Framhaldsskólinn á Laugum án almenningssamgangna
Dagbjört Jónsdóttir, sveitarstjóri Þingeyjarsveitar.
SBA-Norðurleið hefur tekið við akstri Strætó, leið 79 Húsavík-Akureyri eftir útboð Vegagerðarinnar s.l. haust á óbreyttum leiðum. Þann 1. janúar hóf SBA akstur og í kjölfarið var leið 79 breytt. Nú ekur Strætó frá Húsavík til Akureyrar í gegnum Kaldakinn og þar með hafa tvær stoppistöðvar verið felldar út í Þingeyjarsveit, á Laugum og á Fosshóli.
Þessi breyting var gerð án þess að nokkurt samband eða samráð væri haft við sveitarstjórn Þingeyjarsveitar en hefur í för með sér umtalsverða skerðingu búsetugæða í stórum hluta sveitarfélagsins. Jafnframt gerir þessi breyting það að verkum að Framhaldsskólinn á Laugum er nú utan almenningssamgangnakerfis sem er þvert gegn þeirri stefnumörkun sem kynnt var þegar Vegagerðin tók yfir almenningssamgöngur á landsbyggðinni. Í lögum um samgönguáætlun er kemur fram að við gerð samgönguáætlunar skal m.a. byggja á þeim meginmarkmiðum að samgöngur séu greiðar, hagkvæmar, öruggar og umhverfislega sjálfbærar auk þess sem þær stuðli að jákvæðri byggðaþróun.
Á fundi sveitarstjórnar kom fram að sveitarstjóri Þingeyjarsveitar hefur sett sig í samband bæði við Vegagerðina og Strætó og óskað eftir upplýsingum og gögnum um með hvaða hætti og á hvaða forsendum þessi pólitíska ákvörðun var tekin. Engin gögn hafa borist þrátt fyrir fyrirheit þar um.
Sveitarstjórn felur því sveitarstjóra að koma á fundi, sem allra fyrst, með fulltrúum þessara stofnana. Jafnframt felur sveitarstjórn sveitarstjóra að óska eftir fundi með samgöngumálaráðherra. Þegar Vikublaðið hafði samband við Dagbjörtu Jónsdóttur á þriðjudag hafði enginn fundur átt sér stað við þessa aðila. Hún sagði jafnframt að þessi ákvörðun að fella út báðar stoppistöðvarnar í Þingeyjarsveit hefði mikil áhrif fyrir íbúa á svæðinu. „Bæði fyrir þá sem stunda vinnu á Akureyri sem og nemendur Framhaldsskólans á Laugum. Þessi ákvörðun er þvert gegn þeirri stefnumörkun sem kynnt var þegar Vegagerðin tók yfir almenningssamgöngurnar en áhersla var lögð á að tengja alla framhaldsskólana á svæðinu við leiðakerfi Strætó og nú er Framhaldsskólinn á Laugum eini skólinn sem er utan þess,“ segir Dagbjört.
Dagbjört segir jafnframt að um pólitíska ákvörðun sé að ræða. „Hún er tekin meðal embættismanna Vegagerðarinnar án nokkurs samráðs við okkur í Þingeyjarsveit, [við] fengum ekki einu sinni tilkynningu um þessa breytingu sem er óásættanlegt,“ segir hún og bætir við að eina svarið sem Vegagerðin hefur gefið sé að ákvörðunin sé tekin vegna hagræðingakröfu.
„Ég hef ekki enn fengið frekari útskýringar eins og tölulegar upplýsingar né önnur gögn sem mér er sagt að hafi verið lögð til grundvallar ákvarðanatökunni. Þetta er bara dæmi um illa ígrundaða ákvörðun þar sem ekki er horft til staðhátta líkt og hvar framhaldsskólar eru staðsettir á þessu svæði. Við höfum ákveðinn skilning á hagræðingarkröfu en almenningssamgöngur þjóna mikilvægu hlutverki og því þarf að horfa til samfélagslegra sjónarmiða við ákvarðanatöku en ekki eingöngu á tölur í exelskjali.,“ sagði Dagbjört á þriðjudag og bætti við að hún hafi ekki enn fundað með ráðherra samgöngumála.
Gunnar M. Guðmundsson, framkvæmdastjóri SBA sagðist í samtali við Vikublaðið ekki hafa fengið neina upplýsingar frá Vegagerðinni um að það kæmi til greina að endurskoða ákvörðun um að fella út stoppistöðvarnar tvær.
Nýjast
-
Götuhornið - Gamlingi á villigötum
Mig hefur lengi langað til að senda bréf til Götuhornsins. Mér hefur legið ýmislegt á hjarta og fannst það eiga fullt erindi til lesenda. Þetta hefur þó ekki getað orðið fyrr en nú vegna vandræða sem ég lenti í og þurfti að greiða úr. -
Fyrsta alþjóðlega hótelið á landsbyggðinni mun opna á Akureyri árið 2025
Fyrirhugað er að fyrsta alþjóðlega hótelið á landsbyggðinni mun opna á Akureyri 2025 undir merkjum Curio Collection by Hilton. Framkvæmdin verður í samvinnu við Bohemian Hotels. „Bohemian Hotels ehf., í samstarfi við Hilton, tilkynnir með stolti undirritun tímamótasamnings um byggingu og rekstur tveggja hágæða hótela á Íslandi. Þessir samningar marka ákveðin tímamót í hótelgeiranum á Íslandi og færa Akureyri gistingu og þægindi á heimsmælikvarða til jafns við Reykjavík" segir i tilkynningu frá Bohemian Hotels. -
Kuldatíð seinkar vorverkum
Talsverðar líkur er á að kal verði í túnum í Svarfaðardal en sennilega sleppa önnur svæði í héraðinu betur þó ekki sé það fullvíst. Kuldatíð seinkar vorverkum bænda og gæti í versta falli orðið til þess að spretta fari seinna af stað en vanalega, snjór er yfir öllum túnum og því ekki hægt að bera á. -
Goblin opnar á Glerártorgi
„Eins leitt og okkur þykir að yfirgefa fallega miðbæinn okkar, erum við afar spennt fyrir þessum flutningum og hlökkum til að bjóða viðskiptavini okkar velkomna á Glerártorgi,“ segja þau Þorsteinn Marinósson og Ásta Hrönn sem eiga Goblin. Starfsemin hefur verið við Brekkugötu undanfarin ár en flyst nú í rýmra húsnæði á Glerártorgi. -
Lystigarðurinn - Kostar meira að pissa
Gjald fyrir afnot af salernisaðstöðu í Lystigarðinum á Akureyri hækkar 1. maí næstkomandi, út 150 krónum eins og áður var í 300 krónur. Gjaldið verður endurskoðað við gerð gjaldskrár Umhverfis- og mannvirkjaráðs Akureyrarbæjar árlega. -
Bókakynning á Amtsbókasafninu á Akureyri á morgun.
Kristín Guðmundsdóttir höfundur bókarinnar Tólf lyklar verður með kynningu á bókinni á Amtsbókasafninu á morgun og hefst kynningin klukkan 15:30. Bókin er fyrir fólk af erlendum uppruna sem er búið með grunninn í íslensku. -
Barnamenningarhátíð á Akureyri
Barnamenningarhátíð á Akureyri er nú haldin í sjöunda sinn og hefur vaxið ár frá ári. Hátíðin teygir sig yfir allan aprílmánuð með það að markmiði að hvetja börn og fjölskyldur þeirra til að taka virkan þátt í menningarlífi bæjarins sér að kostnaðarlausu.Á dagskrá eru fleiri en 50 viðburðir af ýmsu tagi. -
Sigríður Örvarsdóttir nýr safnstjóri Listasafnsins
Sigríður Örvarsdóttir hefur verið ráðin nýr safnstjóri Listasafnsins á Akureyri. Sigríður er með MA gráðu í safnafræði frá Háskóla Íslands (2018), BA gráðu í textílhönnun frá Seminaret for Kunst og Haandværk í Danmörku (2001), ásamt meistaranámi í prjónahönnun frá Academie Royale des Beux-Arts (2014) og viðbótardiplómu í hagnýtri jafnréttisfræði frá Háskóla Íslands (2009). Auk þess er hún með kennsluréttindi í grunn- og framhaldsskóla (2001). Sigríður hefur starfað sem safnstjóri og forstöðumaður Menningarmiðstöðvar Þingeyinga frá árinu 2022 og veitir sem slík forstöðu Myndlistarsafni Þingeyinga en safneign þess telur um 1.900 verk. Í starfi sínu stýrir hún starfseminni og ber ábyrgð á öllum þáttum rekstrar, allri fjárhags- og verkefnaáætlanagerð, bókhaldi, mannauðsmálum, rekstri fasteigna og faglegu starfi sjö annarra safneigna og fjögurra sýningarstaða. Sigríður starfaði sem verkefnastjóri sýninga hjá Akureyrarbæ sumarið 2021. Í því starfi sinnti hún sýningagerð, rannsóknarvinnu og kynningarmálum. Árin 2019 til 2020 var hún sjálfstætt starfandi ráðgjafi við gerð safnastefnu Akureyrarbæjar. Hún gegndi starfi safnafulltrúa Listasafnsins á Akureyri árið 2012 og árin 2010 og 2012 starfaði hún sem verkefnastjóri samsýninga og ritstjóri safnahandbóka fyrir söfn á Norður- og Norðausturlandi. Árin 2008 til 2012 starfaði hún sem safnkennari við Minjasafnið á Akureyri. Sigríður hefur reynslu af kennslu í list- og hönnunargreinum á öllum skólastigum innan lands sem utan, m.a. hjá Listaháskóla Íslands og Marbella Design Academy á Spáni. Hún hefur tekið þátt í alheimsþingi ICOM, alþjóðaráðs safna og verið fulltrúi þess í Rannsóknarsetri í safnafræðum við Háskóla Íslands. Alls bárust 14 umsóknir um starfið. -
Virðist sem skorti pólitískan vilja
Stjórn og trúnaðarráð Framsýnar kom saman til fundar í gær. Mörg mikilvæg mál voru til umræðu á fundinum m.a. samgöngumál. Ákveðið var að hvetja Vegagerðina og stjórnvöld til að styðja við áætlunarflug um Húsavíkurflugvöll auk þess styðja betur við Loftbrúna sem skiptir íbúa á landsbyggðinni verulega miklu máli. Fjölga þarf ferðum sem menn geta nýtt sér á þessum sérstöku kjörum
Athugasemdir