Hús vikunnar: Samkomuhúsið; Hafnarstræti 57
Líklega er óhætt að fullyrða að Samkomuhúsið, Hafnarstræti 57, sé eitt af helstu kennileitum Akureyrar. Húsið er einstaklega tilkomumikið og stendur á sérlega áberandi stað, á svokölluðu Barðsnefi.
Samkomuhúsið var byggt sem félagsheimili Góðtemplara árið 1906. Byggingarstjórar voru þeir Guðbjörn Björnsson og Guðmundur Ólafsson, báðir meðlimir Góðtemplarareglunnar. Þeir munu einnig hafa teiknað húsið. Húsið var vígt á Þorláksmessu 1906, en bygging þess tók einungis sex mánuði. Samkomusalur hússins var þá sá stærsti á landinu og var það allt þar til Hótel Borg í Reykjavík var byggt um 1930.
Samkomuhúsið er stórt tveggja hæða timburhús með burstum og turni á háum steyptum kjallara eða jarðhæð. Nyrsti hluti hússins er með flötu þaki, en þar er um að ræða viðbyggingu frá 1920. Á bakhlið eru steinsteyptar viðbyggingar frá 2004, en þær leystu af hólmi skúrbyggingar sem byggðar voru við húsið um miðja 20. öld. Sérkennilegir gluggapóstar, mikið útskorið skraut á burstum gefa húsinu einstaklega glæstan svip, að ógleymdu höfuðprýði hússins, áttstrendum turni fyrir miðju.
Samkomuhúsið hefur verið nýtt til leiksýninga auk ýmis konar mannfagnaða og funda óslitið í rúm 113 ár. Húsið hlaut snemma gælunafnið „Gúttó“ sem var stytting á Góðtemplarahúsinu. Akureyrarbær keypti húsið af templurum árið 1917 og nefndist það síðan Samkomuhúsið. Sama ár var Leikfélag Akureyrar stofnað, og hefur það allar götur síðan haft aðsetur og sett upp leiksýningar í Samkomuhúsinu. Amtsbókasafnið var starfrækt þarna frá byggingu og til ársins 1930, og póstafgreiðsla um skeið. Bæjarstjórn Akureyrar fundaði í Samkomuhúsinu fram á miðja 20. öld. Þá var auk þess búið í húsinu um áratugaskeið.
Árin 2003-05 voru gerðar miklar endurbætur á húsinu og umhverfi þess. Þá hefur mörg framkvæmdin farið fram innanstokks, svo ríflega aldargamalt húsið uppfylli hinar ítrustu kröfur 21. aldar til opinberra bygginga. Samkomuhúsið var friðlýst í B-flokki (ytra byrði friðað) árið 1977.
Myndin er tekin 19. ágúst 2018.
Nýjast
-
Nýtt diplómanám við HA fyrir fólk með fjölþættar stuðningsþarfir
Háskólinn á Akureyri leitar að brautryðjendum sem langar að taka þátt í spennandi þróunarverkefni og hefja nám við skólann. -
Krúttlegasta hjólamót árins haldið á Akureyri á sunnudaginn
Krónan, Akureyrardætur og Hjólreiðafélag Akureyrar standa fyrir hjólamóti fyrir krakka á aldrinum 2 til 12 ára og fer mótið fram í Kjarnaskógi sunnudaginn 18. maí næstkomandi. Um er að ræða fyrsta hjólamótið sem Krónan heldur á Akureyri en mótið er haldið að fyrirmynd Krónumótsins í Öskjuhlíð sem er orðinn árlegur viðburður í september ár hvert. Skráning á mótið er hafin og eru öll börn velkomin. -
JÖKLABLÁMI opnun í Verksmiðjunni á Hjalteyri 17 maí 2025, kl. 14:00
Sýningin Jöklablámi opnar í Verksmiðjunni á Hjalteyri 17 maí kl. 14:00 Sýningin stendur til og með 22 júní. Opið alla daga nema mánudaga frá 14:00 til 17:00 -
Ótryggt sjúkraflug frá Húsavík
Á fundi byggðaráðs Norðurþings á dögunum Óskaði Rebekka Ásgeirsdóttir S-lista eftir umræðu sjúkraflug frá Húsavíkurflugvelli. -
Erum hætt að deyja ung!
Þessi rúmlega miðaldra sem þetta skrifar sat nýlega málstofu sem fjallaði um gervigreind í umönnun eldra fólks. Fram að því hafði hún ekki mikið leitt hugann að gervigreind og hvernig best er að nýta hana. Sú greinda hafði til þessa notað mig til að sýna mér endalaust í viðbót ef ég hafði til dæmis verið að skoða mér skó á netinu. -
Landinn heimsækir lögreglufræðinámið á Akureyri
Á dögunum var hægt að horfa á þegar Landinn á RÚV heimsótti lögreglufræðinámið við Háskólann á Akureyri. Okkur lék forvitni á að vita hvernig þetta kom til og kynnast stemmningunni í slíkri heimsókn. Andrew Paul Hill, lektor við lögreglufræðina, varð fyrir svörum. Hann segir að það hafi ekki verið nein formleg kynning sem varð til þess að Landinn heimsótti þau heldur þvert á móti hafi það verið heppileg tilviljun og jákvætt viðhorf áhugasamra aðila sem leiddi þetta spennandi verkefni af sér. -
Kisukot áfram á einkaheimili
Fyrir liggja drög að þjónustusamningi til eins árs um tímabundna meðhöndlun á köttum þar sem gert er ráð fyrir að Kisukot verði áfram starfrækt við Löngumýri á Akureyri svo sem verið hefur í rúman áratug. -
Steingrímur Birgisson forstjóri Hölds Bílaleigu Akureyrar Örlítil aukning sjáanleg í sumar en haustið alveg tómt
„Það er örlítil aukning þegar horft er til komandi sumars, en svo er lítið sem ekki neitt að gerast þegar kemur inn á haustið. Frá september til áramóta er bara varla hreyfing,“ segir Steingrímur Birgisson forstjóri Hölds Bílaleigu Akureyrar. Hann bætir við að ef allt fer á versta veg varðandi upptöku kílómetra gjalds í sumar megi gera ráð fyrir gríðarmiklu tjóni hjá bílaleigum, sem í tilviki Bílaleigu Akureyrar nemur hundruðum milljóna. -
Málefni verksmiðju PCC á Bakka - Óskað eftir fundi í atvinnuveganefnd Alþingis
,,Ég óskaði eftir því fyrir helgi við formann atvinnuveganefndar að forsvarsmenn sveitarfélagsins Norðurþings, PCC á Bakka og Samtökum iðnaðarins færu yfir stöðuna með okkur í atvinnuveganefnd þingsins sem allra fyrst."