Kynningaropnun Norðurljósabaðanna á Laugum
Sundlaugin að Laugum. Mynd nordurland.is
North Aurora Baths í samvinnu við Þingeyjarsveit bjóða til kynningar-opnunar norðurljósabaðanna á Laugum 18.-21.mars.
Opið er frá kl 22.00-01.00 öll fjögur kvöldin. Boðið er uppá heitt lífrænt kakó,kaffi og te, sem og baðsloppa og floatbúnað.
Hluti upplifunnar felst m.a. í að hámarksfjöldi gesta verður takmarkaður við 40 gesti í senn og slökkt verður á öllum ljósum og kösturum sem eykur enn tækifæri til að upplifa kyrrð og myrkur og njóta norðurljósa þegar þau eru sýnileg. Lengri opnunartími, dempuð/slökkt ljós í nærumhverfi og umgjörð sem býður upp á slakandi og rólegt andrúmsloft er heilt yfir ekki það sem gestir þekkja í sundlaugum landsins.
Þingeyjarsveit er eigandi að sundlauginni að Laugum og hefur veitt vilyrði fyrir því að sundlaugin verði nýtt í þetta verkefni.
Í fréttatilkynningu segir að verkefnið „North Aurora baths“ geti skapað a.m.k. 4 hlutastörf, það er að segja fjögur 25% störf. Störfin verða til frá og með 1. september 2016. Ný störf auka fjölbreytni og atvinnutækifæri á Laugum. Einnig mun ný þjónusta auka nýtingu gistirýmis á þeim gistiheimilum og hótelum sem eru starfandi á svæðinu á veturnar. Þar að auki hafa miðnæturböð í sundlauginni á Laugum jákvæð áhrif á aðra ferðaþjónustu og afþreyingu á svæðinu, meðal annars skoðunarferðir (norðurljósaferðir), veitingaþjónustu og aðra þjónustu.
Nýnæmi verkefnisins felst í að gestir geta notið aðstöðunnar í sundlauginni á Laugum með öðrum hætti en hefur verið gert hingað til í sundlaugum landsins. Sundlaugin verður opnuð með formerkjum baða í stað sundlaugar.
Talið er að Norðurljósaböðin séu vel til þess fallin að lengja dvalartíma ferðamanna á Norðurlandi og stuðla að auknum fjölda gesta á svæðinu og er liður í dreifingu ferðamanna á Norðurlandi um leið og boðið er uppá nýja afþreyingu.
Boðið verður upp á þjónustuna alla daga vikunnar frá 1. september til 31. desember 2016 og ákvörðun með framhaldið tekin í kjölfarið. Opnunartími er frá kl. 22:00 – 01:00.
Markhópurinn verður fyrst og fremst erlendir ferðamenn, ýmist gestir á eigin vegum, gestir sem gista í grennd við Lauga og gestir ferðaskrifstofna sem eru t.d. að selja norðurljósa ferðir á svæðinu. Það eru aðilar t.a.m með ferðir frá Akureyri, Húsavík og Mývatnssveit. Bygging Norðuljósa rannsóknarstöðvarinnar á Kárhóli í Reykjadal er svo talin styrkja Norðurljósaböðin enn frekar þegar stöðin verður tilbúin.
Nýjast
-
Sjómannadagur.
Àrlega hőldum við sjómannadaginn hátíðlegan. Við hugsum til sjómanna, sem finnast í flestöllum ef ekki öllum íslenskum fjölskyldum, heiðrum þá og gleðjumst með þeim. Það er misjafnt hve mikinn þátt fólk tekur í þessum hátíðarhöldum. Sumir fylgjast vel með dagskrá hátíðarhaldanna, á meðan aðrir láta sér nægja eitthvað betra með kaffinu. -
Norðurslóðir, stríð og hnattræn hlýnun
Aukin spenna í alþjóðamálum hefur haft mikil áhrif á þróun mála á Norðurslóðum. Ríki sem þar eiga hagsmuna að gæta þurfa að fylgjast vel með og vera reiðubúin að bregðast við öðrum vendingum á svæðinu. Á meðan hnattræn hlýnun ógnar umhverfi, samfélögum og opnun skipaleiða – þá hefur innrásarstríð Rússa í Úkraínu leitt til þess að vonir um friðsæl samskipti á Norðurslóðum hafa dvínað verulega. -
Bakþankar bæjarfulltrúa Í guðanna bænum
Ég er enn í sjokki. Taugaáfalli. Og tilefnið, Jú, í gær varð ég barni að bana – næstum því. Veit ekki enn hvaða kraftaverk kom í veg fyrir þá miklu óhamingju. Öskur eða eitthvað sem undirmeðvitundin skynjaði - þótt augað sæi ekki. Tildrögin. Ég var að koma niður Krákustíg hjá Amtsbókasafninu þegar eitthvað skaust á örskotshraða fyrir steyptan garðvegginn, niður gangstéttina með fram Oddeyrargötu. -
Að efla þéttbýli eða vinna gegn því
Á síðustu 20 árum hefur íbúum á Íslandi fjölgað um tæp 100 þúsund eða um þriðjung (33%). Langstærstur hluti þessar fjölgunar hefur átt sér stað á suðvesturhorni landsins. Ef skoðuð er íbúaþróun í þeim sveitarfélögum sem í dag mynda sveitarfélagið Þingeyjarsveit, en voru fyrir aldarfjórðung 6 hreppir, kemur upp ólík mynd. Þann 1. janúar 2005 töldu sveitarfélögin (þá þrjú) 1.399 manns en þann 1. janúar sl. bjuggu 1.453 Þingeyjarsveit. Því hefur íbúum fjölgað hér um tæp 4% á sama tíma og landsmönnum fjölgaði um þriðjung. -
Framkvæmdasjóður ferðamannastaða Verkefni í Glerárdal og Hlíðarfjalli fá 46 milljónir
Tveir styrkir komu í hlut Akureyrarbæjar við úthlutun úr Framkvæmdasjóði ferðamanna, samtals um 46 milljónir króna. -
GeoSilica hefur framleiðslu á Þeistareykjum
GeoSilica færir út kvíarnar og hefur starfsemi í nýju húsi á fjölnýtingarlóð Landsvirkjunar á Þeistareykjum komandi haust. Fyrirtækið hefur samið við Landsvirkjun um leigu á húsinu, afhendingu auðlindastrauma á Þeistareykjum og samstarf til næstu áraSamstarfið markar upphaf fjölnýtingar á Þeistareykjum til framtíðar. -
Bjargvættir framtíðarinnar á Húsavík
Unglingadeild Björgunarsveitarinnar Garðars er afar öflug -
Rausnarleg gjöf frá nemendum Síðuskóla til barnadeildar SAk
Barnadeild Sjúkrahússins á Akureyri fékk á dögunum einstaka gjöf þegar nemendur í 5., 6. og 7. bekk Síðuskóla ákváðu að leggja 550.000 krónur inn á styrktarreikning deildarinnar. Upphæðin safnaðist með sölu á handverki og veitingum sem nemendur stóðu fyrir á Barnamenningarhátíð í apríl. -
Metár umsókna við Háskólann á Akureyri
Umsóknir í Háskólann á Akureyri hafa aldrei í sögu skólans verið fleiri, en alls bárust um 2.340 umsóknir að þessu sinni. Þetta er um 15% aukning frá síðasta ári og rúmlega 8% aukning frá árinu 2018, sem var fyrra metár umsókna við háskólann.
