Konur í fyrsta sinn með hærri dagvinnulaun en karlar
„Þetta sýnir okkur að markmið lífskjarasamninganna hafa náðst, þær launahækkanir sem um var samið hafa skilað sér og gott betur,“ segir Björn Snæbjörnsson formaður Einingar Iðju.
Dagvinnulaun félagsmanna hafa hækkað og í fyrsta sinn eru konur með hærri dagvinnulaun en karlar, flestir vinna færri vinnustundir en áður og þeim fer fækkandi sem orðið hafa fyrir skerðingum af ýmsu tagi, í starfshlutfalli, launum eða bónusum. Fleiri hafa verið frá vinnu en áður vegna veikinda. Eining Iðja gerði könnun á stöðu og kjörum sinna félagsmanna í lok liðins árs þar sem þetta kemur fram.
Björn segir að þegar dagvinnulaun séu skoðuð miðað við 100% starf komi í ljós að þau hafi hækkuðu milli áranna 2020 til 2021 um 31 þúsund krónur og voru 458 þúsund krónur. Þegar launin voru skoðuð eftir kyni kom í ljós að karlar voru með 453 þúsund krónur í meðallaun í fyrra og höfðu hækkað um 13 þúsund krónur, en konur voru með 464 þúsund krónur og hækkun upp á 51 þúsund krónur milli ára.
„Þetta er í fyrsta skipti frá því við hófum að gera þessar kannanir fyrir rúmum áratug sem konur eru með hærri dagvinnulaun en karlar. Munurinn er ekki mikill en býsna merkilegt samt að sjá að hann er kominn fram,“ segir Björn. Nefndi hann að hátt hlutfall kvenna á dagvinnulaunum starfi hjá hinu opinbera, ríki eða sveitarfélögum og þar séu laun almennt hærri en á almenna markaðnum. „Það má vera að skýringin liggi þar, að þessi fjölmenni hópur kvenna hífi launin upp.“
Að stjórna tækjum eða börnum
Þegar horft er til heildarlauna þeirra sem þátt tóku miðað við 100% starf námu þau 545 þúsund krónum árið 2021. Karlmenn reyndust með hærri heildarlaun, eða 617 þúsund krónur og konur 525 þúsund krónur. Bílstjórar, tækjastjórar, véla- og vélgæslufólk hefur hæstu launin í hópi Einingarfélaga, 716 þúsund krónur að meðaltali á mánuði. Stuðningsfulltrúar, skólaliðar og leiðbeinendur eru með lægstu launin, 437 þúsund á mánuði að meðaltali.
Björn segir að könnunin gefi til kynna að þeir sem lægst hafi launin hafi fengið meiri launahækkun en þeir sem eru með hærri laun, en að því hafi verið stefnt með gerð lífskjarasamninganna. „Það er gleðilegt að sjá að þeir sem minnst hafa hækkað umfram hina, líkt og tilgangurinn var með gerð síðustu samninga.“
/MÞÞ
Nýjast
-
Árangursrík sýning í Barcelona:
Sýningin tókst frábærlega. Það var stríður straumur gesta í básinn til okkar alla sýningardagana og mikill áhugi á okkar þjónustu og tæknilausnum," segir Hilmar Guðmundsson, sölu- og markaðsstjóri Slippsins Akureyri, um þátttöku fyrirtækisins í sjávarútvegssýningunni Seafood Expo Global í Barcelona á Spáni. Sýningin stóð í þrjá daga og lauk síðdegis í gær. -
Skemmdarverk unnin á rútum.
Hún var ekki skemmtileg aðkoma sem blasti við Jónasi Þór Karlssyni eigenda Sýsla Travel þegar hann kom, síðdegis í gær, til að líta til með bílakosti fyrirtækis hans sem staðsettar eru á nýju bílastæði við Laufásgötu 4 á Akureyri. Einhverjir lítt vandaðir höfðu farið um og brotið glugga í rútum Jónasar. Gluggar í svona bílum er sterkir svo nokkur fyrirhöfn hefur verið við að vinna þessi óskiljanlegu skemmdarverk. -
Ársfundur SSNE Skorar á stjórnvöld að tryggja nægt fé til löggæslu
„Lögreglan á Norðurlandi þarf að hafa þann styrk sem nauðsynlegur er ef upp koma alvarlegri mál í því skyni að geta sinnt hlutverki sínu og tryggt öryggi borgaranna,“ segir í ályktun sem samþykkt var á ársþingi SSNE sem haldið var í Þingeyjarsveit nýverið. Skorað var á stjórnvöld að tryggja nú þegar nauðsynleg fjárframlög til málaflokksins. -
Akureyri - Framkvæmdir við Torfunef
Framkvæmdir við stækkun Torfunefsbryggju ganga ágætlega um þessar mundir. Lóðir verða boðnar út á næstu vikum og gangi allt að óskum verður hafist handa við að reisa hús á svæðinu á næsta ári. -
Stöðugur straumur á bás Samherja og Ice Fresh Seafood í Barcelona - Aðsóknarmet slegið -
Alþjóðlegu sjávarútvegssýningunni Seafood Expo Global í Barcelona lauk í gær , fimmtudag. Samherji og Ice Fresh Seafood voru með veglegan bás á þessari stærstu sjávarútvegssýningu heims á sviði veiða, vinnslu og sölu sjávarafurða. 2.244 fyrirtæki taka þátt í sýningunni frá 87 þjóðlöndum. -
Lokaorðið - Sumardagurinn fyrsti.
Sumardagurinn fyrsti er ævaforn hátíðisdagur á Íslandi. Þó líði aldir og kynslóðir komi og fari er ekkert sem Íslendingar þrá heitar en vorið. Hjörtun slá þá í mildum samhljóma takti og loks er liðin vetrarþraut. Sumardagurinn er einnig þekktur sem barnadagurinn. Í þéttbýlinu gerði fólk sér dagamun og klæddist sparifötum. -
Mikil umferð um Akureyrarflugvöll s.l. daga
Mikil umferð hefur verið um Akureyrarflugvöll síðustu daga áætlunarflug, sjúkraflug, einkaþotur og töluverð þyrluumferð. -
Eik fasteignafélag vill byggja við Gleráreyrar
Á fundi skipulagsráðs Akureyrarbæjar í gær var tekin til umræðu tillaga frá Kollgátu, sem Ingólfur Guðmundsson og Andrea Sif Hilmarsdóttir kynntu f.h hönd Eikar fasteignafélags um uppbyggingu á lóðum 2-8 við Gleráreyrar og svæðis vestan þeirra. -
Sólarhringssund hjá Óðinskrökkum
Hið árlega sólarhringssund iðkenda í Óðni stendur nú sem hæst. Einn sundamaður syndir í einu og er þetta því nokkurs konar boðsund.
Athugasemdir