Hús vikunnar: Sundlaug Akureyrar
Síðustu vikur höfum við verið stödd á lóð Menntaskólans á Akureyri en nú bregðum við okkur eilítið utar á Syðri Brekku, að sérlegu kennileiti og vinsælum áfangastað bæjarbúa og ferðamanna. Nefnilega Sundlaug Akureyrar.
Bygging sundlaugarhússins við Þingvallastræti mun hafa hafist 1948-49 en tók langan tíma og stöðvaðist ítrekað, m.a. vegna fjárskorts. Á baksíðu dagblaðsins Íslendings þann 16. ágúst 1950 má finna mjög ítarlega umfjöllun um „fyrirhugaða sundlaugarbyggingu“. Kemur þar fram að byggingin sé teiknuð af Bárði Ísleifssyni á skrifstofu Húsameistara ríkisins. Þá var búið að steypa neðri hæð og kjallara en „[...]Fjárfestingarleyfi fyrir efri hæðinni vantar, auk þess sem þröngt mun vera um fjárhaginn“. Þá hafði alls verið varið 360 þúsund krónum til byggingarinnar, 300 þúsund frá bæjarfélaginu og 60 þúsund frá íþróttasjóði. En tæpum sex árum síðar, í júlí 1956 var hin nýja sundhöll vígð við hátíðlega athöfn. Var aðstaða öll hin vandaðasta. Árin 1998-2000 var byggt við húsið til suðurs og í þeirri álmu eru m.a. aðalinngangur, afgreiðsla og baðklefar kvenna. Átti arkitektastofan Form heiðurinn af hönnun stækkun sundlaugarbyggingarinnar.
Eldri álman, sem stendur við Þingvallastræti, er tvílyft steinsteypuhús með lágu valmaþaki og smærri álmu að norðvestanverðu. Nýrri álman, með aðkomu frá Skólastíg, er einlyft með flötu malarþaki. Áfastur henni er glerskáli mikill sem hýsir yfirbyggðan heitan pott, sambyggðan lauginni. Ekki þarf að fjölyrða um hina frábæru aðstöðu og margvísleg mannvirki á laugarsvæðinu, sem eru öll hin stórkostlegustu. Að sjálfsögðu skal hér mælt með heimsókn í Sundlaug Akureyrar, hvort sem ætlunin er að synda, slaka á í pottum eða gufu eða taka „salibunu“ í rennibrautum. Myndin er tekin þann 8. apríl 2018.
Það er aldeilis ekki svo, að mönnum hafi fyrst hugkvæmst að byggja sundlaug á þessum stað, efst í Grófargili, um miðja 20. öld. Saga sundlaugarmannvirkja þarna er mikið lengri og í næstu grein verður tæpt á sögu Sundlaugarinnar - fyrir tíma núverandi bygginga.
Nýjast
-
Mikil aukning á hótunum og beitingu á ofbeldi gagnvart lögreglu á Norðurlandi eystra.
,,Það er ljóst að það að hér er um grafalvarlega stöðu að ræða. Svar dómsmálaráðherra við fyrirspurninni sýnir okkur að þróunin á starfssvæði lögreglustjórans á Norðurlandi eystra er með þeim hætti að það er nauðsynlegt að bregðast við. Það er mikilvægt að greina þessa stöðu. Hver er ástæðan fyrir þessari miklu fjölgun á brotum gegn lögreglumönnum og opinberum starfsmönnum á þessu landsvæði það er Norðurlandi eystra“ segir Njáll Trausti Friðbertsson þingmaður og oddviti Sjálfstæðisflokksins í Norðausturkjördæmi. -
Boðskapur frá forsetaframbjóðanda
Það hafa kannski margir klórað sér í hausnum yfir þátttöku minni í forsetakosningunum þar sem ég stíg nú eins og landkönnuður á nýjum slóðum og tek með mér ný og fersk sjónarhorn, smá húmor og djúpstæða trú á mátt hins ómögulega. Ég er eflaust ekki hinn hefðbundni frambjóðandi en ég er án efa ferskur blær inn í flokk frambjóðenda og það er einmitt það sem gerir þetta stóra verkefni svo skemmtilegt og hvetjandi. -
Líf að færast í Holtahverfi
Líf er að færast í nýtt Holtahverfi norður, svæði á milli Krossanesbrautar og smábátahafnar í Sandgerðisbót. Húsin rísa hvert á fætur öðru og fyrstu íbúarnir hafa komið sér fyrir í nýjum íbúðum. Enn er eitthvað eftir af lóðum og er Akureyrarbær um þessar mundir að auglýsa par- og raðhúsalóðir lausar til úthlutunar, en m.a. eru nokkrar lóðir lausar við Álfaholt, Hulduholt og Þursaholt. -
Frú Ragnheiður - Færri í nálaskiptaþjónustu en fleiri komu í bílinn
Fjöldi einstaklinga sem leitaði til Frú Ragnheiðar árið 2023 var 51 í 584 heimsóknum en árið 2022 voru einstaklingarnir 46 í 412 heimsóknum. Af þessum fjölda voru 10 viðbragðsaðilar og einstaklingar sem leituðu til verkefnisins til að fá Nyxoid nefúðann. Ekki er því um fjölgun skjólstæðinga í nálaskiptaþjónustu að ræða en þeim fækkaði um fimm milli ára, úr 46 í 41. -
Götuhornið - Gamlingi á villigötum
Mig hefur lengi langað til að senda bréf til Götuhornsins. Mér hefur legið ýmislegt á hjarta og fannst það eiga fullt erindi til lesenda. Þetta hefur þó ekki getað orðið fyrr en nú vegna vandræða sem ég lenti í og þurfti að greiða úr. -
Fyrsta alþjóðlega hótelið á landsbyggðinni mun opna á Akureyri árið 2025
Fyrirhugað er að fyrsta alþjóðlega hótelið á landsbyggðinni mun opna á Akureyri 2025 undir merkjum Curio Collection by Hilton. Framkvæmdin verður í samvinnu við Bohemian Hotels. „Bohemian Hotels ehf., í samstarfi við Hilton, tilkynnir með stolti undirritun tímamótasamnings um byggingu og rekstur tveggja hágæða hótela á Íslandi. Þessir samningar marka ákveðin tímamót í hótelgeiranum á Íslandi og færa Akureyri gistingu og þægindi á heimsmælikvarða til jafns við Reykjavík" segir i tilkynningu frá Bohemian Hotels. -
Kuldatíð seinkar vorverkum
Talsverðar líkur er á að kal verði í túnum í Svarfaðardal en sennilega sleppa önnur svæði í héraðinu betur þó ekki sé það fullvíst. Kuldatíð seinkar vorverkum bænda og gæti í versta falli orðið til þess að spretta fari seinna af stað en vanalega, snjór er yfir öllum túnum og því ekki hægt að bera á. -
Goblin opnar á Glerártorgi
„Eins leitt og okkur þykir að yfirgefa fallega miðbæinn okkar, erum við afar spennt fyrir þessum flutningum og hlökkum til að bjóða viðskiptavini okkar velkomna á Glerártorgi,“ segja þau Þorsteinn Marinósson og Ásta Hrönn sem eiga Goblin. Starfsemin hefur verið við Brekkugötu undanfarin ár en flyst nú í rýmra húsnæði á Glerártorgi. -
Lystigarðurinn - Kostar meira að pissa
Gjald fyrir afnot af salernisaðstöðu í Lystigarðinum á Akureyri hækkar 1. maí næstkomandi, út 150 krónum eins og áður var í 300 krónur. Gjaldið verður endurskoðað við gerð gjaldskrár Umhverfis- og mannvirkjaráðs Akureyrarbæjar árlega.
Athugasemdir