Flugvallarútvarp tekið í notkun á Akureyrarflugvelli

Akureyrarflugvöllur. Innfelld mynd: Sigrún Björk Jakobsdóttir, framkvæmdastjóri Isavia Innanlandsflu…
Akureyrarflugvöllur. Innfelld mynd: Sigrún Björk Jakobsdóttir, framkvæmdastjóri Isavia Innanlandsflugvalla.

ATIS (Automatic Terminal Information Service) eða flugvallarútvarp hefur verið tekið í notkun á Akureyrarflugvelli (BIAR). Markmiðið er að auka þjónustu og öryggi flugs um flugvöllinn. ATIS kerfi eru nú þegar í notkun á Keflavíkur- og Reykjavíkurflugvelli. Þetta kemur fram í tilkynningu frá ISAVIA

Flugvélar sem eiga leið um BIAR flugvöll geta fengið upplýsingar um veður, ástand flugvallar og annað með því að hlusta á ATIS á tíðni 136.200 MHZ eða hringja í síma 424 4039 í stað þess að fá upplýsingarnar á tíðni turnsins.

„Þetta eykur enn frekar öryggi flugs á Akureyrarflugvelli,“ segir Sigrún Björk Jakobsdóttir, framkvæmdastjóri Isavia Innanlandsflugvalla. „Þessi breyting minnkar álagið á tíðni flugturns. Flugumferðarstjórar geta þá einbeitt sér enn frekar að annarri þjónustu eins og til dæmis því að beita aðskilnaði flugvéla þegar þær eru að koma inn á flugvöllinn eða taka á loft frá honum.“

Smellið gif

 


Nýjast