Hús vikunnar: Hafnarstræti 88; Gamli Banki
Eitt af stærstu og reisulegustu timburhúsum Akureyrar stendur sunnarlega í Miðbænum, við Hafnarstræti 88. Húsið reisti Bergsteinn Björnsson, athafnamaður úr Barðastrandarsýslu, árið 1900. Var húsið þá eitt hið stærsta í bænum, en mjög áþekkt hús að stærð og gerð, var byggt á Oddeyri árið 1897; Snorrahús við Strandgötu (rifið fyrir rúmum 30 árum). Stærri timburhús á borð við Hótel Akureyri við Aðalstræti, Samkomuhúsið og Gagnfræðaskólinn (síðar Menntaskólinn) risu fáeinum árum síðar.
Hafnarstræti 88 er háreist tvílyft timburhús á háum kjallara með háu risi. Húsið ber einkenni svokallaðra Sveitser húsa, en það voru norsk hús efnamanna, og einkenndust m.a. af miklu útskornu skrauti. Húsið er bárujárnsklætt og hefur líkast til verið frá upphafi, svokallaður „bárujárnsveitser“.
Húsið hefur löngum kallast „Gamli Banki“ en það hýsti bankastarfsemi á fyrri hluta 20. aldar. Íslandsbanki hinn gamli var þarna frá 1904 til 1930 en 1930-39 starfaði Útvegsbankinn í húsinu. Þarna var einnig íbúð bankastjóra, en auk þess læknastofa og íbúð læknisins. Húsið kom við sögu í bók Þórbergs Þórðarsonar, Íslenskum aðli, en hann lýsir þar dvöl sinni þarna, sumarið 1912. Margir hafa búið í Hafnarstræti 88 og húsið hýst ýmsa starfsemi á sínum 120 árum. Í kjallara og á fyrstu hæð hafa löngum verið verslana- og skrifstofurými en íbúðir á efri hæðum. Of langt mál væri að telja upp hér alla þá verslun og þjónustu sem þetta ágæta hús hefur hýst.
Í Hafnarstræti 88 eru fjórar íbúðir, skósmíðaverkstæði í kjallara og í suðurhluta fyrstu hæðar er Rakarastofa Akureyrar. Sú hugmynd, að taka Hafnarstræti 88 fyrir í þessum pistli, varð einmitt til þegar greinarhöfundur fór þangað í klippingu sl. fimmtudag. Þessi mynd er tekin fyrir um áratug, þann 31. júlí 2010, og þar má sjá hluta þátttakenda í sögugöngu sem Gísli Sigurgeirsson leiddi með miklum glæsibrag.
Nýjast
-
Banaslys í Eyjafjarðarsveit
Alvarlegt umferðarslys varð á Eyjafjarðabraut eystri , skammt norðan við Laugaland skömmu eftir kl. 13:00 í dag. Þarna hafði bíll lent út af og voru tveir aðilar sem í honum voru úrskurðaðir látnir á vettvangi. Lögreglan á Norðurlandi eystra fer með rannsókn málsins og er hún á frumstigi og ekki frekari upplýsingar að hafa að sinni. -
Umferðarslys á Eyjafjarðarbraut eystri
Alvarlegt umferðarslys varð á Eyjafjarðabraut eystri , skammt norðan við Laugaland skömmu eftir kl. 13:00 í dag. Þarna hafði bíll lent út af og í honum voru tveir aðilar. Rannsókn á tildrögum slyssins stendur yfir á vettvangi og getur lögreglan ekki veitt frekari upplýsingar á þessu stigi málsins. -
Kirkjutröppurnar og gangstétt í Listagilinu
Framkvæmdir við kirkjutröppurnar eru hafnar að nýju eftir talsvert hlé og er búið að byggja yfir neðsta hluta trappanna, en þar er verið að vinna í húsnæði sem er undir tröppunum. Að því loknu verður hægt að hefja vinnu við sjálfar kirkjutröppurnar, þeirri vinnu hefur seinkað m.a. sökum þess að erfiðlega gekk að fá verktaka í verkefnið og það var umfangsmeira en var ráð fyrir gert. -
Hefur allt sem þarf
Fyrstu kynni mín af Höllu Tómasdóttur voru í tengslum við vinnustað þar sem hún kom einn dag og ræddi við hópinn. Þessi dagur breytti svolítið lífi mínu því þarna uppgötvaði ég í raun hvernig ég get tekið stjórn á eigin lífi. Halla varpaði á skjá mynd af vatnsglasi sem í var vökvi um það bil að miðju glasi. Hún talaði um viðhorf okkar og hvernig við tökumst á við það sem lífið færir okkur. -
Söngveisla í Glerárkirkju á sumardaginn fyrsta
Tíunda kóramót eldri borgara á Norðurlandi fer fram á morgun sumardaginn fyrsta. Fyrsta kóramót eldri borgara var haldið á Húsavík á lokadaginn 11 maí 2002 með þátttöku fimm kóra sem komu frá Húsavík, Akureyri, Dalvík, og Hrísey, Siglufirði og Skagafirði. -
Samherji og Ice Fresh Seafood á stærstu sjávarútvegssýningu heims
Alþjóðlega sjávarútvegssýningin Seafood Expo Global í Barcelona á Spáni opnaði í gær, 23. apríl. Sýningin er sú stærsta sinnar tegundar í heiminum á sviði veiða, vinnslu og sölu sjávarafurða. Samherji og Ice Fresh Seafood eru að venju með stóran og vel útbúinn bás, þar sem tekið er á móti gestum frá öllum heimshlutum og afurðir kynntar. Ice Fresh Seafood sér um að selja afurðir Samherja og fleiri fyrirtækja. -
Himinhátt innanlandsflug
Í samtölum mínum við fólk af landsbyggðinni um samgöngur og flug heyrist sífellt háværari umræða um hækkandi verð á flugferðum innanlands. Íbúum landsbyggðarinnar er orðið tíðrætt um að ekki fyrir svo löngu hafi það frekar borgað sig að keyra milli Akureyrar og Reykjavíkur ef þrír voru í bílnum. Í dag þurfi ekki einu sinni að hugsa sig um hvort eigi að keyra eða fljúga, jafnvel þó að Loftbrúin sé notuð og einungis einn sé á ferð. Fólk grínast með að það sé ódýrara að millilenda í London á leið sinni til Reykjavíkur, en það er sorgleg staðreynd að það er ekkert grín. -
Sumardagurinn fyrsti í Sigurhæðum klukkan 13
Ferskustu listamennirnir í Pastel ritröð kynna verk sín:Nr. 37: Þorbjörg Þóroddsdóttir: Vögguvísuatómapar.Nr. 36: Egill Logi Jónasson: Hohner mér vel.Egill Logi aka Drengurinn fengurinn er tónlistar- og myndlistarmaður. Hann starfar á Akureyri og er hluti af listhópnum Kaktus.Þorbjörg Þóroddsdóttir er 19 ára ungskáld frá Akureyri. Hún varð stúdent frá MA í fyrra, stundaði nám við lýðháskóla á Jótlandi í haust og vinnur nú á leikskóla. Hún hefur unnið til þrennra verðlauna í ritlistarsamkeppni Ungskálda. -
Dr. Áslaug Ásgeirsdóttir skipuð rektor Háskólans á Akureyri
Dr. Áslaug Ásgeirsdóttir hefur verið skipuð sem rektor Háskólans á Akureyri frá og með 1. júlí næstkomandi. Skipan Áslaugar er samkvæmt ákvörðun Háskólaráðs frá 2. apríl síðastliðnum um að tilnefna hana sem næsta rektor skólans. Háskóla-, iðnaðar- og nýsköpunarráðherra samþykkti tillöguna og tekur Áslaug við rektorsstöðunni 1. júlí næstkomandi. Alls bárust fimm umsóknir um embættið en skipað er til fimm ára.
Athugasemdir