Kostnaður sveitarfélaganna við nýtt hjúkrunarheimili verður 900 milljónir
Uppbygging nýs hjúkrunarheimilis á Húsavík er nú í farvatninu. Sigurtillaga hönnunarsamkeppni um húsið er nú í lokahönnun en það var Arkís arkitektar sem unnu samkeppni um hönnunina. Stefnt er að útboði verksins á næsta ári og að framkvæmdir hefjist síðla árs 2021. Samkvæmt verkáætlun verður nýtt heimili tilbúið til notkunar á fyrri hluta árs 2024 en kostnaðaráætlun vegna framkvæmdanna var kynnt byggðarráði Norðurþings í síðustu viku.
„Þetta er að þurrka upp framkvæmdagetu sveitarfélagsins“
Hjálmar Bogi Hafliðason áheyrnarfulltrúi B-lista í byggðarráði Norðurþings segir í samtali við Vikublaðið að hann fagni þessum framkvæmdum enda hafi 
nauðsyn þeirra legið fyrir lengi. Hann setur þó spurningarmerki við þann gríðarlega kostnaðarauka sem birtist í nýrri kostnaðaráætlun sem kynnt var á síðasta fundi ráðsins. Þar kemur fram að í nóvember 2018 var kostnaðarskipting framkvæmdanna 85% á vegum ríkisins og 15% sveitarfélaganna. Þá var gert ráð fyrir því að hlutur sveitarfélaganna fjögurra sem að hjúkrunarheimilinu standa yrði 330 milljónir.
„Síðan kemur í ljós að það eru framkvæmdir á forræði sveitarfélaganna eins og tengibyggingin við heilbrigðisstofnunina og salur. Þá er kostnaðarskiptingin orðin 75% ríki og 25% sveitarfélögin,“ segir Hjálmar Bogi. Í dag er hlutur sveitarfélaganna orðinn 898 milljónir sem þýðir það að kostnaður Norðurþings er 687 milljónir; Skútustaðahreppur 75 milljónir, Tjörneshreppur 8 milljónir og Þingeyjarsveit 125 milljónir króna.
„Ég held að það sé ágætt að það komi fram að þegar þessar fyrstu tölur birtust, þá var ekki búið að fara í hönnunarsamkeppni. Eftir það ríkur kostnaðurinn upp og kostnaðarhlutfallið hækkar. Það má alveg velta því upp af hverju tengibyggingin sé alfarið á okkar kostnað. Væntanlega er það hagur þessa hjúkrunarheimilis að vera með tengingu við Heilbrigðisstofnun Þingeyinga á Húsavík. Af hverju eigum við að borga hana að öllu leiti?,“ spyr Hjálmar Bogi.
Hann veltir því jafn framt fyrir sér hvort ekki mætti gera þetta ódýrara. „Þetta er að þurrka upp framkvæmdagetu sveitarfélagsins og rúmlega það því hún er ekki mikil eins og staðan er í dag,“ segir Hjálmar Bogi en leggur áherslu á að hann sé ekki á móti framkvæmdunum.
Nýjast
-
Lokaorðið - Sumardagurinn fyrsti.
Sumardagurinn fyrsti er ævaforn hátíðisdagur á Íslandi. Þó líði aldir og kynslóðir komi og fari er ekkert sem Íslendingar þrá heitar en vorið. Hjörtun slá þá í mildum samhljóma takti og loks er liðin vetrarþraut. Sumardagurinn er einnig þekktur sem barnadagurinn. Í þéttbýlinu gerði fólk sér dagamun og klæddist sparifötum. -
Mikil umferð um Akureyrarflugvöll s.l. daga
Mikil umferð hefur verið um Akureyrarflugvöll síðustu daga áætlunarflug, sjúkraflug, einkaþotur og töluverð þyrluumferð. -
Eik fasteignafélag vill byggja við Gleráreyrar
Á fundi skipulagsráðs Akureyrarbæjar í gær var tekin til umræðu tillaga frá Kollgátu, sem Ingólfur Guðmundsson og Andrea Sif Hilmarsdóttir kynntu f.h hönd Eikar fasteignafélags um uppbyggingu á lóðum 2-8 við Gleráreyrar og svæðis vestan þeirra. -
Sólarhringssund hjá Óðinskrökkum
Hið árlega sólarhringssund iðkenda í Óðni stendur nú sem hæst. Einn sundamaður syndir í einu og er þetta því nokkurs konar boðsund. -
Fékk ekki að lækka gjaldskrárhækkanir Orkuveitu Húsavíkur
Á fundi stjórnar Orkuveitu Húsavíkur í vikunni var tekin fyrir tillaga Valdimars Halldórssonar, varaformanns þess efnis að dregið yrði úr fyrirhuguðum gjaldskrárhækkunum en Valdimar taldi næga innistæðu fyrir hendi til að lækka umrædda hækkun -
Banaslys í Eyjafjarðarsveit
Alvarlegt umferðarslys varð á Eyjafjarðabraut eystri , skammt norðan við Laugaland skömmu eftir kl. 13:00 í dag. Þarna hafði bíll lent út af og voru tveir aðilar sem í honum voru úrskurðaðir látnir á vettvangi. Lögreglan á Norðurlandi eystra fer með rannsókn málsins og er hún á frumstigi og ekki frekari upplýsingar að hafa að sinni. -
Umferðarslys á Eyjafjarðarbraut eystri
Alvarlegt umferðarslys varð á Eyjafjarðabraut eystri , skammt norðan við Laugaland skömmu eftir kl. 13:00 í dag. Þarna hafði bíll lent út af og í honum voru tveir aðilar. Rannsókn á tildrögum slyssins stendur yfir á vettvangi og getur lögreglan ekki veitt frekari upplýsingar á þessu stigi málsins. -
Kirkjutröppurnar og gangstétt í Listagilinu
Framkvæmdir við kirkjutröppurnar eru hafnar að nýju eftir talsvert hlé og er búið að byggja yfir neðsta hluta trappanna, en þar er verið að vinna í húsnæði sem er undir tröppunum. Að því loknu verður hægt að hefja vinnu við sjálfar kirkjutröppurnar, þeirri vinnu hefur seinkað m.a. sökum þess að erfiðlega gekk að fá verktaka í verkefnið og það var umfangsmeira en var ráð fyrir gert. -
Hefur allt sem þarf
Fyrstu kynni mín af Höllu Tómasdóttur voru í tengslum við vinnustað þar sem hún kom einn dag og ræddi við hópinn. Þessi dagur breytti svolítið lífi mínu því þarna uppgötvaði ég í raun hvernig ég get tekið stjórn á eigin lífi. Halla varpaði á skjá mynd af vatnsglasi sem í var vökvi um það bil að miðju glasi. Hún talaði um viðhorf okkar og hvernig við tökumst á við það sem lífið færir okkur.
Athugasemdir