Góð heilbrigðisþjónusta óháð búsetu
Björt Ólafsdóttir
Í fámennu og dreifðbýlu landi eins og Íslandi getur oft reynst erfitt að manna stöður sérfræðinga í heilbrigðisþjónustu og á það ekki síst við á landsbyggðinni. Þá hefur stefnan verið sú að byggja upp aðstöðu og þekkingu á höfuðborgarsvæðinu þar sem jú flestir búa. Þetta hefur m.a. valdið því að aðgengi að sérhæfðri heilbrigðisþjónustu á landsbyggðinni er mjög skert. Fjarheilbrigðisþjónusta er því mikilvægt landsbyggðamál þar sem hún eykur aðgengi að þjónustunni og dregur úr kostnaði vegna ferðalaga.
Nú í vor samþykkti Alþingi þingsályktun Bjartrar framtíðar um fjarheilbrigðisþjónustu. Þetta þýðir að heilbrigðisráðherra skal leggja fram aðgerðaráætlun sem snýst um að efla fjarheilbrigðisþjónustu þannig að landsmönnum öllum bjóðist fjölbreytt, skilvirk og örugg heilbrigðisþjónusta. En hvernig er þessi þjónusta skilgreind? Fjarheilbrigðisþjónusta (e. telehealth) er ýmis þjónusta sem veitt er með fjarskiptum og rafrænum hætti. Dæmi um einfalda útgáfu væri ráðgjöf heilbrigðisstarfsmanna í gegnum síma og dæmi um flókna fjarheilbrigðisþjónustu er skurðaðgerð með hjálp vélmenna sem stýrt er af sérfræðingum sem staddir eru hver í sínum heimshlutanum. Tæknina má einnig nota í heimahjúkrun þar sem einstaklingi er veitt aðstoð varðandi lyf, aðstoð við sárameðferð eða aðra meðferð eftir aðgerðir á sjúkrahúsi.
Fjarskiptatækni hefur fram til þessa að einhverju leyti verið nýtt í geðlækningum hér á landi en það frumkvæði hefur að mestu verið einstakra sérfræðinga. Hins vegar er ljóst að hægt er að nýta tæknina mun betur til þess að mæta þörfum fólks til sálar- og geðlækninga. Það er því full ástæða til að ætla að hér á landi geti fjarheilbrigðisþjónusta verið mjög ákjósanlegur kostur til að efla þjónustuna sem fyrir er, bæði á vettvangi heilsugæslu og sjúkrahúsa og veita fólki fræðslu og sérhæfða ráðgjöf og leiðsögn óháð búsetu. Nú þegar hefur fjarheilbrigðisþjónusta verið stunduð með góðum árangri á Kirkjubæjarklaustri.
Það sem einna helst gæti staðið í vegi fyrir öflugri fjarheilbrigðisþjónustu er skortur á góðum fjarskiptum víða á landsbyggðinni en unnið er að því að bæta þar úr og er samstaða um það mál þvert á flokka enda flestum ljóst að góð nettenging og fjarskipti eru forsenda þess að byggð þrífist um allt land.
Við fögnum því að hafa náð þessu mikilvæga máli í gegn á Alþingi og treystum því að heilbrigðisráðherra fylgi því fast eftir.
-Björt Ólafsdóttir og Brynhildur Pétursdóttir þingkonur í Bjartri framtíð
Nýjast
-
Einstök upplifun í Grobbholti
-Sauðfjárbúið á Húsavík sem dregur að sér hundruði gesta á hverju vori -
Gamla verslunin í Vaglaskógi jöfnuð við jörðu
„Það eiga margir góðar minningar um þessa verslun,“ segir Helen Jónsdóttir en gamla góða búðin í Vaglaskógi var jöfnuð við jörðu nýverið. Allt var tekið nema hellan fékk að vera og væntir Helen þess að eitthvað verði gert á staðnum. „Vonandi verður settur upp fallegur áningarstaður þarna, með borðum og bekkjum og jafnvel skilti sem greinir frá sögu verslunarinnar.“ -
Hamrastígur og Kirkjugarðsstígur Finnur ehf bauð lægst í stígagerðina
Gengið verður til samninga við lægstbjóðenda, Finn ehf í gerð tveggja stíga á Akureyri, Hamrastígs og Kirkjugarðsstígs, en fyrirtækið átti lægsta boð í bæði verkin. -
Alþjóðaflugvöllur á Akureyri verði byggður upp
Sveitarfélögin á Norðurlandi vestra og Norðurlandi eystra skora á ríkisstjórn Íslands og Alþingi að koma rekstri, uppbyggingu og markaðssetningu Akureyrarflugvallar fyrir hjá sérstakri stjórn eða félagi, sem hefur það að markmiði að alþjóðaflugvöllurinn sé byggður upp og kynntur sem ein af gáttum Íslands -
Grafalvarleg staða í rekstri PCC Bakka rædd í atvinnuveganefnd Alþingis.
Atvinnuveganefnd Alþingis hefur verið upplýst um grafalvarlega stöðu í rekstri PCC Bakka við Húsavík, þar sem stefnt gæti í rekstrarstöðvun undir lok sumars ef ekki tekst að snúa vörn í sókn. -
Listasafnið á Akureyri Nýjar sýningar opnaðar
Sýningar Heimis Hlöðverssonar, Samlífi, og Þóru Sigurðardóttur,Tími – Rými – Efni, verða opnaðar í Listasafninu á Akureyri á laugardag 17. maí kl. 15. Á opnunardegi verður leiðsögn með Heimi kl. 15.45. -
Orkey fyrst á Íslandi með sjálfbærni- vottaða framleiðslu á lífeldsneyti
Orkey hefur fengið alþjóðlega kolefnis- og sjálfbærnivottun, ISCC EU, á lífdísilframleiðslu sína á Akureyri fyrst fyrirtækja sem framleiða lífeldsneyti hérlendis. -
Heyrn er ekki munaður – hún er þátttaka
Það var ánægjulegt að sækja fund hjá Félagi eldri borgara á Akureyri (EBAK) síðastliðinn föstudag. Rétt rúmlega hundrað manns mættu – áhugasamir, upplýstir og málefnalegir. Þar skapaðist gott samtal um þau mál sem brenna mest á eldra fólki í dag. Ábendingar komu víða að og spurningarnar voru margar og skýrar. Það var sérstaklega áberandi að umræðan snerist ítrekað að sömu kjarnamálunum: skerðingum, lífeyrissjóðum en einnig að heilbrigðisþjónustu. -
Sundlaug Akureyrar lokuð 18.-22. maí – opið lengur í Glerárlaug 18. maí
Sundlaug Akureyrar verður lokuð dagana 18.-22. maí eða frá sunnudegi til fimmtudags í næstu viku.