Lokaorðið - Sumardagurinn fyrsti.
Sumardagurinn fyrsti er ævaforn hátíðisdagur á Íslandi. Þó líði aldir og kynslóðir komi og fari er ekkert sem Íslendingar þrá heitar en vorið. Hjörtun slá þá í mildum samhljóma takti og loks er liðin vetrarþraut. Sumardagurinn er einnig þekktur sem barnadagurinn. Í þéttbýlinu gerði fólk sér dagamun og klæddist sparifötum.
Skrúðgöngur, fánaborgir og lúðrasveitir. Eftirvænting í andlitum og skátarnir oftast í fararbroddi. Í sveitinni heima fengum við krakkarnir sumargjafir. Heimildir um sumargjafir finnast allt aftur á 16. öld og í Sögu daganna eftir Árna Björnsson kemur fram, að frá fornu fari voru sumargjafir algengar víða um land, ekki síst í Eyjafirði og Skagafirði. Ég var svo heppin að fá sumargjafir og var föður mínum umhugað um það. Hann var Eyfirðingur og ólst upp við þann sið fyrir 100 árum síðan.
Ólíkt jólagjöfunum sem í minni mínu voru oftast föt eða eitthvað nytsamt, þá finnst mér að sumargjöfin hafi alltaf verið leikfang, oft litlir gúmmíboltar. Við krakkarnir lögðum rækt við svokallaðan tvíbolt og þríbolt og þeir fimustu réðu við fjórbolt, jafnvel fimmbolt. Leikurinn fólst í því að henda boltunum í vegg hverjum á eftir öðrum og grípa jafnharðan, henda aftur viðstöðulaust og missa þá ekki niður. Ein sumargjöf er mér sérstaklega minnistæð, það var sippuband með gulum tréhöldum og fremst á höldunum voru rauðar kúlulaga spiladósir fallega skreyttar. Í kúlurnar var bandinu krækt og þegar maður sippaði snérust kúlurnar og spiluðu lag.
Önnur sumargjöf er mér líka minnistæð en það var plasthringur sem maður setti uppá annan ökklann. Í hringinn var fest band og á hinum enda bandsins var lítill bolti. Svo snéri maður fætinum hring eftir hring og hoppaði yfir bandið með hinum fætinum. Þá eru ótaldir húlahringirnir sem pabbi bjó til úr hvítu rafmagnsrörunum og spjöldin með brókarteygjunum sem mamma gaf okkur og við notuðum í teygjutvist.
Þá man ég eftir að það var keppikefli að leika sér úti á peysunni sem oft var fallega útprjónuð ullarpeysa. Og þó veðrið væri ekki uppá marga fiska var eitthvað táknrænt við það að kasta af sér vetrarhamnum. Já, sumardagurinn fyrsti er yndislegur.
Dagur gleði, bjartsýni og vonar.
Gleðilegt sumar!
Nýjast
-
Umhverfis- og mannvirkjaráð Akureyrar - Blöndulína 3 þrengir að landlitlu sveitarfélagi
„Um er að ræða gríðarlega mikla hagsmuni Akureyrarbæjar, enda ljóst að umrædd lína þrengir að því landlitla sveitarfélagi sem Akureyrarbær er, getur hindrað vöxt þess og er líkleg til að rýra gæði þeirrar byggðar sem fyrir er,“ segir í bókun umhverfis- og mannvirkjaráðs Akureyrar, en á fundi ráðsins voru lögð fram drög að umsögn vegna lagningar Blöndulínu í gegnum land Akureyrarbæjar frá norðri og að Rangárvöllum. -
Heiðurviðurkenningar Akureyrarbæjar
Heiðursviðurkenningar Akureyrarbæjar fyrir vel unnin störf í þágu menningar og samfélagsins hlutu að þessu sinni nafnarnir Þorsteinn Pétursson, Steini Pje, fyrir óeigingjarnt framlag sitt til varðveislu og nýtingar eikarbátsins Húna II, og Þorsteinn E. Arnórsson, fyrir mikilsvert framlag til varðveislu iðnaðarsögu Akureyrar og reksturs Iðnaðarsafnsins á Akureyri. -
KA er Íslandsmeistari í blaki kvenna 2023-24
KA er Íslandsmeistari í blaki kvenna eftir stórkostlegan 2-3 endurkomusigur að Varmá í Mosfellsbæ í dag. Stelpurnar okkar lentu 2-0 undir í hrinum en sneru enn einum leiknum sér í vil og standa uppi sem Íslandsmeistarar þriðja árið í röð! -
Jonna Jónborg Sigurðardóttir bæjarlistamaður Akureyrar 2024
„Markmiðið er að færa listina út til fólksins. Koma með listina til þess í stað þess að það komi í ákveðna sali eða gallerí til að skoða listaverk,“ segir Jonna Jónborg Sigurðardóttir bæjarlistamaður á Akureyri árið 2024. Hún vinnur að undirbúningi sýningar sem nefnist Ferðalag. Það hefst nú á starfsàrinu og stendur í tvo mánuði. Einnig er hún á fullu við að hanna og útbúa svöng ruslatröll sem prýða munu nokkra rusladalla á Akureyri. -
Undirbúningur fyrir hátíðarhöld sjómannadagsins á Akureyri hafinn.
Sjómannadagurinn var endurvakinn á Akureyri í fyrra og tókst vel til, svo vel að undirbúningur er hafinn fyrir hátíðarhöld á komandi sjómannadag fyrstu helgina i júni. -
Kvarssandur frá PCC gæti orðið að varnargörðum við náttúruvá
Verkefnið Sterk steypa vann fyrstu verðlaun í áskorun PCC Bakki Silicon, á Krubbi-hugmyndahraðhlaupi sem haldið var á STÉTTINNI á Húsavík í mars -
Norðurorka - Leit að leka í hitaveitu með drónum
Dagana 7.-11. maí munu starfsmenn frá umhverfisverkfræðistofunni ReSource International gera lekaleit á hitaveitu fyrir hönd Norðurorku. Að þessu sinni yfir Eikar- og Daggarlundi á Akureyri, í Eyjafjarðarsveit (Hrafnagilshverfi, Kristnes og austan frá Kaupangi fram að Stóra Hamri) og á Svalbarðseyri. -
Ferðafélag Akureyrar og Stóri-plokkdagurinn - Félagsmenn tóku til hendinni að venju
„Okkur finnst minna um rusl núna en undanfarin tvö ár, sem ef til vill er vegna þess að svæðið er hreinsað skipulega á hverju ári,“ segir Þorgerður Sigurðardóttir formaður Ferðafélags Akureyri. Stóri-plokkdagurinn var haldinn um liðna helgi og tóku félagsmenn FFA til hendinni að venju -
Kveðjutónleikar og útgáfuhóf í Sögulokum Hrundar Hlöðversdóttur
Sögulok er yfirskrift viðburðar sem Hrund Hlöðversdóttir efnir til í félagsheimilinu Laugarborg í Eyjafjarðarsveit á laugardaginn, 4. maí. Þar kveður hún sveitunga sína, en Hrund hefur búið í Eyjafjarðarsveit undanfarin 16 ár, þar af var hún skólastjóri Hrafnagilsskóla um 12 ára skeið ár. Sögulokin eru jafnframt útgáfuhóf því um þessar mundir kemur út þriðja og síðasta bók Hrundar í þríleik hennar um Svandísi og félaga hennar. Sú heitir ÓLGA, kynjaslangan.
Athugasemdir