Lambaprime og Guðrúnarsalat
Ég var að hugsa um að bjóða uppá grillað lambaprime með kartöflubátum, gráðostasósu og dásamlegu Guðrúnarsalati. Þessar uppskriftir duga fyrir 4-5 eftir matgæðingum, segir Sigfús Karlsson, sem er matgæðingur vikunnar.
Kjöt:
800-1000 gr. af Lambaprime frá Norðlenska að sjálfsögðu. Kryddað og grillað eftir smekk hvers og eins. Ég nota yfirhöfuð bara pipar og salt.
Sósa:
Þessa sósu uppskrift fékk ég frá manni sem þekkti mann sem þekkir hinn landsfræga Tony Jónas Jose Mellado og ég vona að hann fyrirgefi mér að uppljóstra þessari dásamlegu sósu.
Safi úr 2-3 dósum af niðursoðnum sveppum
1 gráðostur
½ líter rjómi
2 grænmetisteningar
2 gömlu góðu súputeningar ( sem eru ófáanlegir í dag) í staðinn set ég ¼ til ½ tening af kjötkrafti frá Knorr en þeir eru svolítið saltir að mínu mati.
Gott er síðan að setja teskeið eða matskeið af sojasósu á eftir.
Setjið safan af sveppunum, gráðostinn og teningana saman í pott og bræðið ostinn alveg. Bætið rjómanum síðan útí og haldið ykkur nú, látið malla í klukkutíma, verður bara betri fyrir vikið. Setjið síðan sveppi úr einni dós útí, sojasósuna og sósulit ef þið viljið.
Kartöflur:
2-3 meðalstórar kartöflur á mann eða samtals 10-15.
Skerið kartöflurnar í báta og setjið í poka. Vel af olíu stráð yfir, basiliku kryddi ( þurru) stráð yfir eftir smekk. Pokinn síðan hristur og innihaldið sett í ofnskúffu. Maldonsalti stráð yfir c.a. tveimur klípum og sett í ofn á 180-200° í 40 mín. Mismunandi er þó eftir ofnum og persónulega vil ég hafa kartöflurnar vel steiktar. Einnig má brytja niður nokkra teninga úr sætri kartöflu og setja með en þær mega ekki vera lengur inní en 15-20 mín.
Salat:
Lambhagasalat tvö höfuð
2 perur
1 askja jarðaber
Skorið niður og blandað saman, afhýðið perurnar.
Maple sýróp, rúmlega hálfur dl. Má vera heill dl.
Valhnetur einn poki.
Hneturnar muldar niður og settar í pott ásamt sýrópinu, hitað aðeins og sett ofan á salatið.
Mjög gott að strá gráðosti yfir salatið, nú eða bera hann bara sérstaklega með í skál svo hver og einn geti gert það sjálfur þar sem gráðostur er ekki alveg allra.
Og smá svona í eftirrétt.
Ostakaka:
Í botninn nota ég einn pakka Lu kanilkex og mil það vel niður. Sett í pott og hita með smá smjöri til að binda saman. Síðan sett í form.
½ líter vanilluskyr og pela af þeyttum rjóma blandað saman og sett ofan á.
Skreytt með allskonar berjum og/eða ávöxtum
Verði ykkur að góðu.
Ég vil svo skora á svilkonu mína Bryndísi Valgarðsdóttur, skólastjóra í Hlíðarskóla til að vera með dásamlegar uppskriftir í næsta matarkrók. Bryndís er snillingur og hlakka ég alltaf til að fara í mat til hennar.
Nýjast
-
Kattafláning og kirkjuganga.
Það hendir mig stundum í hugsunarleysi að fara að hugsa um eitthvað sem dettur upp í hugann. Og þetta henti einmitt í dag. -
Að leggja grunninn að framtíðinni Upplifun úr nútímafræði
Í ár eru 20 ár síðan fyrsti árgangurinn útskrifaðist úr nútímafræði frá Háskólanum á Akureyri. Í tilefni þess var rætt við Ragnheiði Jónu Ingimarsdóttur sem var í þeim útskriftarárgangi. Hún sá tækifæri sem fólust í að vera hluti af fyrsta hópnum sem stundaði þetta áhugaverða nám. -
Fjölmörg verkefni fram undan að takast á við
„Það er mikið verk að vinna og fjölmörg verkefni fram undan sem takast þar á við,“ segir Björn Snæbjörnsson sem kjörinn var formaður Landssambands eldri borgara á landsfundi þess sem haldinn var í Reykjanesbæ. Helgi Pétursson lauk fjórða ári sínu í formannsstóli en formaður situr mest í fjögur ár. Björn var sá eini sem bauð sig fram og því sjálfkjörinn í embætti. -
Þakklátur fyrir heiðurinn og er mjög gíraður
„Ég er virkilega þakklátur fyrir þennan heiður og ætli ég orðið það ekki sem svo; mjög gíraður,“ segir Egill Logi Jónasson nýr bæjarlistamaður á Akureyri. Egill er framsækinn myndlistar- og tónlistarmaður segir í umsögn frá Akureyrarbæ, „sem hefur vakið athygli fyrir frumleg verk og ögrandi sýningar.“ Egill Logi gegnir lykilhlutverki í starfsemi Listagilsins og rekur m.a. tvær vinnustofur í húsnæði Kaktus, fyrir myndlist annars vegar og tónlist hins vegar. Hann hefur verið iðinn við að skapa vettvang fyrir unga og óháða listamenn, m.a. í gegnum tónlistarhátíðina Mysing. -
Tveir fengu gullmerki Einingar-Iðju
Tveir félagar i Einingu-Iðju voru sæmdir gullmerki félagsins á aðalfundi nýverið, þau Gunnar Berg Haraldsson og Laufey Bragadóttir. -
Fiðringur á Norðurlandi fer fram í Hofi í fjórða sinn
Fiðringur fer fram í Menningarhúsinu Hofi næsta miðvikudag, 7. maí og er þetta í fjórða sinn sem keppnin er haldin. Í ár munu tíu skólar af Norðurlandi mætast. Grunnskóli Húnaþings vestra tekur þátt í fyrsta sinn og vonandi taka fleiri skólar frá Norðurlandi vestra þátt á næsta ári því markmiðið er að sinna öllu Norðurlandi frá Borðeyri til Bakkafjarðar! -
,,Ég kveð sátt og held glöð út í lífið"
Þórunn Ingólfsdóttir hefur starfað hjá fyrirtækjum við Fiskitanga á Akureyri stærstan hluta starfsævinnar, lengst af hjá Útgerðarfélagi Akureyringa og Samherja. Hún lét af störfum í fiskvinnsluhúsi ÚA um mánaðamótin og segist kveðja afskaplega sátt. Nú taki við nýr kafli í lífinu. -
Aðalfundur Framsýnar karlmenn 62% félagsmanna
Karlmönnum hefur fjölgað í Framsýn, stéttarfélagi undanfarin ár. Þar hefur líkast til mest áhrif að meirihluti starfsfólks PCC á Bakka eru karlmenn. Verksmiðjan hóf starfsemi árið 2018. -
Rúm milljón til Krafts frá MA-ingum
Ár hvert heldur skólafélagið Huginn góðgerðaviku í þeim tilgangi að styrkja gott málefni. Að þessu sinni var valið að styrkja Kraft, stuðningsfélag fyrir ungt fólk sem greinst hefur með krabbamein og aðstandendur og söfnuðust alls 1.086.000 kr.
