Lionsklúbburinn Hængur gefur tvo rafsuðuhjálma sem fara til Burkina Faso
„Þessi gjöf mun örugglega koma sér mjög vel,“ segir Adam Ásgeir Óskarsson sem tók við tveimur rafsuðuhjálmum að gjöf frá Lionsklúbbnum Hæng. Gjöfin var afhent á þorrafundi Hængs á dögunum.
Adam var gestur á jólafundi Hængs og kynnti þá áhugavert verkefni sem hann hefur tekið þátt í ásamt hjónunum Jóhönnu S. Norðfjörð og Haraldi Pálssyni eigendum Áveitunnar á Akureyri en þau hafa um árabil staðið fyrir verkefni við ABC skólann í Burkina Faso. Skólinn heitir Ecole ABC de Bobo og er í borginni Bobo-Dioulasso sem er næst stærsta borg Burkina Faso. Um 1100 börn stunda nám í skólanum sem er staðsettur í fátækrahverfi í borginni og hefur notið góðs af verkefninu sem Adam segir að hafi sífellt undið upp á sig, alltaf bætist við og endalaust sé hægt að gera betur og meira.
Adam sýndi klúbbfélögum myndir frá verkefninu sem er að hans sögn margþætt en snýst m.a. um borun eftir vatni og áveituframkvæmdir. Vatnið er nýtt til neyslu og einnig er því veitt úr borholum á akra með áveitukerfum svo hægt sér að rækta grænmeti og matvæli allt árið, en ekki einungis yfir regntímann eins og áður var.
Hjálmur veitir vörn
Á myndum sem Adam sýndi má sjá tvo menn við rafsuðu án nokkurs hlífðarbúnaðar. Það fannst Lionsfélögum algjörlega óviðunandi og söfnuðu í snarti fyrir tveimur rafsuðuhjálmum. Adam er á leið til Burkina Faso í næstu viku, 1. febrúar og tekur hjálmana með. „Þessir hjálmar veita vörn gegn neistaflugi og rafsuðublindu og dregur þar með úr hættu á að mennirnir slasi sig við störf sín,“ segir Adam en þeir hafi fram til þessa ekki haft yfir slíkum búnaði að ráða. Eina vörnin sem í boði er á þessu slóðum eru sólgleraugu sem vitaskuld gera ekkert gagn.
Sólgleraugu veita ansi litla vörn
Með 160 tölvur í farteskinu
Í ferðinni sem fram undan er verður eitt af verkefnum Adams að setja upp tölvustofu í skólanum, en hann hafði frumkvæði að því að safna saman tölvum sem sendar hafa verið til Burkina Faso. „Ég byrjaði í janúar í fyrra að leita eftir tölvum og má segja að það hafi gengið mjög vel,“ segir hann. Hjá Verkmenntaskólanum á Akureyri var verið að skipta út borðtölvum fyrir fartölvur og fékk Adam þar á einu bretti um 100 borðtölvur. Adam starfaði í eina tíð sem kerfisstjóri hjá VMA og þekkir vel til i skólanum. „Hugmyndin er að setja upp tölvustofu í skólanum og færa nemendur aðeins nær nútímanum með því að bjóða upp á þokkalegar tölvur fyrir þau að læra og vinna á.
Þá fékk hann um 50 fartölvur frá Vodafone og Sýn, en þar var verið að skipta um tölvur hjá starfsfólki. „Ég bauðst til að koma tölvunum í góða endurnýtingu og svo sannarlega munu þessar tölvur koma að góðum notum,“ segir Adam. Þeir nemendum sem eru að útskrifast frá skólanum og á leið í háskólanám fá hver um sig eigin fartölvu að gjöf á þeim tímamótum. „Við leysum krakkana út með því að gefa þeim fartölvu þannig að þau standa betur að vígi í því námi sem þau eru að hefja,“ segir hann.
Hópurinn sem lýkur námi við ABC skólann í vor er fjölmennur, 24 nemendur og því mikið lán að hafa yfir nægu magni að ráða. Í fyrsta hópum sem fékk fartölvu voru tveir og í fyrra voru þeir 6 talsins. „Það munar öllu fyrir þessa krakka að eiga fartölvu, en mikil fátækt er í landinu og ekki á allra færi að eignast tölvu,“ segir Adam.
Adam með útskriftarhópum í fyrra.
Nýjast
-
Rannsókn á andláti- Gæsluvarðhald framlengt um viku
Gæsluvarðhald yfir manni sem er grunaður um að hafa orðið sambýliskonu sinni að bana í fjölbýlishúsi á Akureyri hefur verið framlengt um eina viku, eða til 6. maí -
Þjónusta þjóðkirkju við landsbyggðina
Eitt aðaleinkenni þjóðkirkjunnar, kirkju þjóðarinnar er hún að hún hefur þá grunnskyldu að veita kirkjulega þjónustu um allt land. Henni ber að þjóna fólki í sveit og borg, í þorpum og bæjum, þeim sem búa afskekkt og þeim sem búa þétt. Þetta er ekki einfalt hlutverk því þegar upp er staðið er það fjárhagurinn sem stýrir því hversu breið og öflug sú þjónusta er. Sóknargjöldin sem ríkið innheimtir fyrir þjóðkirkjuna hafa verið skert af hálfu ríkisins frá því í hruninu og jafnvel eitthvað fyrr. Þetta hefur gert það að verkum að erfiðara er að halda úti þjónustu safnaða og halda við kirkjubyggingum sem margar hver eru menningarleg þjóðarverðmæti. Þá hefur vígð þjónusta verið skert þar sem kirkjan hefur þurft að fara í sparnaðaraðgerðir auk þess sem fólksflutningar hafa orðið á ákveðnum svæðum. -
„Slippurinn Akureyri, Vinnslustöðin í Vestmannaeyjum og Skipasýn gera með sér hönnunarsamning“
Slippurinn Akureyri sem framleiðir vinnslubúnað undir merkjum DNG by Slippurinn hefur gert hönnunarsamning við Vinnslustöðina í Vestmannaeyjum og verkfræðistofuna Skipasýn. -
Sviðslistahópurinn Hnoðri í norðri sýnir íslenska öróperu í grunnskólum
„Það er alveg ótrúlega gaman og gefandi að fara á milli skóla og sýna, kynnast nýjum stöðum og stemningunni og andanum í mismunandi skólum,“ segir Erla Dóra Vogler, ein úr sviðslistahópnum Hoðri í Norðri. Hópurinn hefur sýnt nýja íslenska öróperu - Skoffín og skringilmenni í grunnskólum á Norðurlandi eystra. Sýningar urðu 17 talsins í 21 skóla og sáu hátt í 1.200 börn í 5. til 7. bekk þessa sýningu. -
Stórleikur í Höllinni í dag!
Í dag nánar tiltekið kl 18.30 verður blásið til leiks hja Þór og Fjölni í einvígi þessara félaga um sæti i efstu deild í handbolta keppnistímabilið 2024-2025.Þór hefur tvö vinninga en Fjölnir einn. Alls þarf þrjá vinninga til að tryggja sér sæti í efstu deild svo segja má að staða Þórsara sé afar vænleg fyrir leikinn en staðan ein og sér gerir ekkert, það þarf að klára málið. -
Ísland í 80 ár! Málþing um stöðu og þróun lýðveldis og lýðræðis á Íslandi
Hömrum, Menningarhúsinu Hofi, Akureyri, laugardag 4. maí 2024, kl. 14:00-17:00. AkureyrarAkademían stendur fyrir opnu málþingi í tilefni af því að á þessu ári eru 80 ár frá því að lýðveldi var stofnað á Íslandi þann 17. júní 1944. Málþinginu er ætlað að vera vettvangur fyrir samræður og skoðanaskipti fræðimanna og almennings um lýðveldisstofnunina, stöðu og þróun lýðveldis og lýðræðis á Íslandi. Hvernig hefur tekist til? Hvaða lærdóma má draga? -
Steiktur fiskur sem alltaf hittir í mark
„Það eru auðvitað mikil forréttindi að hafa gott aðgengi að fyrsta flokks hráefni, auk þess sem fiskur er alltaf vinsæll hérna í mötuneytinu,“ segir Theodór Haraldsson matreiðslumeistari í mötuneyti ÚA. Hann gefur lesendum heimasíðunnar uppskrift að steiktum fiski sem reglulega er á boðstólum í mötuneytinu. Áhersla á fisk „Þetta er stór vinnustaður og eðli málsins samkvæmt er smekkur fólks misjafn en þessi fiskréttur fær alltaf góða dóma hjá starfsfólkinu. Við getum sagt auppskriftin sé klassísk og hún er alls ekki flókin. Með fiskinum höfum við remúlaði og brúnaðan lauk. Okkur finnst sjálfsagt að leggja áherslu á fiskinn, enda topp hráefni á allan hátt og hollt. Þetta er sem sagt réttur sem hittir alltaf í mark,“ segir Theodór. Hægt að leika sér með þorsk „Hérna í ÚA er verið að vinna afurðir fyrir kröfuharða viðskiptavini, meðal annars helstu verslunarkeðjur Evrópu. Það er stór kostur að geta farið niður í vinnsluna og náð í brakandi ferskt hráefni, enda er hérna fiskur á boðstólum tvisvar til þrisvar sinnum í viku. Oftast verður þorskur fyrir valinu, enda er hægt að leika sér með þorskinn á svo margvíslegan hátt. Það þarf að passa sérstaklega að ofelda ekki fiskinn, þá verður hann heldur þurr. Og ef fólk er að elda fisk í ofni er gott ráð að lækka hitann og kynda ofninn svo vel skömmu áður en safaríkur fiskurinn er borðinn á borð. Ég er ekki frá því að algengustu mistökin felist einmitt í að ofelda fiskinn, reyndar getur línan í þessum efnum verið nokkuð fín,“ segir Theodór Haraldsson matreiðslumeistari. Hérna er uppskriftin góða: Fiskur í raspi fyrir fjóra til sex: 1,5 kg Þorskur 6 stk egg 500 gr rasp 500 gr hveiti 50 gr salt 50 gr hvítur pipar 2 msk sítrónupipar 1 msk paprikukrydd 1 msk karrí 1 msk laukduft Aðferð: Þorskurinn er skorinn niður í hæfilega bita. Eggin eru pískuð saman í skál ásamt kryddum. Síðan er fiskinum velt upp úr hveiti, síðan velt upp úr eggjunum og svo í lokin upp úr raspinu. Fiskurinn er svo steiktur á pönnu upp úr smá olíu og klípu af smjöri. Remúlaði 50 gr mæjónes 50 gr súrmjólk 1 stk laukur fínt saxaður 3 msk dijon sinnep 1 msk sætt sinnep 75 gr súrar gúrkur 2 msk capers saxaður Aðferð: Þessu er öllu blandað saman og smakkað til. Brúnaður laukur 2 stk laukur 1 msk steinselja þurrkuð Olía til steikingar Smá klípa smjör Aðferð: Laukurinn er sneiddur niður og steiktur á pönnu þangað til hann verður fallega brúnn á litinn. Þá er smá smjöri bætt við á pönnuna og laukurinn látinn malla í nokkrar mínútur til viðbótar. Fiskurinn borinn fram ásamt remúlaðinu, soðnum kartöflum, brúnuðum lauk og sítrónusneið. Gangi ykkur vel og verði ykkur að góðu ! Þessa fínu hugmynd að kvöldmatnum var fyrst að finna á www.samherji.is -
Fjórir norðanmenn unnu brons á Íslandsmótinu í bridge.
Akureyringarnir, Frímann Stefánsson, Pétur Guðjónsson og Reynir Helgason gerðu góða ferð suður til Reykjavíkur un helgina með Mývetningnum Birni Þorláks þar sem verkefnið var að etja kappi við sterkustu lið landsins í úrslitum Íslandsmótsins í sveitakeppni. Sveitin keppti undir merki Kjöríss. -
Nýta jarðvarma til framleiðslu á ofurfæðu úr smáþörungum
Mýsköpun er framsækið nýsköpunarfyrirtæki
Athugasemdir