„Kreppan“ notuð til að auka á ójöfnuð?
Verkalýðshreyfinguna og samtök atvinnulífsins greinir á um hvort forsendur sem liggja að baki hófstilltum lífskjarasamningunum séu brostnar. Forystusveit vinnuveitenda taldi svo vera, þar til á þriðjudaginn í þessari viku. Verkslýðshreyfingin er á annarri skoðun og telur ekki nægar forsendur fyrir hendi til þess að slíta samningunum.
Ríkisstjórnin kynnti þennan dag aðgerðarpakka, eftir að vinnuveitendur, höfðu með málflutningi sínum, kynnt undir ófriði með því að hóta að boða til atkvæðagreiðslu um að slíta samningunum. Fljótlega eftir útspil ríkisstjórnarinnar drógu vinnuveitendur í land og blésu atkvæðagreiðsluna af. Þetta voru sem sagt bara innihaldslausir loftfimleikar og raddirnar í kórnum falskar.
Vandinn misjafn eftir atvinnugreinum og landshlutum
Vissulega eiga mörg fyrirtæki í miklum erfiðleikum og atvinnuleysi hefur aukist gríðarlega á undanförnum vikum og mánuðum. Verkalýðshreyfingin telur skynsamlegast í stöðunni að friður sé á vinnumarkaði við þessar aðstæður, þannig náist að standa vörð um almannahagsmuni á óvissutímum. Höfum hugfast að rekstrarvandi atvinnulífsins er afskaplega misjafn eftir atvinnugreinum og landshlutum. Við slíkar aðstæður er mikilvægast að beita sértækum aðgerðum, flatur niðurskurður er almennt ekki góður kostur í stöðunni og gerir lítið annað en að skapa óróa og enn frekari óvissu. Á Vesturlöndum er almennt viðurkennt að niðurskurður á krepputímum sé ekki skynsamleg leið, heldur leiði til aukins ójöfnuðar. Hagfræðingar vinnuveitenda ættu manna besta að þekkja þessar viðurkenndu staðreyndir.
Allt fari norður og niður
Ekki mun standa á verkalýðshreyfingunni við að koma að greiningu þeirra vandamála sem einstaka atvinnugreinar og landshlutar standa frammi fyrir, enda liggur í augum uppi að skynsamlegast er að mæta vanda þeirra sem hafa orðið illa úti. Vinnuveitendur vilja hins vegar nota kreppuástandið til að auka á ójöfnuðinn á vinnumarkaðinum og draga úr launahækkunum þeirra sem lægst hafa launin.
Rökstuðningur þeirra undanfarnar vikur veldur miklum vonbrigðum, ekki síst vegna þess að málflutningurinn byggist ekki á efnislegum rökum. Þessi söngur var líka hávær árið 2008, eyðslusemi almennings var þá sögð helsta ástæða „hrunsins“. Við munum t.d. eftir talinu um óþarfa kaup fólks á flatskjám! Líklega loka þeir líka eyrunum fyrir þeirri staðreynd að á síðustu fjórum árum hafa eignir 10% ríkustu Íslendinga aukist um 40%.
Ekki vinnuveitendum að þakka
Í sannleika sagt, efast ég hreinlega um að atvinnurekendur trúi sínum eigin orðum þessa dagana.
Sem betur fer halda hófsamir kjarasamningar a.m.k. í eitt ár til viðbótar og það er ekki vinnuveitendum að þakka.
-Björn Snæbjörnsson er formaður Einingar-Iðju og Starfsgreinasambands Íslands.
Nýjast
-
Banaslys í Eyjafjarðarsveit
Alvarlegt umferðarslys varð á Eyjafjarðabraut eystri , skammt norðan við Laugaland skömmu eftir kl. 13:00 í dag. Þarna hafði bíll lent út af og voru tveir aðilar sem í honum voru úrskurðaðir látnir á vettvangi. Lögreglan á Norðurlandi eystra fer með rannsókn málsins og er hún á frumstigi og ekki frekari upplýsingar að hafa að sinni. -
Umferðarslys á Eyjafjarðarbraut eystri
Alvarlegt umferðarslys varð á Eyjafjarðabraut eystri , skammt norðan við Laugaland skömmu eftir kl. 13:00 í dag. Þarna hafði bíll lent út af og í honum voru tveir aðilar. Rannsókn á tildrögum slyssins stendur yfir á vettvangi og getur lögreglan ekki veitt frekari upplýsingar á þessu stigi málsins. -
Kirkjutröppurnar og gangstétt í Listagilinu
Framkvæmdir við kirkjutröppurnar eru hafnar að nýju eftir talsvert hlé og er búið að byggja yfir neðsta hluta trappanna, en þar er verið að vinna í húsnæði sem er undir tröppunum. Að því loknu verður hægt að hefja vinnu við sjálfar kirkjutröppurnar, þeirri vinnu hefur seinkað m.a. sökum þess að erfiðlega gekk að fá verktaka í verkefnið og það var umfangsmeira en var ráð fyrir gert. -
Hefur allt sem þarf
Fyrstu kynni mín af Höllu Tómasdóttur voru í tengslum við vinnustað þar sem hún kom einn dag og ræddi við hópinn. Þessi dagur breytti svolítið lífi mínu því þarna uppgötvaði ég í raun hvernig ég get tekið stjórn á eigin lífi. Halla varpaði á skjá mynd af vatnsglasi sem í var vökvi um það bil að miðju glasi. Hún talaði um viðhorf okkar og hvernig við tökumst á við það sem lífið færir okkur. -
Söngveisla í Glerárkirkju á sumardaginn fyrsta
Tíunda kóramót eldri borgara á Norðurlandi fer fram á morgun sumardaginn fyrsta. Fyrsta kóramót eldri borgara var haldið á Húsavík á lokadaginn 11 maí 2002 með þátttöku fimm kóra sem komu frá Húsavík, Akureyri, Dalvík, og Hrísey, Siglufirði og Skagafirði. -
Samherji og Ice Fresh Seafood á stærstu sjávarútvegssýningu heims
Alþjóðlega sjávarútvegssýningin Seafood Expo Global í Barcelona á Spáni opnaði í gær, 23. apríl. Sýningin er sú stærsta sinnar tegundar í heiminum á sviði veiða, vinnslu og sölu sjávarafurða. Samherji og Ice Fresh Seafood eru að venju með stóran og vel útbúinn bás, þar sem tekið er á móti gestum frá öllum heimshlutum og afurðir kynntar. Ice Fresh Seafood sér um að selja afurðir Samherja og fleiri fyrirtækja. -
Himinhátt innanlandsflug
Í samtölum mínum við fólk af landsbyggðinni um samgöngur og flug heyrist sífellt háværari umræða um hækkandi verð á flugferðum innanlands. Íbúum landsbyggðarinnar er orðið tíðrætt um að ekki fyrir svo löngu hafi það frekar borgað sig að keyra milli Akureyrar og Reykjavíkur ef þrír voru í bílnum. Í dag þurfi ekki einu sinni að hugsa sig um hvort eigi að keyra eða fljúga, jafnvel þó að Loftbrúin sé notuð og einungis einn sé á ferð. Fólk grínast með að það sé ódýrara að millilenda í London á leið sinni til Reykjavíkur, en það er sorgleg staðreynd að það er ekkert grín. -
Sumardagurinn fyrsti í Sigurhæðum klukkan 13
Ferskustu listamennirnir í Pastel ritröð kynna verk sín:Nr. 37: Þorbjörg Þóroddsdóttir: Vögguvísuatómapar.Nr. 36: Egill Logi Jónasson: Hohner mér vel.Egill Logi aka Drengurinn fengurinn er tónlistar- og myndlistarmaður. Hann starfar á Akureyri og er hluti af listhópnum Kaktus.Þorbjörg Þóroddsdóttir er 19 ára ungskáld frá Akureyri. Hún varð stúdent frá MA í fyrra, stundaði nám við lýðháskóla á Jótlandi í haust og vinnur nú á leikskóla. Hún hefur unnið til þrennra verðlauna í ritlistarsamkeppni Ungskálda. -
Dr. Áslaug Ásgeirsdóttir skipuð rektor Háskólans á Akureyri
Dr. Áslaug Ásgeirsdóttir hefur verið skipuð sem rektor Háskólans á Akureyri frá og með 1. júlí næstkomandi. Skipan Áslaugar er samkvæmt ákvörðun Háskólaráðs frá 2. apríl síðastliðnum um að tilnefna hana sem næsta rektor skólans. Háskóla-, iðnaðar- og nýsköpunarráðherra samþykkti tillöguna og tekur Áslaug við rektorsstöðunni 1. júlí næstkomandi. Alls bárust fimm umsóknir um embættið en skipað er til fimm ára.
Athugasemdir