Heldur í hefðirnar á jólunum
Ég er ægilegt jólabarn og finnst þetta yndislegur tími. Það er mikið um að leitað sé til okkar presta í aðdraganda jólanna og desember er alltaf erilsamur en skemmtilegur, segir séra Svavar A. Jónsson prestur við Akureyrarkirkju.
Aðventan hefur almennt verið að vinda upp á sig og kirkjusókn m.a. aukist verulega á þessum tíma undanfarin ár. Það hefur mikið breyst síðan ég var strákur að alast upp. Þá var það sem misheppnaðist í smákökubakstri hjá mömmu það eina aukalega sem maður fékk á aðventunni, rifjar Svavar upp.
En núna er svo margt í boði, það er alltaf að verða meira úrval af jólahlaðborðum, jólatónleikum og annarri afþreyingu tengdum jólunum. Helgihald aðventunnar virðist höfða til mun fleira fólks nú en áður. Kirkjusókn á sjálfum jólunum hefur einnig haldist góð, þrátt fyrir að hlutfallslega séu færri sem tilheyra þjóðkirkjunni. Þeir eru margir sem fara einungis í kirkju á jólunum.
Enginn einn tilgangur
Jólin eru ekki haldin í einhverjum einum tilgangi. Eins og flestar aðrar hátíðir eiga jólin sína upprunalegu sögu sem tengist náttúrunni og voru upphaflega haldin til þess að fagna því að dag tók að lengja. Kirkjan heldur jólin til að fagna fæðingu Jesú Krists, en hélt ekkert upp á fæðingu Frelsarans fyrstu aldirnar. Kirkjan hefur hins vegar alltaf haldið upp á páskana. En svo var farið að gefa fæðingunni meiri athygli en við vitum ekki nákvæmlega hvenær ársins Jesús Kristur fæddist. Jólahátíðin var hins vegar valin til þess að fagna komu hans í heiminn.
Hátíðarlamb
Hvernig er aðfangadagskvöld hjá þér?
Hefðirnar hjá mér eru svipaðar á milli ára. Ég er til skiptis með aftansöng í kirkjunni klukkan sex á aðfangadag eða miðnæturmessu. Borðhaldið miðast svolítið við það en við borðum alltaf lambalæri. Við ákváðum það hjónin á sínum tíma að borða lamb þar sem það var einfalt að stinga því inn í ofninn og láta það malla á meðan aftansöngurinn stóð yfir, án þess að eiga í hættu á að eyðileggja matinn. Við höfum haldið í þennan sið en reynum að hafa sérstakan hátíðarbrag yfir lambinu. Ég útbý svo alltaf Waldorfsalat og geri sósu sem aðeins er búin til á jólunum. Svo er fastur æiður að hafa heita og dísæta Marssósu með ísnum í eftirrétt.
Nánar er rætt við séra Svavar í prentútgáfu Vikudags.
Nýjast
-
Litaboltavöllur á tjaldsvæðinu
Skipulagsráð Akureyrar hefur tekið jákvætt í erindi frá Skúla Lórenz Tryggvasyni sem óskaði eftir svæði til að setja upp litaboltavöll (e. paintball). -
Sjómannadagur.
Àrlega hőldum við sjómannadaginn hátíðlegan. Við hugsum til sjómanna, sem finnast í flestöllum ef ekki öllum íslenskum fjölskyldum, heiðrum þá og gleðjumst með þeim. Það er misjafnt hve mikinn þátt fólk tekur í þessum hátíðarhöldum. Sumir fylgjast vel með dagskrá hátíðarhaldanna, á meðan aðrir láta sér nægja eitthvað betra með kaffinu. -
Norðurslóðir, stríð og hnattræn hlýnun
Aukin spenna í alþjóðamálum hefur haft mikil áhrif á þróun mála á Norðurslóðum. Ríki sem þar eiga hagsmuna að gæta þurfa að fylgjast vel með og vera reiðubúin að bregðast við öðrum vendingum á svæðinu. Á meðan hnattræn hlýnun ógnar umhverfi, samfélögum og opnun skipaleiða – þá hefur innrásarstríð Rússa í Úkraínu leitt til þess að vonir um friðsæl samskipti á Norðurslóðum hafa dvínað verulega. -
Bakþankar bæjarfulltrúa Í guðanna bænum
Ég er enn í sjokki. Taugaáfalli. Og tilefnið, Jú, í gær varð ég barni að bana – næstum því. Veit ekki enn hvaða kraftaverk kom í veg fyrir þá miklu óhamingju. Öskur eða eitthvað sem undirmeðvitundin skynjaði - þótt augað sæi ekki. Tildrögin. Ég var að koma niður Krákustíg hjá Amtsbókasafninu þegar eitthvað skaust á örskotshraða fyrir steyptan garðvegginn, niður gangstéttina með fram Oddeyrargötu. -
Að efla þéttbýli eða vinna gegn því
Á síðustu 20 árum hefur íbúum á Íslandi fjölgað um tæp 100 þúsund eða um þriðjung (33%). Langstærstur hluti þessar fjölgunar hefur átt sér stað á suðvesturhorni landsins. Ef skoðuð er íbúaþróun í þeim sveitarfélögum sem í dag mynda sveitarfélagið Þingeyjarsveit, en voru fyrir aldarfjórðung 6 hreppir, kemur upp ólík mynd. Þann 1. janúar 2005 töldu sveitarfélögin (þá þrjú) 1.399 manns en þann 1. janúar sl. bjuggu 1.453 Þingeyjarsveit. Því hefur íbúum fjölgað hér um tæp 4% á sama tíma og landsmönnum fjölgaði um þriðjung. -
Framkvæmdasjóður ferðamannastaða Verkefni í Glerárdal og Hlíðarfjalli fá 46 milljónir
Tveir styrkir komu í hlut Akureyrarbæjar við úthlutun úr Framkvæmdasjóði ferðamanna, samtals um 46 milljónir króna. -
GeoSilica hefur framleiðslu á Þeistareykjum
GeoSilica færir út kvíarnar og hefur starfsemi í nýju húsi á fjölnýtingarlóð Landsvirkjunar á Þeistareykjum komandi haust. Fyrirtækið hefur samið við Landsvirkjun um leigu á húsinu, afhendingu auðlindastrauma á Þeistareykjum og samstarf til næstu áraSamstarfið markar upphaf fjölnýtingar á Þeistareykjum til framtíðar. -
Bjargvættir framtíðarinnar á Húsavík
Unglingadeild Björgunarsveitarinnar Garðars er afar öflug -
Rausnarleg gjöf frá nemendum Síðuskóla til barnadeildar SAk
Barnadeild Sjúkrahússins á Akureyri fékk á dögunum einstaka gjöf þegar nemendur í 5., 6. og 7. bekk Síðuskóla ákváðu að leggja 550.000 krónur inn á styrktarreikning deildarinnar. Upphæðin safnaðist með sölu á handverki og veitingum sem nemendur stóðu fyrir á Barnamenningarhátíð í apríl.
