fólk er virkilega að horfa á fiskinn með það í huga að nýta hann allan og það skilar sér í auknum verðmætum. Það er líka mikil gróska í mörgum hliðargreinum sjávarútvegs, sérstaklega tæknigeiranum.
Lengra viðtal við Hreiðar má finna í nýjasta tölublaði Vikudags.
Nýjast
-
Sjómannadagur.
Àrlega hőldum við sjómannadaginn hátíðlegan. Við hugsum til sjómanna, sem finnast í flestöllum ef ekki öllum íslenskum fjölskyldum, heiðrum þá og gleðjumst með þeim. Það er misjafnt hve mikinn þátt fólk tekur í þessum hátíðarhöldum. Sumir fylgjast vel með dagskrá hátíðarhaldanna, á meðan aðrir láta sér nægja eitthvað betra með kaffinu. -
Norðurslóðir, stríð og hnattræn hlýnun
Aukin spenna í alþjóðamálum hefur haft mikil áhrif á þróun mála á Norðurslóðum. Ríki sem þar eiga hagsmuna að gæta þurfa að fylgjast vel með og vera reiðubúin að bregðast við öðrum vendingum á svæðinu. Á meðan hnattræn hlýnun ógnar umhverfi, samfélögum og opnun skipaleiða – þá hefur innrásarstríð Rússa í Úkraínu leitt til þess að vonir um friðsæl samskipti á Norðurslóðum hafa dvínað verulega. -
Bakþankar bæjarfulltrúa Í guðanna bænum
Ég er enn í sjokki. Taugaáfalli. Og tilefnið, Jú, í gær varð ég barni að bana – næstum því. Veit ekki enn hvaða kraftaverk kom í veg fyrir þá miklu óhamingju. Öskur eða eitthvað sem undirmeðvitundin skynjaði - þótt augað sæi ekki. Tildrögin. Ég var að koma niður Krákustíg hjá Amtsbókasafninu þegar eitthvað skaust á örskotshraða fyrir steyptan garðvegginn, niður gangstéttina með fram Oddeyrargötu. -
Að efla þéttbýli eða vinna gegn því
Á síðustu 20 árum hefur íbúum á Íslandi fjölgað um tæp 100 þúsund eða um þriðjung (33%). Langstærstur hluti þessar fjölgunar hefur átt sér stað á suðvesturhorni landsins. Ef skoðuð er íbúaþróun í þeim sveitarfélögum sem í dag mynda sveitarfélagið Þingeyjarsveit, en voru fyrir aldarfjórðung 6 hreppir, kemur upp ólík mynd. Þann 1. janúar 2005 töldu sveitarfélögin (þá þrjú) 1.399 manns en þann 1. janúar sl. bjuggu 1.453 Þingeyjarsveit. Því hefur íbúum fjölgað hér um tæp 4% á sama tíma og landsmönnum fjölgaði um þriðjung. -
Framkvæmdasjóður ferðamannastaða Verkefni í Glerárdal og Hlíðarfjalli fá 46 milljónir
Tveir styrkir komu í hlut Akureyrarbæjar við úthlutun úr Framkvæmdasjóði ferðamanna, samtals um 46 milljónir króna. -
GeoSilica hefur framleiðslu á Þeistareykjum
GeoSilica færir út kvíarnar og hefur starfsemi í nýju húsi á fjölnýtingarlóð Landsvirkjunar á Þeistareykjum komandi haust. Fyrirtækið hefur samið við Landsvirkjun um leigu á húsinu, afhendingu auðlindastrauma á Þeistareykjum og samstarf til næstu áraSamstarfið markar upphaf fjölnýtingar á Þeistareykjum til framtíðar. -
Bjargvættir framtíðarinnar á Húsavík
Unglingadeild Björgunarsveitarinnar Garðars er afar öflug -
Rausnarleg gjöf frá nemendum Síðuskóla til barnadeildar SAk
Barnadeild Sjúkrahússins á Akureyri fékk á dögunum einstaka gjöf þegar nemendur í 5., 6. og 7. bekk Síðuskóla ákváðu að leggja 550.000 krónur inn á styrktarreikning deildarinnar. Upphæðin safnaðist með sölu á handverki og veitingum sem nemendur stóðu fyrir á Barnamenningarhátíð í apríl. -
Metár umsókna við Háskólann á Akureyri
Umsóknir í Háskólann á Akureyri hafa aldrei í sögu skólans verið fleiri, en alls bárust um 2.340 umsóknir að þessu sinni. Þetta er um 15% aukning frá síðasta ári og rúmlega 8% aukning frá árinu 2018, sem var fyrra metár umsókna við háskólann.
