Fyrirtæki misnota orlofsrétt starfsmanna
Aðalsteinn Á. Baldursson, formaður Framsýnar.
Einhver brögð eru að því að atvinnurekendur þrýsti á starfsfólk sitt að taka sér orlof á meðan fyrirtæki eru lokuð yfir jól og áramót og losi sig þannig undan launagreiðslum.
Aðalsteinn Á. Bladursson, formaður Framsýnar staðfestir þetta í samtali við Vikudag. „Það sem við sjáum núna af því að hér á svæðinu eru orðin miklu meiri umsvif en verið hefur þá erum við að rekast á fyrirtæki sem fara þá leið að spara sér pening um jólin og stoppa þá,“ segir hann og bætir við: „Þarna eru aðilar sem hafa verið með vakta- og helgarvinnu þá eru menn að ýta að starfsmönnum að taka sér sumarorlof að hluta á þessum tíma. Þar með eru menn að losa sig undan greiðsluskyldunni og við þetta höfum við verið að gera athugasemdir og fengið okkar lögmenn til að skoða hvort þetta sé heimilt eða ekki“.
Aðalsteinn segir að það séu mál í byggingariðnaði sem hafa verið að rata inn á borð stéttarfélagsins.
Ekki heilmilt
Í svari frá lögmanni Framsýnar kemur skýrt fram að þetta sé óheimilt. Atvinnurekanda er heimilt að loka fyrirtæki sínu á meðan að starfsfólk er í orlofi en æskilegt sé að ákvörðun um slíka lokun liggi fyrir eigi síðar en 1. apríl ár hvert.
Samkvæmt orlofslögum skal veita orlof á tímabilinu 2. maí til 15. september. Meginreglan sé því sú að orlof skuli veitt að sumri til en samkvæmt 5. grein laganna ber atvinnurekanda að ákveða í samráði við starfsmenn hvenar orlof skuli veitt. Þegar orlofstaka hefur verið könnuð skal atvinnurekandi tilkynna um tilhögun orlofstöku svo fljótt sem auðið er, og eigi síðar en mánuði fyrir töku þess.
Ef atvinnurekandi hyggst af einhverjum orsökum flytja hluta orlofs yfir á vetrartímann verða að liggja fyrir því sérstök rök sem byggja á rekstrarástæðum fyrirtækisins. Telji atvinnurekandi að nauðsynlegt sé að loka fyrirtækki sínu yfir hátíðir ber honum að gera ráð fyrir því þegar við skipulagningu orlofs að vori þannig að starfsmenn geri sér grein fyrir því fyrirfram að orlof þeirra verði skipt í sumar og vetrarorlof. Undir engum kringumstæðum er atvinnurekanda heimilt að ákveða undir lok árs að fyrirtæki loki yfir hátíðir og starfsmenn hefji þá orlofstöku, sem þeir ella hefðu átt að taka á næsta sumri eftir lokunina.“
Álit lögmannsins má lesa í heild sinni með því að smella hér.
Nýjast
-
Alþjóðaflugvöllur á Akureyri verði byggður upp
Sveitarfélögin á Norðurlandi vestra og Norðurlandi eystra skora á ríkisstjórn Íslands og Alþingi að koma rekstri, uppbyggingu og markaðssetningu Akureyrarflugvallar fyrir hjá sérstakri stjórn eða félagi, sem hefur það að markmiði að alþjóðaflugvöllurinn sé byggður upp og kynntur sem ein af gáttum Íslands -
Grafalvarleg staða í rekstri PCC Bakka rædd í atvinnuveganefnd Alþingis.
Atvinnuveganefnd Alþingis hefur verið upplýst um grafalvarlega stöðu í rekstri PCC Bakka við Húsavík, þar sem stefnt gæti í rekstrarstöðvun undir lok sumars ef ekki tekst að snúa vörn í sókn. -
Listasafnið á Akureyri Nýjar sýningar opnaðar
Sýningar Heimis Hlöðverssonar, Samlífi, og Þóru Sigurðardóttur,Tími – Rými – Efni, verða opnaðar í Listasafninu á Akureyri á laugardag 17. maí kl. 15. Á opnunardegi verður leiðsögn með Heimi kl. 15.45. -
Orkey fyrst á Íslandi með sjálfbærni- vottaða framleiðslu á lífeldsneyti
Orkey hefur fengið alþjóðlega kolefnis- og sjálfbærnivottun, ISCC EU, á lífdísilframleiðslu sína á Akureyri fyrst fyrirtækja sem framleiða lífeldsneyti hérlendis. -
Heyrn er ekki munaður – hún er þátttaka
Það var ánægjulegt að sækja fund hjá Félagi eldri borgara á Akureyri (EBAK) síðastliðinn föstudag. Rétt rúmlega hundrað manns mættu – áhugasamir, upplýstir og málefnalegir. Þar skapaðist gott samtal um þau mál sem brenna mest á eldra fólki í dag. Ábendingar komu víða að og spurningarnar voru margar og skýrar. Það var sérstaklega áberandi að umræðan snerist ítrekað að sömu kjarnamálunum: skerðingum, lífeyrissjóðum en einnig að heilbrigðisþjónustu. -
Sundlaug Akureyrar lokuð 18.-22. maí – opið lengur í Glerárlaug 18. maí
Sundlaug Akureyrar verður lokuð dagana 18.-22. maí eða frá sunnudegi til fimmtudags í næstu viku. -
Byggingaréttur á lóðum á Torfunefsbryggju boðin út í maí
Byggingaréttur á tveimur lóðum við Torfunefsbryggju þar sem eru til staðar fimm byggingareitir verður boðin út nú síðar í maí. -
Sumarið er komið!
Þetta dásamlega veður sem landsmenn njóta er gleðiefni og er þá vægt tekið til orða, á heimasíðu Þingeyjarsveitar er þessari blíðu fagnað. -
Skýr og lausnamiðuð afstaða Framsóknar til veiðigjalda
Framsókn hefur tekið skýra og málefnalega afstöðu í umræðunni um veiðigjöld. Við styðjum heilshugar réttmæta kröfu samfélagsins um að sameiginleg sjávarauðlind þjóðarinnar skili arði sem gagnast samfélaginu öllu. Hins vegar skiptir máli hvernig það er gert. Óvönduð skattheimta getur skaðað atvinnulíf, dregið úr nýsköpun og veikt byggðir sem byggja afkomu sína á sjávarútvegi.