Hvað þýðir Já fyrir bændur?
Stefán Magnússon
Í kosningunum 29. ágúst nk. munu landsmenn taka afstöðu til þess hvort hefja skuli aðildarferli að ESB. Eðlilegast væri að meta þá ákvörðun fyrst og fremst út frá þjóðhagslegum þáttum; hvort hag Íslands væri betur borgið innan ESB eða utan þess.
Engin knýjandi þörf
Ekki er hægt að sjá neina knýjandi þörf fyrir Ísland að ganga í sambandið, enda er hagsmunum landsins vel fyrir komið með EES-samningnum.Ísland er ríkt af auðlindum og þekkingu. Efnahagur landsins er líka sterkur. Landið skorar hátt á flestum mælikvörðum um velferð og hagsæld.
Því skýtur skökku við þegar já-sinnar tala um að rétt sé að „kíkja í pakkann“. Regluverk sambandsins liggur að langmestu leyti fyrir og aðildarríki þurfa að taka það upp. Svigrúm til varanlegra undanþága er takmarkað, ef nokkuð þótt hægt sé að semja um tímabundnar undanþágur eða aðlögunartíma.
Ef já...
Ef já verður niðurstaða kosninganna fer af stað aðildarferli sem gæti tekið mörg ár. Sú óvissa sem fylgir svo löngu ferli getur orðið dýrkeypt fyrir íslenskt atvinnulíf. Sú atvinnugrein sem ég starfa við gæti orðið fyrir verulegu höggi. Litlar líkur eru til að ráðist verði í nýframkvæmdir eða umfangsmikið viðhald fasteigna meðan slík óvissa ríkir.
Persónulegt sjónarhorn
Ef þetta er skoðað út frá rekstri okkar hjóna í mjólkurframleiðslu vill svo til að við erum komin á starfslokaaldur, þó enn undir sjötugu. Óvissan næstu árin gæti gert okkur mjög erfitt fyrir að selja reksturinn og jörðina. Það er erfitt að sjá fyrir sér að lánastofnun láni hugsanlegum kaupendum ef framtíðarsýnin er veruleg lækkun afurðarverðs og verulega minni innlend framleiðsla vegna aukins innflutnings. Ef tilboð fengist í jörðina gæti það orðið svo lágt að kaupverðið dygði ekki einu sinni fyrir áhvílandi skuldum. Eftir ævistarfið gætum við því þurft að þakka fyrir að sleppa frá án gjaldþrots. Þetta er sú staða sem við hjónin, ásamt fjölda annarra bænda, munum standa frammi fyrir ef meirihluti þjóðarinnar kýs að „kíkja í pakkann“.
Bændur í ESB
Höfum einnig hugfast að bændur í ESB-ríkjum eru víða ekki sáttir við sína stöðu. Það hefur meðal annars birst í umfangsmiklum og ítrekuðum mótmælum bænda víða um Evrópu og óánægju þeirra með ýmsa þætti landbúnaðarstefnu ESB. Það hefur kostnað í för með sér að framleiða landbúnaðarvörur. Ekki er hægt að gera ráð fyrir að úrvals matvæli verði framleidd til lengdar fyrir verð sem stendur ekki undir framleiðslukostnaði.
Nýjast
-
Hvað þýðir Já fyrir bændur?
Í kosningunum 29. ágúst nk. munu landsmenn taka afstöðu til þess hvort hefja skuli aðildarferli að ESB. Eðlilegast væri að meta þá ákvörðun fyrst og fremst út frá þjóðhagslegum þáttum; hvort hag Íslands væri betur borgið innan ESB eða utan þess. -
Góð aðsókn að framhaldsskólum á Akureyri
Aðsókn að framhaldsskólum á Akureyri, Menntaskólanum á Akureyri og Verkmenntaskólanum á Akureyri er mjög góð. Nýtt skólaár hófst nú fyrr í vikunni. -
Ný framtíðarsýn fyrir Hofsbót
Akureyrarbær hefur kynnt nýja tillögu að breytingu á deiliskipulagi við Hofsbót 1-3. Tillagan er liður í áframhaldandi þróun miðbæjarins og markar mikilvægt skref í þeirri framtíðarsýn að efla mannlíf, þjónustu og aðdráttarafl miðbæjarins. Frá þessu segir á vef Akureyrarbæjar. -
Festi bætist við hóp öflugra bakhjarla Driftar EA
Festi hefur gerst bakhjarl Driftar EA og bæst í hóp öflugra fyrirtækja sem styðja við uppbyggingu nýsköpunar og frumkvöðlastarfs á Norðurlandi. Ásta S. Fjeldsted, forstjóri Festi og Sesselja Ingibjörg Barðdal Reynisdóttir, framkvæmdastýra Driftar EA, undirrituðu samstarfssamning þess efnis á dögunum. -
Stebbi JAK með útgáfutónleika á Húsavík og Akureyri
Stebbi JAK gefur nú út sína aðra sólóplötu og blæs til glæsilegra útgáfutónleika í Samkomuhúsinu á Húsavík n.k. fimmtudagskvöld 20. ágúst og á Græna hattinum föstudagskvöldið 21 ágúst. Tónleikarnir hefjast í báðum tilfellum klukkan 21:00. -
Nýr leikskóli tekur til starfa á Akureyri í næstu viku
Berglind Ósk Guðmundsdóttir, bæjarstjóri heimsótti í morgun starfsfólk nýja leikskólans Hagasteins við Naustagötu. Þar eru nú allir í óða önn að undirbúa opnun skólans í næstu viku. -
Eigendur ferðavagna við grunnskóla athugið
Nú er starf í grunnskólum að hefjast og þeim tilmælum er beint til eigenda ferðavagna að fjarlægja þá af bílastæðum við skólana. -
Sýning Myndlistarfélagsins í Hofi
Nú stendur yfir glæsileg sýning í Hofi þar sem sextíu og einn félagi í Myndlistarfélaginu á Akureyri sýnir verk sín. Sýningin gefur innsýn í persónulegan og margslunginn myndheim þar sem tekist er á við flókinn veruleika með fjölbreyttum tjáningarformum myndlistarinnar. -
Þjóðaratkvæðagreiðsla, laugardaginn 29. ágúst 2026
Kjörstaðir í Akureyrarbæ vegna þjóðaratkvæðagreiðslu laugardaginn 29. ágúst nk. eru í Verkmenntaskólanum á Akureyri, í Hríseyjarskóla og í Félagsheimilinu Múla í Grímsey.
