Fyrsti hópurinn sem lýkur Háskólabrú á Akureyri
Að loknu námi uppfylla nemendur inntökuskilyrði í háskóla hérlendis og erlendis og telst námið sambærilegt stúdentsprófi samkvæmt samningi Keilis, HÍ og menntamálaráðuneytisins. Markmiðið með náminu er að veita nemendum góðan undirbúning fyrir krefjandi háskólanám. Mikil áhugi hefur verið hjá fólki að ljúka framhaldsskólastiginu og hafa margir þátttakendur varðað sína leið í gegnum svokallaðar Menntastoðir sem er viðurkennd námsleið og veitir allt að 50 einingar inn á Háskólabrú. Námið er lánshæft hjá LÍN og SÍMEY mun bjóða aftur upp á þetta nám í haust. Enn er hægt að skrá sig á heimasíðu Keilis.
Raunfærnimat fyrir starfsmenn grunn- og leikskóla
Nú í vor fóru 29 þátttakendur í gegnum raunfærnimat á móti stuðningsfulltrúa-, leikskóla og skólaliðabrú. Alls luku þessir þátttakendur 336 einingum á framhaldsskólastigi til styttingar á brúarnámi. Þátttakendur komu af öllu Eyjafjarðarsvæðinu frá Ólafsfirði fram í Eyjafjarðarsveit, af hinum ýmsu leik- og grunnskólum og öðrum vinnustöðum. Raunfærnimat er viðurkennt matsferli sem hægt er að fara í gegnum ef viðkomandi hefur marktæka starfsreynslu að baki. Hugmyndafræðin felur það í sér að meta starfsreynslu í lífi og starfi til styttingar á námi. Einnig felur raunfærnimatið í sér mikla viðurkenningu á störfum fólks. Það er síðan alltaf val hvers og eins hvort hann heldur áfram í frekara nám. Reynslan af svona verkefnum er afar jákvæð og í henni er fólgin mikil hvatning til frekari uppbyggingar. Frekari upplýsingar um raunfærnimat veitir Símenntunarmiðstöð Eyjafjarðar.
Félagsliðar útskrifast
Þá útskrifaði SÍMEY 18 félagsliða en þetta er í fyrsta skipti sem SÍMEY kennir félagsliðabrú. Starfsvettvangur nemenda er fjölbreyttur, innan sambýla, heimaþjónustu, öldrunarheimila, skólakerfis o.s.frv. Viðfangsefnin eru afar fjölbreytt í náminu m.a. næringarfræði, fötlun, öldrun, sálfræði, heilbrigðisfræði. Áhersla er lögð á fjölbreytni í verkefnaskilum, námsmati og samvinnu nemenda. Félagsliðabrú er ætluð fólki sem vinnur við umönnun, t.d. á öldrunarheimilum, í heimaþjónustu, grunnskóla, eða við heimahlynningu. Þetta er fjögurra anna eininganám sem kennt er samkvæmt námsskrá menntamálaráðuneytisins. Námið er 32 einingar og eru kenndar 8 einingar á hverri önn.
Námið er fyrir einstaklinga sem eru orðnir 22ja ára og hafa þriggja ára starfsreynslu við umönnun. Umsækjendur þurfa að hafa lokið starfstengdum námskeiðum. Félagsliðanámið hefur fest sig í sessi og er viðurkennt á vinnumarkaði og eru félagsliðar eftirsótt starfsstétt. Mikil ánægja hefur verið með námið meðal nemenda og vinnuveitenda. Starfsnám af þessu tagi eflir einstaklinga í sínu starfsumhverfi í kröfuhörðum störfum, hækkar menntunarstig og bætir vinnustaðina. Ásókn hefur verið í námið og greinilega þörf á þessu námi hér á svæðinu, annar hópur mun ljúka náminu vorið 2012 og verið er að innrita í nýjan hóp sem mun hefja nám í ágúst næstkomandi.
Nýjast
-
Langþráður skeljasandur skilar sér til hafnar.
Skollans langri bið eftir skeljasandi lokið. 1250 tonnum landað í s.l. viku á Dalvík og Krossanesi og farmi ekið til 24 bænda til kölkunar við jarðvinnslu eða á tún. Auk þess fengu bændur í S-Þing. rúm 900 tonn og 340 tonn eru á leið til Reyðarfjarðar sem fer upp á Hérað. Mikilvægt er til að tryggja góð vaxtarskilyrði plantna með réttu sýrustigi jarðvegs þar sem ódýrasta leiðin er að nota skeljasand til kölkunar. -
Heitaloftsþurrkun fiskafurða á Laugum Starfsleyfi framlengt til 15. nóvember
Starfsleyfi Samherja fyrir heitaloftsþurrkun fiskafurða á Laugum í Reykjadal verður framlengt um 6 mánuði og gildir til 15. nóvember næstkomandi. Heilbrigðisnefnd Norðurlands hefur samþykkt framlengt starfsleyfi. -
Grófin fær styrk
Grófin Geðrækt á Akureyri hefur fengið styrk frá Rafiðnaðarsambandi Íslands upp á 500 þúsund krónur. -
Umgengni afleit og ásýnd verulegt lýti í umhverfinu
„Það er búið að ganga frá deiliskipulagi og framkvæmdaleyfi vegna geymslusvæðis liggur sömuleiðis fyrir. Því ætti ekkert að vera því að vanbúnaði hefja framkvæmdir við geymslusvæði og flytja þá hluti sem hafa varðveislugildi inn á svæðið í framhaldi af því,“ segir Leifur Þorkelsson framkvæmdastjóri Heilbrigðiseftirlits Norðurlands um ástand mála hjá fyrirtækinu Skútabergi á Moldhaugnahálsi. -
Átt þú heima í Giljahverfi? Hvað finnst þér um hverfið?
Akureyrarbær boðar til hverfisfundar í Giljaskóla með íbúum hverfisins, bæjarstjóra og bæjarfulltrúum kl. 17 fimmtudaginn 8. maí. Endilega takið daginn frá og látið í ljós skoðanir ykkar um hverfið. -
Kattafláning og kirkjuganga.
Það hendir mig stundum í hugsunarleysi að fara að hugsa um eitthvað sem dettur upp í hugann. Og þetta henti einmitt í dag. -
Að leggja grunninn að framtíðinni Upplifun úr nútímafræði
Í ár eru 20 ár síðan fyrsti árgangurinn útskrifaðist úr nútímafræði frá Háskólanum á Akureyri. Í tilefni þess var rætt við Ragnheiði Jónu Ingimarsdóttur sem var í þeim útskriftarárgangi. Hún sá tækifæri sem fólust í að vera hluti af fyrsta hópnum sem stundaði þetta áhugaverða nám. -
Fjölmörg verkefni fram undan að takast á við
„Það er mikið verk að vinna og fjölmörg verkefni fram undan sem takast þar á við,“ segir Björn Snæbjörnsson sem kjörinn var formaður Landssambands eldri borgara á landsfundi þess sem haldinn var í Reykjanesbæ. Helgi Pétursson lauk fjórða ári sínu í formannsstóli en formaður situr mest í fjögur ár. Björn var sá eini sem bauð sig fram og því sjálfkjörinn í embætti. -
Þakklátur fyrir heiðurinn og er mjög gíraður
„Ég er virkilega þakklátur fyrir þennan heiður og ætli ég orðið það ekki sem svo; mjög gíraður,“ segir Egill Logi Jónasson nýr bæjarlistamaður á Akureyri. Egill er framsækinn myndlistar- og tónlistarmaður segir í umsögn frá Akureyrarbæ, „sem hefur vakið athygli fyrir frumleg verk og ögrandi sýningar.“ Egill Logi gegnir lykilhlutverki í starfsemi Listagilsins og rekur m.a. tvær vinnustofur í húsnæði Kaktus, fyrir myndlist annars vegar og tónlist hins vegar. Hann hefur verið iðinn við að skapa vettvang fyrir unga og óháða listamenn, m.a. í gegnum tónlistarhátíðina Mysing.
