Heldur færri komu til Fjölskyldu- hjálparinnar en vant er
Gerður segir að skýringar á því að færri leituðu til Fjölskylduhjálparinnar nú en áður geti verið nokkrar, fólk hafi meira fé handa á milli í byrjun mánaðarins, viðmiðunarmörk fjárhagsaðstoðar hafi hækkað og æ fleiri nýti sér ýmiskonar greiðsluaðlögun sem í boði er. „Auðvitað vonar maður að það sé eitthvað að rofa til," segir hún. Fjölskylduhjálpin úthlutaði matvælum á Akureyri í tíunda sinn á miðvikudag og segir Gerður að vel hafi gengið fram til þessa, fjölmargir séu reiðubúnir að rétta hjálparhönd með framlögum og allir sem taki þátt starfi í sjálfboðavinnu. „Við höfum fengið stórar og góðar gjafir frá fyrirtækjum í bænum og það er alveg ljóst að fólk vill gefa af sér á þessum tímum," segir hún.
Gerður telur nauðsynlegt að þeir aðilar á Akureyri sem sinni aðstoð við þá sem á þurfi að halda ræði málin, en þar á meðal eru Fjölskylduhjálpin, Mæðrastyrksnefnd, Hjálparstarf kirkjunnar, Rauði krossinn og Hjálpræðisherinn. „Fulltrúar þessara aðila þurfa að tala saman, það á að mínu mati ekki að vera þörf á fjölda starfandi hjálparsamtaka í 20 þúsund manna bæjarfélagi. Það er líka brýnt að beina kröftunum á fleiri staði, það eru hópar sem verða algjörlega útundan," segir Gerður og nefnir m.a. unga fíkla í því sambandi.
Nýjast
-
Glæsileg A-álma tekin í notkun í Glerárskóla
Ný og endurbætt A-álma hefur verið tekin í notkun í Glerárskóla. Gestum bauðst að líta á þær heilmiklu breytingar sem gerðar hafa verið á álmunni, en húsnæðið hefur verið endurnýjað á þann hátt að miklar breytingar hafa verið gerðar á vinnuumhverfi nemenda og starfsfólks. -
Fiskur frá smábátum dregur úr afköstum landvinnslunnar og bónusar starfsfólks lækka
Afköst í fiskvinnsluhúsum Samherja dragast verulega saman þegar keyptur er afli af strandveiðibátum til vinnslu. Starfsmaður sem hefur unnið í tæpa fimm áratugi hjá Útgerðarfélagi Akureyringa segir sláandi mun á gæðum hráefnis frá smábátum og togurum sem veiða á djúpslóð. Bónusar fiskvinnslufólks lækka þegar unninn er afli frá smábátum því mun tímafrekara er að verka fiskinn. -
Af slúbbertum og svörtum sauðum
Vísir birti nýlega frétt um nýútkomna skýrslu Viðskiptaráðs þar sem fjallað er um uppsagnarvernd opinberra starfsmanna. Sá sem fréttina ritar kýs að reyna að fá fleiri „smelli“ með því að leggja skýrsluhöfundi orð í munn eins og að kalla opinbera starfsmenn „slúbberta“. -
Félag eldri borgara á Akureyri sækir um lóðir við Þursaholt Hafnað því ekki er búið að ákveða hvernig á að úthluta lóðunum
Akureyrarbær hefur ekki tekið ákvörðun um hvernig lóðum við Þursaholt verður úthlutað. Umsókn Félags eldri borgara á Akureyri, EBAK sem sótti um lausar lóðir á svæðinu var því hafnað. -
Ofurþéttingarárátta samtímans
Skipulagsráð Akureyrarbæjar hefur lagt til að bæjarstjórn samþykki tillögu að breytingu á aðalskipulagi 2018-2030. Í greinargerð segir að gert sé ráð fyrir að uppbygging hefjist fyrst á svokölluðum Tjaldsvæðisreit auk þess sem unnið verði að undirbúningi uppbyggingar til blandaðrar landnotkunar á Akureyrarvelli. -
Fyrsta beina flug sumarsins til Amsterdam
Í dag er fyrsta beina flug sumarsins til Amsterdam, en það er á vegum Verdi Travel og Transavia Flogið verður vikulega á fimmtudögum, til 14. ágúst n.k. -
Ríkið tekur – landsbyggðirnar fá minna
Hjálmar Bogi Hafliðason skrifar -
Þegar samfélagið þagnar
Benóný Valur jakobsson skrifar -
Fólk greiðir hundruð þúsunda í dvalarkostnað vegna heilbrigðisþjónustu
Aðalfundur Krabbameinsfélagsins skorar á heilbrigðisráðherra að endurskoða greiðsluþátttöku vegna sjúkradvalar innanlands og tryggja, til dæmis með greiðsluþaki, að kostnaður sjúklings og aðstandenda vegna nauðsynlegrar dvalar á sjúkrahóteli sligi ekki fólk af landsbyggðinni.