Karllæg forysta í Norðausturkjördæmi
Af þeim þingflokkum sem komnir eru fram í Norðausturkjördæmi er engin kona í oddvitasæti á framboðslistum þeirra.
Benedikt Jóhannesson stofnandi Viðreisnar, tilkynnti á Rás 1 í morgun að hann ætlaði fram í fyrsta sætið í kjördæminu, þrátt fyrir að búa í Reykjavík. Oddvitar Bjartrar framtíðar, Vinstri Grænna, Pírata og Framsóknarflokks eru líka karlar. Allar útlit er fyrir að sömu sögu verði að segja um skipan lista hjá Samfylkingu og Sjálfstæðisflokki. RÚV sagði fyrst frá þessu.
Oddvitar framboðslista þingflokkanna í Norðausturkjördæmi eru þeir Preben Pétursson varaþingmaður Bjartrar framtíðar, Steingrímur J. Sigfússon, þingmaður og fyrrverandi formaður VG, Einar Aðalsteinn Brynjólfsson framhaldsskólakennari fyrir Pírata og svo Benedikt Jóhannesson, stofnandi Viðreisnar, sem þó er búsettur í Reykjavík.
Sigmundur Davíð Gunnlaugsson, formaður Framsóknarflokksins, og Höskuldur Þórhallsson þingmaður sækjast báðir eftir oddvitasætinu á flokksþingi Framsóknar. Ákveðið verður hvenær það fer fram á miðstjórnarfundi flokksins þann 10. september næstkomandi.
Stillt verður upp á lista Samfylkingar í kjördæminu og hann tilkynntur á sunnudag. Logi Einarsson, bæjarfulltrúi og nýr varaformaður Samfylkingarinnar, hefur gefið kost á sér í oddvitasætið.
Kjördæmisþing Sjálfstæðisflokksins verður haldið í Mývatnssveit um helgina og hefur Kristján Þór Júlíusson heilbrigðisráðherra einn gefið kost á sér til að leiða listann.
Talsmenn Alþýðufylkingarinnar, Dögunar, Flokks fólksins, Húmanistaflokksins og Íslensku þjóðfylkingarinnar hafa sagst ætla að bjóða fram í öllum kjördæmum, en listar eru ekki komnir fram.
Fyrir síðustu Alþingiskosningar var aðeins ein kona í oddvitasæti í Norðausturkjördæmi. Það var Brynhildur Pétursdóttir fyrir Bjarta framtíð en hún hefur tilkynnt að hún muni ekki gefa kost á sér til áframhaldandi þingsetu.
Nýjast
-
Alþjóðaflugvöllur á Akureyri verði byggður upp
Sveitarfélögin á Norðurlandi vestra og Norðurlandi eystra skora á ríkisstjórn Íslands og Alþingi að koma rekstri, uppbyggingu og markaðssetningu Akureyrarflugvallar fyrir hjá sérstakri stjórn eða félagi, sem hefur það að markmiði að alþjóðaflugvöllurinn sé byggður upp og kynntur sem ein af gáttum Íslands -
Grafalvarleg staða í rekstri PCC Bakka rædd í atvinnuveganefnd Alþingis.
Atvinnuveganefnd Alþingis hefur verið upplýst um grafalvarlega stöðu í rekstri PCC Bakka við Húsavík, þar sem stefnt gæti í rekstrarstöðvun undir lok sumars ef ekki tekst að snúa vörn í sókn. -
Listasafnið á Akureyri Nýjar sýningar opnaðar
Sýningar Heimis Hlöðverssonar, Samlífi, og Þóru Sigurðardóttur,Tími – Rými – Efni, verða opnaðar í Listasafninu á Akureyri á laugardag 17. maí kl. 15. Á opnunardegi verður leiðsögn með Heimi kl. 15.45. -
Orkey fyrst á Íslandi með sjálfbærni- vottaða framleiðslu á lífeldsneyti
Orkey hefur fengið alþjóðlega kolefnis- og sjálfbærnivottun, ISCC EU, á lífdísilframleiðslu sína á Akureyri fyrst fyrirtækja sem framleiða lífeldsneyti hérlendis. -
Heyrn er ekki munaður – hún er þátttaka
Það var ánægjulegt að sækja fund hjá Félagi eldri borgara á Akureyri (EBAK) síðastliðinn föstudag. Rétt rúmlega hundrað manns mættu – áhugasamir, upplýstir og málefnalegir. Þar skapaðist gott samtal um þau mál sem brenna mest á eldra fólki í dag. Ábendingar komu víða að og spurningarnar voru margar og skýrar. Það var sérstaklega áberandi að umræðan snerist ítrekað að sömu kjarnamálunum: skerðingum, lífeyrissjóðum en einnig að heilbrigðisþjónustu. -
Sundlaug Akureyrar lokuð 18.-22. maí – opið lengur í Glerárlaug 18. maí
Sundlaug Akureyrar verður lokuð dagana 18.-22. maí eða frá sunnudegi til fimmtudags í næstu viku. -
Byggingaréttur á lóðum á Torfunefsbryggju boðin út í maí
Byggingaréttur á tveimur lóðum við Torfunefsbryggju þar sem eru til staðar fimm byggingareitir verður boðin út nú síðar í maí. -
Sumarið er komið!
Þetta dásamlega veður sem landsmenn njóta er gleðiefni og er þá vægt tekið til orða, á heimasíðu Þingeyjarsveitar er þessari blíðu fagnað. -
Skýr og lausnamiðuð afstaða Framsóknar til veiðigjalda
Framsókn hefur tekið skýra og málefnalega afstöðu í umræðunni um veiðigjöld. Við styðjum heilshugar réttmæta kröfu samfélagsins um að sameiginleg sjávarauðlind þjóðarinnar skili arði sem gagnast samfélaginu öllu. Hins vegar skiptir máli hvernig það er gert. Óvönduð skattheimta getur skaðað atvinnulíf, dregið úr nýsköpun og veikt byggðir sem byggja afkomu sína á sjávarútvegi.