Jonna Jónborg Sigurðardóttir bæjarlistamaður Akureyrar 2024
Jonna mun í sumar setja upp 8 nýjar skreytingar á rusladalla bæjarins, 6 á Akureyri og eitt á hvorri eyju, Hrísey og Grímsey. Myndir Aðsendar
„Markmiðið er að færa listina út til fólksins. Koma með listina til þess í stað þess að það komi í ákveðna sali eða gallerí til að skoða listaverk,“ segir Jonna Jónborg Sigurðardóttir bæjarlistamaður á Akureyri árið 2024. Hún vinnur að undirbúningi sýningar sem nefnist Ferðalag. Það hefst nú á starfsàrinu og stendur í tvo mánuði. Einnig er hún á fullu við að hanna og útbúa svöng ruslatröll sem prýða munu nokkra rusladalla á Akureyri.
„Þetta var bara hugdetta sem ég fékk einhverju sinni,“ segir Jonna um tilurð næstu sýningar, Ferðalags. „Ég er byrjuð að undirbúa þá sýningu og er að sanka að mér gömlum ferðatöskum eins og voru notaðar á árum áður,“ segir hún og er þegar komin fjórar töskur í hús. „Ég bý síðan til 6 mismunandi listaverk, eitt í hverja tösku og þegar þetta ævintýri hefst vel ég 6 staði á Akureyri og trilla þangað með töskurnar, kem þeim fyrir og fólk getur skoðað listaverkið,“ segir hún um sýninguna.
Jonna hefur í hyggju að fara með ferðatöskurnar á vinnustaði eða þar sem búast má við að fólk sé á ferli, elliheimili og leikskóla koma til greina og í raun hvaða staður sem er. Hver taska verður viku í senn á hverjum stað og stendur Ferðalagið yfir í tvo mánuði þannig að gera má ráð fyrir að verkin fari víða. „Sýningarsalur verksins er taskan sjàlf og sá staður sem taskan er staðsett hverju sinni,“ segir hún. „Með þessu vona ég að ná til fólks sem alla jafna leggur ekki leið sína í gallerí eða listasöfn. Ég vona að fólki hafi gaman af og verkið lífgi upp á tilveru þess.“
Annað verkefni sem Jonna vinnur að og mun gefa bæjarlífinu á Akureyri lit á komandi sumri eru textílverk. Prjónaðir skúlptúrar sem mun prýða nokkrar rusladalla bæjarins, en undanfarin þrjú sumur hefur Jonna sett upp svöngu ruslaverurnar sem vakið hafa mikla athygli vegfarenda, m.a. ferðamanna.
Nú vinnur hún að 8 nýjum verkum og verða 6 tunnur á Akureyri skreyttar, ein i Hrísey og ein i Grímsey. „Þetta verða svöng ruslatröll að þessu sinni,“ segir hún um sumarverkefnið og að það verði komið upp fyrir þjóðhátíðadaginn 17. júní. Hún setur upp svonefndan QR-kóða og þannig gefst jafnt heimamönnum sem ferðafólk kostur á að fara í göngutúr á milli rusladalla og næla sér í góðan göngutúr um leið og listaverkin eru skoðuð. „Og svo má auðvitað endilega fóðra þessi ruslatröll sem mest.“ Verkefnið í kringum rusladallana er styrkt af SSNE.
Jonna hefur undanfarin ár einbeitt sér að endurvinnslulistsköpun og nýtir allt sem hún fær upp í hendurnar, m.a. textíl. Hún segir fólk iðulega gauka að sér afgöngum, m.a. af garni og úr því skapar hún listaverk. Ruslatröllin eru úr lopa sem hún þæfir og þvær og segir þá fyrir vikið algjörlega tilbúna til að takast á við íslenskt sumarveður af öllu tagi.
Nýjast
-
Frumkvöðla- og nýsköpunarfélaginu Drift EA ýtt úr vör
Fjölmenni var á kynningarfundi frumkvöðla- og nýsköpunarfélagsins Driftar EA, sem haldinn var í menningarhúsinu Hofi á Akureyri í gær -
Útskrifast sem rafvirki og fagnar hálfrar aldar afmæli!
Það er aldrei of seint að skella sér í nám og láta draumana rætast. Þetta eru skilaboð Andreu Margrétar Þorvaldsdóttur, sem mun útskrifast sem rafvirki frá VMA í næstu viku. Það er í mörg horn að líta fyrir Andreu þessa dagana því auk þess að ljúka náminu með formlegum hætti undirbýr hún sig núna af krafti fyrir sveinspróf í rafvirkjun í byrjun júní og einnig fagnar hún fimmtugsafmæli sínu nk. föstudag. Stórafmælis- og útskriftarveisla er því á dagskránni nk. laugardag. -
Opnun í Verksmiðjunni á Hjalteyri 18 maí kl 14:00 Sasha Pirker: Ég legg höfuðið í bleyti_I Soak My Head
Sasha Pirker lýsir upp Verksmiðjuna með úrvali kvikmyndainnsetninga og staðbundinni svörun við aðstæðum sem nær yfir síðustu tíu ár starfsferils hennar. Þessi verk bera vitni ekki aðeins víðtækri forvitni listamannsins og rannsóknartilfinningu, heldur eru þau einnig grundvölluð á bakgrunni hennar í málvísindum. Hugsun í gegnum tungumál, tilraunakennda frásögn, persónulegt og byggingarfræðilegt rými og möguleika, verk Sasha sýna næmni fyrir reynslu, þekkingu og skilningi. Þau eru stundum persónuleg eða viðkvæm og gefa þá tilfinningu að kvenlinsan sem kvikmyndir hennar verða og eru til í gegnum séu bæði hugsandi og óvænt, nýstárleg og umvefjandi. -
Samið um stækkun húsnæðis við VMA.
Í dag, föstudaginn 17. maí kl. 14.30 fer fram hátíðleg athöfn þar sem skrifað verður undir samning um stækkun á húsnæði skólans. Mennta- og barnamálaráðherra ásamt bæjarstjóranum á Akureyri og sveitarstjórum í Fjallabyggð, Dalvíkurbyggð, Eyjafjarðarsveit, Hörgársveit, Svalbarðsstrandarhreppi og Grýtubakkahreppi munu skrifa undir samning um byggingu 1500m2 húsnæðis við skólann. -
Kirkjugarðar Akureyrar í rekstrar vanda og næsta skref að loka líkhúsinu
„Hvað verður um líkin?“ er spurning sem Akureyringar og nærsveitarmenn velta fyrir sér þessa dagana, en Kirkjugarðar Akureyrar sem reka líkhús og kapellu á Naustahöfða eru í rekstravanda vegna fjárskorts. Kirkjugörðunum er óheimilt að innheimta þjónustugjald vegna starfsemi líkhúsanna. Einkaaðilar gætu innheimt slíka gjöld en fáir hafa áhuga á að reka líkhús hér á Akureyri. Engin leið önnur er út úr vandanum nema sú að hætta rekstri líkhússins. Stefnir í að skellt verði í lás grípi Alþingi ekki í taumana á vorþingi og geri Kirkjugörðum heimilt að innheimta þjónustugjaldið eða leggja til fjármagn til starfseminnar. -
Fann sig í sálfræði og flýgur nú út í frekara nám
Þegar Emma var ung ætlaði hún að verða læknir eins og langafi. Í menntaskóla áttaði hún sig á því að líffræði væri alls ekki fag sem hún hafði gaman af og þá læknisfræðin ekki það sem fyrir henni lægi. Emma hafði hins vegar mjög gaman af sálfræðinni og eftir einn tímann kom kennarinn upp að Emmu, tjáði henni hversu efnileg hún væri á því sviði og fékk hana til að íhuga frekara nám í fræðunum. -
Bergur Þór Ingólfsson er nýr leikhússtjóri hjá LA
Bergur Þór Ingólfsson er nýr leikhússtjóri Leikfélags Akureyrar. Bergur Þór tekur við af Mörtu Nordal sem hefur gengt starfinu síðustu í sex árin. -
Kylfingar geta tekið gleði sína, Jaðarsvöllur opnar n.k. þriðjudag
Kylfingar á Akureyri geta nú heldur betur tekið gleði sína því stefnt er að þvi að opna Jaðarsvöll n.k þriðjudag samkvæmt þvi sem segir á heimasíðu Golfklúbbs Akureyrar. -
Viðræður eru hafnar um hugsanlegan samruna Samkaupa, Heimkaupa og Orkunnar
Frá þessu segir í tilkynningu frá Samkaupum en þar sem kemur fram að s.l. mánuði hafi Samkaup hf. og Skel fjárfestingarfélag rætt um kosti og galla hugsanlegan samruna fyrirtækjanna.
Athugasemdir