Líst illa á hugmyndir um afnám sjómannaafsláttar
"Nú fyrir nokkrum vikum var launakostnaður atvinnurekenda aukinn með hækkun tryggingargjalds. Það eru auðvitað takmörk hvað fyrirtæki geta
greitt hátt hlutfall tekna í laun og launakostnað. Hvað íslenska útgerð varðar greiðir hún alltaf hlutfall af heildartekjum í laun og er
þetta hlutfall orðið mjög hátt og getur ekki hækkað meira," segir Kristján Vilhelmsson formaður Útvegsmannafélags
Norðurlands.
Hann segir fleiri stéttir í þjóðfélaginu njóta skattaívilnunar vegna eðli starfa þeirra eða öllu heldur hvar vinna fari fram.
„Þessi ívilnun er undir nafni „dagpeninga" og ef það á að fara að skera upp kerfið verður að taka það allt fyrir en ekki bara
eitt þeirra."
Bendir Kristján á að starf sjómannsins sé þannig að oft er erfitt fyrir maka að vinna úti þannig að tekjur heimilisins eru eingöngu
sjómannsins. „Ég vil meina að nýlagður hátekjuskattur, sem tekur ekki tillit til þessa, sé sjómönnum töluvert
íþyngjandi og það komi úr hörðustu átt að það sé stjórnarmaður í verkalýðsfélagi sjómanna
sem bryddar upp á þessari hugmynd nú," segir Kristján.
Konráð Alfreðsson formaður Sjómannafélags Eyjafjarðar segir málið ósköp einfalt, sjómenn muni aldrei nokkurn tíma ljá máls á því að sjómannaafsláttur verði felldur niður öðru vísi en að á móti komi fullar bætur. Ríkið yrði þá að setja lög sem kvæðu á um að útgerðin greiddi þá upphæð sem skattaafslættinum næmi til að dæmið gengi upp. Ef sú staða kæmi upp að sjómenn þyrftu að sækja bæturnar í frjálsum samningum sér Konráð fyrir sér mikinn og langvinnan slag. „Sjómenn munu aldrei gefa þetta eftir nema með fullum bótum og þá er það ríkisins að sjá til þess að svo verði. Annars er einkennilegt að ráðast með þessum hætti á eina stétt manna og ætla henni að taka á sig tekjuskerðingu, það er ótækt að mínu mati," segir Konráð.
Nýjast
-
Heyrn er ekki munaður – hún er þátttaka
Það var ánægjulegt að sækja fund hjá Félagi eldri borgara á Akureyri (EBAK) síðastliðinn föstudag. Rétt rúmlega hundrað manns mættu – áhugasamir, upplýstir og málefnalegir. Þar skapaðist gott samtal um þau mál sem brenna mest á eldra fólki í dag. Ábendingar komu víða að og spurningarnar voru margar og skýrar. Það var sérstaklega áberandi að umræðan snerist ítrekað að sömu kjarnamálunum: skerðingum, lífeyrissjóðum en einnig að heilbrigðisþjónustu. -
Sundlaug Akureyrar lokuð 18.-22. maí – opið lengur í Glerárlaug 18. maí
Sundlaug Akureyrar verður lokuð dagana 18.-22. maí eða frá sunnudegi til fimmtudags í næstu viku. -
Byggingaréttur á lóðum á Torfunefsbryggju boðin út í maí
Byggingaréttur á tveimur lóðum við Torfunefsbryggju þar sem eru til staðar fimm byggingareitir verður boðin út nú síðar í maí. -
Sumarið er komið!
Þetta dásamlega veður sem landsmenn njóta er gleðiefni og er þá vægt tekið til orða, á heimasíðu Þingeyjarsveitar er þessari blíðu fagnað. -
Skýr og lausnamiðuð afstaða Framsóknar til veiðigjalda
Framsókn hefur tekið skýra og málefnalega afstöðu í umræðunni um veiðigjöld. Við styðjum heilshugar réttmæta kröfu samfélagsins um að sameiginleg sjávarauðlind þjóðarinnar skili arði sem gagnast samfélaginu öllu. Hins vegar skiptir máli hvernig það er gert. Óvönduð skattheimta getur skaðað atvinnulíf, dregið úr nýsköpun og veikt byggðir sem byggja afkomu sína á sjávarútvegi. -
Farsæld í brennidepli – öll eru velkomin! Sjónaukinn 2025
Í heimi þar sem hraði breytinga og flókin samfélagsmál eru daglegt brauð, skiptir máli að staldra við og beina sjónum að því sem skiptir mestu máli: farsæld fólks. Ráðstefnan Sjónaukinn 2025, sem haldin verður við Háskólann á Akureyri dagana 19. og 20. maí, leitast við að varpa ljósi á fjölbreyttar leiðir til að efla samfélagslega velferð og vellíðan. Undirtónn ráðstefnunnar er skýr: Við höfum öll hlutverki að gegna – og með samvinnu getum við skapað samfélag þar sem enginn er skilinn eftir. -
Vel heppnaður Súpufundur atvinnulífsins haldinn á Múlabergi
Í hádeginu í gær fór fram vel heppnaður Súpufundur atvinnulífsins á Múlabergi, Hótel KEA, þar sem stjórnendur um fimmtíu fyrirtækja og stofnana komu saman til að ræða framtíð atvinnulífsins á svæðinu. -
Ársfundur HSN Jákvæð þróun þrátt fyrir áskoranir í rekstri
Ársfundur Heilbrigðisstofnunar Norðurlands (HSN) fór fram í Hofi á Akureyri þriðjudaginn 13. maí 2025. Þar voru kynntar niðurstöður fyrir rekstrarárið 2024. Þrátt fyrir áskoranir í rekstri varð þó mjög jákvæð þróun í starfsemi, þjónustu og mannauðsmálum sem gefur tilefni til bjartsýni fram veginn. -
Auðlindirnar í þjóðareign.
Margir biðu spenntir eftir því að Alþingi tæki til starfa eftir páskafrí þingmanna og ég var þeirra á meðal. Á dagskrá þingsins voru hugmyndir um að hækka talsvert skatta sem lagðir eru á sjávarútveginn umfram aðra atvinnuvegi. Mér fannst þetta áhugaverð hugmynd og hlakkaði til að hlusta á upplýsandi umræðu um auðlindir og auðlindanýtingu. Ég kom mér því notalega fyrir við sjónvarpsskjáinn áður en Silfrið byrjaði í sjónvarpi Ríkisútvarpsins fyrsta mánudag eftir frí þingmanna.