Grímseyingar hafa áhyggjur af ágangi aðkomumanna við fuglaveiðar
Sigurður Ingi Bjarnason formaður hverfisráðs sagði í samtali við Vikudag að Grímseyingar hefðu áhyggjur af þessu. "Okkur í hverfisráðinu fannst ástæða til að spyrjast fyrir um þetta, þar sem við höfum heyrt af því að menn vilji flykkjast hingað til að veiða fugl. Hér fjölgar fugli á sama tíma og honum fækkar víða annars staðar. Menn hafa verið að koma hingað bæði til skjóta og háfa fugl og okkar fyrirspurn snýst um það hvort við hér getum eitthvað stjórnað þessu. Okkur finnst sjálfsagt að geta sagt við þá sem hingað koma að hver og einn geti veitt t.d. 20 fugla en ekki að menn komi hingað til veiða fugl í hundraða eða jafnvel þúsunda vís. Við höfum verið að heyra það að fólk sem hingað hefur komið hafi verið að auglýsa það að það sé ekkert mál að fara út í Grímsey, þar sé nóg af fugli."
Sigurður segir að menn séu að skjóta fugl á vorin og háfa lunda á sumrin. Hann segir að ekki hafi borist svar við fyrirspurn ráðsins. "Ég vil ekki að menn fari að leggjast í það að koma hingað til Grímseyjar af því hér sé allt frjálst. Hér eru líka jarðir sem ríkið á, það er enginn sem hefur með þær að gera og menn vaða hér yfir eins og þeir eigi þetta allt saman. Það verður að vera einhver stjórn á þessu, því annars fer þetta í tóma vitleysu."
Sigurður sem er fæddur og uppalinn í Grímsey, hefur stundað bjargsig frá því hann var 14 ára gamall, eða í um 40 ár. "Maður sér stóran mun á því hvað svartfugl sérstaklega hefur aukist alveg gífurlega, einnig lundi og krían er í þvílíkum blóma hér, þótt hún sé á undanhaldi víða líkt og lundinn. Þegar ég var krakki var enginn lundi hér vestan á eyjunni en hann er nú kominn nánast hringinn, það er rétt hérna við höfnina sem hann verpir ekki. Lundinn verpir rétt sunnan við félagsheimilið og svo alveg hringinn. Maður sér það í líka við sig í björgunum hvað plássið sem hver lundi hefur verður alltaf minna og minna, vegna aukningar. En þeir sjá það ekki fuglafræðingarnir, þeir hafa engann áhuga á því að hér sé að aukast fugl. Þeir vilja bara tala um fækkun fugla," segir Sigurður.
Hverfisráð Grímseyjar bendir jafnframt á í fyrirspurn sinni að nóg sé af fugli í eyjunni enn sem komið er en að sjálfsögðu sé alltaf hætta á ofveiði þar eins og annarsstaðar. "Það er ekkert að því að menn komi hingað og veiði sér í matinn en það er heldur ekkert að því að selja veiðileyfi, líkt og gert er með rjúpuna," segir Sigurður.
Nýjast
-
Sundlaug Akureyrar lokuð 18.-22. maí – opið lengur í Glerárlaug 18. maí
Sundlaug Akureyrar verður lokuð dagana 18.-22. maí eða frá sunnudegi til fimmtudags í næstu viku. -
Byggingaréttur á lóðum á Torfunefsbryggju boðin út í maí
Byggingaréttur á tveimur lóðum við Torfunefsbryggju þar sem eru til staðar fimm byggingareitir verður boðin út nú síðar í maí. -
Sumarið er komið!
Þetta dásamlega veður sem landsmenn njóta er gleðiefni og er þá vægt tekið til orða, á heimasíðu Þingeyjarsveitar er þessari blíðu fagnað. -
Skýr og lausnamiðuð afstaða Framsóknar til veiðigjalda
Framsókn hefur tekið skýra og málefnalega afstöðu í umræðunni um veiðigjöld. Við styðjum heilshugar réttmæta kröfu samfélagsins um að sameiginleg sjávarauðlind þjóðarinnar skili arði sem gagnast samfélaginu öllu. Hins vegar skiptir máli hvernig það er gert. Óvönduð skattheimta getur skaðað atvinnulíf, dregið úr nýsköpun og veikt byggðir sem byggja afkomu sína á sjávarútvegi. -
Farsæld í brennidepli – öll eru velkomin! Sjónaukinn 2025
Í heimi þar sem hraði breytinga og flókin samfélagsmál eru daglegt brauð, skiptir máli að staldra við og beina sjónum að því sem skiptir mestu máli: farsæld fólks. Ráðstefnan Sjónaukinn 2025, sem haldin verður við Háskólann á Akureyri dagana 19. og 20. maí, leitast við að varpa ljósi á fjölbreyttar leiðir til að efla samfélagslega velferð og vellíðan. Undirtónn ráðstefnunnar er skýr: Við höfum öll hlutverki að gegna – og með samvinnu getum við skapað samfélag þar sem enginn er skilinn eftir. -
Vel heppnaður Súpufundur atvinnulífsins haldinn á Múlabergi
Í hádeginu í gær fór fram vel heppnaður Súpufundur atvinnulífsins á Múlabergi, Hótel KEA, þar sem stjórnendur um fimmtíu fyrirtækja og stofnana komu saman til að ræða framtíð atvinnulífsins á svæðinu. -
Ársfundur HSN Jákvæð þróun þrátt fyrir áskoranir í rekstri
Ársfundur Heilbrigðisstofnunar Norðurlands (HSN) fór fram í Hofi á Akureyri þriðjudaginn 13. maí 2025. Þar voru kynntar niðurstöður fyrir rekstrarárið 2024. Þrátt fyrir áskoranir í rekstri varð þó mjög jákvæð þróun í starfsemi, þjónustu og mannauðsmálum sem gefur tilefni til bjartsýni fram veginn. -
Auðlindirnar í þjóðareign.
Margir biðu spenntir eftir því að Alþingi tæki til starfa eftir páskafrí þingmanna og ég var þeirra á meðal. Á dagskrá þingsins voru hugmyndir um að hækka talsvert skatta sem lagðir eru á sjávarútveginn umfram aðra atvinnuvegi. Mér fannst þetta áhugaverð hugmynd og hlakkaði til að hlusta á upplýsandi umræðu um auðlindir og auðlindanýtingu. Ég kom mér því notalega fyrir við sjónvarpsskjáinn áður en Silfrið byrjaði í sjónvarpi Ríkisútvarpsins fyrsta mánudag eftir frí þingmanna. -
Fimm tilboð í göngubrú
Fimm tilboð bárust í byggingu á nýrri steinsteyptri göngubrú í götustæði Borgarbrautar, auk stígagerðar að aðliggjandi stígum, uppsetningu á grjótkörfum, stoðveggjum og uppsetningu á lýsingu.