Hví fjalla allar bestu kvikmyndir Íslendinga um dýr?
Þetta eru sko engin páskalömb, heldur Hrútar, eða alltént afturendar þeirra og framhliðar bænda.
Páskalambið og páskaungar og páskaegg verða mál málanna næstu daga, svo ekki sé nú minnst á páskamyndirnar í sjónvarpinu, þar sem m.a. er á dagskránni hin nafntogaða ræma Hrútar, sem að mestu var skotin í Bárðardal uppi.
Og kvikmyndin Hrútar leiðir hugann að því að nöfn og titlar skipta máli. Sérstaklega, að því er virðist, þegar um er að ræða íslenskar kvikmyndir sem ótrúlega margar draga heiti sín af margvíslegum dýrartegundum. Síðustu misserin hafa þrjár myndir verið að vinna til verðlauna víða um heim, sem sé áðurnefndir Hrútar og svo myndirnar Þrestir og Hross í oss. Nú, skemmst er svo að minnast eldri verðlaunamynda á borð við Hrafninn flýgur og Benjamín dúfa.
Og þetta á ekki bara við um þekktustu íslensku kvikmyndirnar og þær sem hafa unnið til verðlauna. Einnig má nefna myndirnar: Hvítir máfar. Foxtrot (fox þýðir jú refur). Í skugga hrafnsins. Eins og skepnan deyr. Perlur og svín. Falskur fugl. Reykjavík Whale Watching Massacre. Fálkar. Didda og dauði kötturinn. Mávahlátur. Gæsapartí.
Við þetta má svo bæta myndum á borð: Hadda Padda (svolítið langsótt reyndar!) enda dönsk þó hún byggi á sögu Kambans, og náttúrlega Litla lirfan ljóta. Og svo auðvitað smekksatriði hvort menn vilja fella myndina Englar alheimsins undir þessa skilgreiningu, þar sem tegundagreiningu á englum er í ýmsu áfátt. En þeir ku að sögn vera fiðraðir, öfugt við flest fólk, og standa þar með væntanlega nær dýraríki en manna.
Ætli í kvikmyndasögu nokkurrar annarrar þjóðar sé að finna hlutfallslega svo margar „dýramyndir?“ Ja, eða alla vega kvikmyndir sem draga nöfn af málleysingum af margvíslegu tagi. Og sjálfsagt eiga þessar íslensku dýrakvikmyndir líka annað en nöfnin ein sameiginlegt, sem sé að þær hafa örugglega verið ódýrari í framleiðslu en langflestar útlenskar bíómyndir.
Þetta þarf að sjálfsögðu að rýna í, rannsaka ofan í kjölinn og fá rökstudda niðurstöðu í málið og skýringu á því hvað veldur þessum sérkennilega bíógrafíska animalisma í íslenskri kvikmyndagerð.
Það væntanlega styttist í að gerð verði mynd eftir sögu Gunnars Gunnarssonar, Svartfugl, enn einni dýramyndinni í íslenska kvikmyndasafnið. JS
Nýjast
-
Gamla verslunin í Vaglaskógi jöfnuð við jörðu
„Það eiga margir góðar minningar um þessa verslun,“ segir Helen Jónsdóttir en gamla góða búðin í Vaglaskógi var jöfnuð við jörðu nýverið. Allt var tekið nema hellan fékk að vera og væntir Helen þess að eitthvað verði gert á staðnum. „Vonandi verður settur upp fallegur áningarstaður þarna, með borðum og bekkjum og jafnvel skilti sem greinir frá sögu verslunarinnar.“ -
Hamrastígur og Kirkjugarðsstígur Finnur ehf bauð lægst í stígagerðina
Gengið verður til samninga við lægstbjóðenda, Finn ehf í gerð tveggja stíga á Akureyri, Hamrastígs og Kirkjugarðsstígs, en fyrirtækið átti lægsta boð í bæði verkin. -
Alþjóðaflugvöllur á Akureyri verði byggður upp
Sveitarfélögin á Norðurlandi vestra og Norðurlandi eystra skora á ríkisstjórn Íslands og Alþingi að koma rekstri, uppbyggingu og markaðssetningu Akureyrarflugvallar fyrir hjá sérstakri stjórn eða félagi, sem hefur það að markmiði að alþjóðaflugvöllurinn sé byggður upp og kynntur sem ein af gáttum Íslands -
Grafalvarleg staða í rekstri PCC Bakka rædd í atvinnuveganefnd Alþingis.
Atvinnuveganefnd Alþingis hefur verið upplýst um grafalvarlega stöðu í rekstri PCC Bakka við Húsavík, þar sem stefnt gæti í rekstrarstöðvun undir lok sumars ef ekki tekst að snúa vörn í sókn. -
Listasafnið á Akureyri Nýjar sýningar opnaðar
Sýningar Heimis Hlöðverssonar, Samlífi, og Þóru Sigurðardóttur,Tími – Rými – Efni, verða opnaðar í Listasafninu á Akureyri á laugardag 17. maí kl. 15. Á opnunardegi verður leiðsögn með Heimi kl. 15.45. -
Orkey fyrst á Íslandi með sjálfbærni- vottaða framleiðslu á lífeldsneyti
Orkey hefur fengið alþjóðlega kolefnis- og sjálfbærnivottun, ISCC EU, á lífdísilframleiðslu sína á Akureyri fyrst fyrirtækja sem framleiða lífeldsneyti hérlendis. -
Heyrn er ekki munaður – hún er þátttaka
Það var ánægjulegt að sækja fund hjá Félagi eldri borgara á Akureyri (EBAK) síðastliðinn föstudag. Rétt rúmlega hundrað manns mættu – áhugasamir, upplýstir og málefnalegir. Þar skapaðist gott samtal um þau mál sem brenna mest á eldra fólki í dag. Ábendingar komu víða að og spurningarnar voru margar og skýrar. Það var sérstaklega áberandi að umræðan snerist ítrekað að sömu kjarnamálunum: skerðingum, lífeyrissjóðum en einnig að heilbrigðisþjónustu. -
Sundlaug Akureyrar lokuð 18.-22. maí – opið lengur í Glerárlaug 18. maí
Sundlaug Akureyrar verður lokuð dagana 18.-22. maí eða frá sunnudegi til fimmtudags í næstu viku. -
Byggingaréttur á lóðum á Torfunefsbryggju boðin út í maí
Byggingaréttur á tveimur lóðum við Torfunefsbryggju þar sem eru til staðar fimm byggingareitir verður boðin út nú síðar í maí.