Gerum skattkerfið að raunverulegu jöfnunartæki
Ein helsta krafa verkalýðshreyfingarinnar á hendur ríkinu í tengslum við kjaraviðræðurnar, sem nú standa yfir, er að breyta skattkerfinu, enda sýna útreikningar Alþýðusambands Íslands að skattbyrði launafólks hefur á undanförnum árum aukist og bitnað harðast á tekjulægri hópum samfélagsins. Ástæðan er þróun skattkerfisins og „veikingar svokallaðra tilfærslukerfa“, það er að segja tekjutengdar bætur almannatryggingakerfisins og húsnæðisbætur.
Það er óumdeilt að skattkerfinu er ætlað að gegna lykilhlutverki í að draga úr ójöfnuði, krafan er þess vegna sjálfsögð og eðlileg.
Tillögur verkalýðshreyfingarinnar miðast við að tekið verði upp þrepaskipt skattkerfi með fjórum skattþrepum, fjórða þrepið yrðu hátekjuþrep. Krafan er að skattleysismörkin verði hækkuð og fylgi launaþróun, þannig að breytingarnar auki ráðstöfunartekjur þeirra sem eru með undir 500 þúsund krónum í laun á mánuði.
Miðað við þessar tillögur verður skattbyrðin á efri millitekjur óbreytt en eykst hins vegar hjá þeim tekjuhæstu.
Tillögurnar þýða í raun að breytingar á skattkerfinu hefðu jákvæð áhrif eða hlutlaus á 95% einstaklinga á vinnumarkaði. Skattbyrðin ykist hjá 5% einstaklinganna, þ.e.a.s. hjá þeim sem yrðu í hátekjuþrepinu.
Með þessum tillögum er tekjuskattskerfið gert að raunverulegu jöfnunartæki.
Tillögurnar
Eins og fyrr segir munu skattatillögur verkalýðshreyfingarinnar bæta stöðu 95% launafólks. Lítum fyrst á tillögurnar varðandi jöfnunarhlutverk tekjuskattskerfisins:
- Með fjölgun þrepa verður hægt að hækka skattleysismörk og draga úr jaðarsköttum hinna tekjulægri.
- Hátekjuþrep væri miðað við 5% tekjuhæstu (Yfir 1,1 milljón á mánuði).
- Breytingarnar myndu auka ráðstöfunartekjur mest hjá einstaklingum sem hafa laun undir 500 þúsund á mánuði og halda skattbyrði óbreyttri á efri millitekjur.
Verkalýðshreyfingin vill að barnabótakerfið verði eflt til muna, þannig að það styðji við meginþorra barnafjölskyldna en ekki aðeins allra tekjulægstu eins og staðan er í dag. Vaxta- og barnabótakerfin hafa verið veikt mikið á undanförnum árum, sem hefur eðlilega bitnað harðast á þeim tekjulægstu.
- Dregið verði verulega úr tekjuskerðingum og tekjuskerðingamörk fylgi launaþróun.
- Stuðningur nýtist fleirum en hinum allra tekjulægstu t.d. glíma ungar barnafjölskyldur í auknum mæli við mikinn kostnað við daggæslu, leiksskólagjöld og frístundir.
Verkalýðshreyfingin vill sömuleiðis að húsnæðisstuðningskerfin verði endurreist, enda hefur stuðningur hins opinbera rýrnað mjög á undanförnum árum. Fasteigna- og leiguverð hefur sömuleiðis hækkað gríðarlega með þeim afleiðingum að almennt launafólk stendur vart undir kostnaðinum. Þessi staða eykur á ójöfnuðinn í þjóðfélaginu.
Boltinn er hjá stjórnvöldum
Gallup hefur á undanförnum árum gert launakannanir fyrir Einingu-Iðju, þar sem félagsmenn eru spurðir um ýmsa þætti kjaramála. Í lok nýliðins árs var slík könnun gerð og meðal annars spurt hvort launamunur milli fólks hafi almennt aukist eða minnkað á síðustu fimm árum á Íslandi. Niðurstaðan var afgerandi, 80,1% svöruðu því til að launamunur hafi aukist á þessum árum. Niðurstaðan er afdráttarlaus, rétt eins og verkalýðshreyfingin hefur bent á í gegnum tíðina.
Segja má að boltinn sé nú hjá stjórnvöldum. Krafan hreyfingarinnar er skýr, taka verður upp sanngjarnt skattkerfi sem stuðlar að jöfnuði.
Síðustu árin hafa leikið láglauna- og millitekjufólk grátt og misrétti hefur aukist til mikilla muna. Við slíkt er ekki hægt að una lengur.
Gerum tekjuskattskerfið að raunverulegu jöfnunartæki.
-Björn Snæbjörnsson, formaður Einingar-Iðju og Starfsgreinasambands Íslands
Nýjast
-
Mikil aukning á hótunum og beitingu á ofbeldi gagnvart lögreglu á Norðurlandi eystra.
,,Það er ljóst að það að hér er um grafalvarlega stöðu að ræða. Svar dómsmálaráðherra við fyrirspurninni sýnir okkur að þróunin á starfssvæði lögreglustjórans á Norðurlandi eystra er með þeim hætti að það er nauðsynlegt að bregðast við. Það er mikilvægt að greina þessa stöðu. Hver er ástæðan fyrir þessari miklu fjölgun á brotum gegn lögreglumönnum og opinberum starfsmönnum á þessu landsvæði það er Norðurlandi eystra“ segir Njáll Trausti Friðbertsson þingmaður og oddviti Sjálfstæðisflokksins í Norðausturkjördæmi. -
Boðskapur frá forsetaframbjóðanda
Það hafa kannski margir klórað sér í hausnum yfir þátttöku minni í forsetakosningunum þar sem ég stíg nú eins og landkönnuður á nýjum slóðum og tek með mér ný og fersk sjónarhorn, smá húmor og djúpstæða trú á mátt hins ómögulega. Ég er eflaust ekki hinn hefðbundni frambjóðandi en ég er án efa ferskur blær inn í flokk frambjóðenda og það er einmitt það sem gerir þetta stóra verkefni svo skemmtilegt og hvetjandi. -
Líf að færast í Holtahverfi
Líf er að færast í nýtt Holtahverfi norður, svæði á milli Krossanesbrautar og smábátahafnar í Sandgerðisbót. Húsin rísa hvert á fætur öðru og fyrstu íbúarnir hafa komið sér fyrir í nýjum íbúðum. Enn er eitthvað eftir af lóðum og er Akureyrarbær um þessar mundir að auglýsa par- og raðhúsalóðir lausar til úthlutunar, en m.a. eru nokkrar lóðir lausar við Álfaholt, Hulduholt og Þursaholt. -
Frú Ragnheiður - Færri í nálaskiptaþjónustu en fleiri komu í bílinn
Fjöldi einstaklinga sem leitaði til Frú Ragnheiðar árið 2023 var 51 í 584 heimsóknum en árið 2022 voru einstaklingarnir 46 í 412 heimsóknum. Af þessum fjölda voru 10 viðbragðsaðilar og einstaklingar sem leituðu til verkefnisins til að fá Nyxoid nefúðann. Ekki er því um fjölgun skjólstæðinga í nálaskiptaþjónustu að ræða en þeim fækkaði um fimm milli ára, úr 46 í 41. -
Götuhornið - Gamlingi á villigötum
Mig hefur lengi langað til að senda bréf til Götuhornsins. Mér hefur legið ýmislegt á hjarta og fannst það eiga fullt erindi til lesenda. Þetta hefur þó ekki getað orðið fyrr en nú vegna vandræða sem ég lenti í og þurfti að greiða úr. -
Fyrsta alþjóðlega hótelið á landsbyggðinni mun opna á Akureyri árið 2025
Fyrirhugað er að fyrsta alþjóðlega hótelið á landsbyggðinni mun opna á Akureyri 2025 undir merkjum Curio Collection by Hilton. Framkvæmdin verður í samvinnu við Bohemian Hotels. „Bohemian Hotels ehf., í samstarfi við Hilton, tilkynnir með stolti undirritun tímamótasamnings um byggingu og rekstur tveggja hágæða hótela á Íslandi. Þessir samningar marka ákveðin tímamót í hótelgeiranum á Íslandi og færa Akureyri gistingu og þægindi á heimsmælikvarða til jafns við Reykjavík" segir i tilkynningu frá Bohemian Hotels. -
Kuldatíð seinkar vorverkum
Talsverðar líkur er á að kal verði í túnum í Svarfaðardal en sennilega sleppa önnur svæði í héraðinu betur þó ekki sé það fullvíst. Kuldatíð seinkar vorverkum bænda og gæti í versta falli orðið til þess að spretta fari seinna af stað en vanalega, snjór er yfir öllum túnum og því ekki hægt að bera á. -
Goblin opnar á Glerártorgi
„Eins leitt og okkur þykir að yfirgefa fallega miðbæinn okkar, erum við afar spennt fyrir þessum flutningum og hlökkum til að bjóða viðskiptavini okkar velkomna á Glerártorgi,“ segja þau Þorsteinn Marinósson og Ásta Hrönn sem eiga Goblin. Starfsemin hefur verið við Brekkugötu undanfarin ár en flyst nú í rýmra húsnæði á Glerártorgi. -
Lystigarðurinn - Kostar meira að pissa
Gjald fyrir afnot af salernisaðstöðu í Lystigarðinum á Akureyri hækkar 1. maí næstkomandi, út 150 krónum eins og áður var í 300 krónur. Gjaldið verður endurskoðað við gerð gjaldskrár Umhverfis- og mannvirkjaráðs Akureyrarbæjar árlega.
Athugasemdir