Fjörutíu ár frá því fyrsta magaspeglunin gerð var á FSA
Nick Cariglia t.v., Herdís Júlíusdóttir deildarstjóri og Guðjón Kristjánsson.
Í gær fimmtudag, voru tímamót á Sjúkrahúsinu á Akureyri, en þá voru liðin 40 ár frá því að fyrsta magaspeglunin var framkvæmd á spítalanum. Það var Gauti Arnþórsson, yfirlæknir á þeim tíma, sem framkvæmdi magaspeglunina þann 2. febrúar 1972. Í tilefni þessara tímamóta var opinn dagur á FSA í gærmorgun, með fyrirlestri og kynningu á speglunardeildinni, sem tók til starfa í nýjum húsakynnum árið 2007. Speglunardeildin var opin gestum og gangandi, þar sem m.a. gat að líta gömul tæki og tól, í bland við nýja tækni. Guðjón Kristjánsson yfirlæknir speglunardeiladar, kynnti sögu deildarinnar og Nick Cariglia forstöðulæknir Lyflækningadeildar, flutti fyrirlestur undir heitinu: Er hægt að framkvæma ERCP á landsbyggðinni? Hjúkrunarfræðingum og sjúkraliðum, sem unnu á deildinni á sínum tíma var boðið í heimsókn en sérstakir heiðursgestir á opna deginum voru hjónin Gauti Arnþórsson og Sólrún Sveinsdóttir, sem einnig starfaði við deildina. Nick forstöðulæknir, sem er frá New York í Bandaríkjunum, kom til starfa á Sjúkrahúsinu á Akureyri í ársbyrjun 1979, fyrir tilstilli Gauta og hann hefur starfað við deildina sl. 33 ár. Nick segir að árlega séu framkvæmdar um 1.500 speglanir á ári, maga- og ristilspeglanir og gall- og brisþræðingar. Að auki eru gerðar um 150 þvagblöðruspeglanir á ári. Nick segir að helsta breytingin á þessum áratugum, sé aukin og betri tækni. Við komu Nick, bættust við ristilspeglanir og ERCP en áður voru aðeins framkvæmdar magaspeglanir. Fyrsta ristilspeglunin var framkvæmd 20. maí 1980, með tæki sem gefið var af Lionsklúbbi Akureyrar. Fyrsta ERCP var framkvæmd 14. mars 1984. Lionessuklúbburinn Ösp á Akureyri gaf einnig ristilspeglunartæki á sínum tíma. Krabbamein í ristli og endaþarmi eru í dag orsök mikils heilsutjóns og eru þriðja algengasta dánarorsök af völdum krabbameina meðal Íslendinga.
Nýjast
-
Þá er vorið loksins komið
Já vorið er sú árstíð sem ég elska mest. Sennilega er það líka ljótasta árstíðin. Allt skítugt, grasið gulbrúnt, tré og runnar berir. En svo breytist allt á augabragði. Og daginn sem sólgulur fífill brosir við mér, feit hunangsfluga flýgur framhjá, eða kónguló spásserar yfir borðið sem ég sit við, þá hellist þessi barnslega gleði og tilhlökkun vegna sumars sem er í vændum yfir mig. En besta vormerkið er án efa að það birtir. -
Íshokkí í aldarfjórðung 25 ár frá stofnun kvennaliðs SA í íshokkí
„Þetta er ein hraðasta íþrótt í heimi. Ég hef lýst henni á þann veg að leikmaður er í 100 metra hlaupi á fullum hraða, gefi allt í sprettinn, með 10-15 kg aukalega á sér ásamt því að tveir menn hangi á honum. Það þarf að huga að kylfu og hvar pökkurinn er auk þess sem farið er um á örmjóu blaði. Íshokkí reynir mjög mikið á leikmenn, þeir þurfa að vera í góðu formi, sterkir og hafa gott jafnvægi,“ segir Jónína Margrét Guðbjartsdóttir. Hún var ein af þeim konum sem tók þátt í að stofna kvennalið Skautafélags Akureyrar fyrir 25 árum og er enn að, spilar með og þjálfar að auki U16 kvenna hjá félaginu -
Einstök upplifun í Grobbholti
-Sauðfjárbúið á Húsavík sem dregur að sér hundruði gesta á hverju vori -
Gamla verslunin í Vaglaskógi jöfnuð við jörðu
„Það eiga margir góðar minningar um þessa verslun,“ segir Helen Jónsdóttir en gamla góða búðin í Vaglaskógi var jöfnuð við jörðu nýverið. Allt var tekið nema hellan fékk að vera og væntir Helen þess að eitthvað verði gert á staðnum. „Vonandi verður settur upp fallegur áningarstaður þarna, með borðum og bekkjum og jafnvel skilti sem greinir frá sögu verslunarinnar.“ -
Hamrastígur og Kirkjugarðsstígur Finnur ehf bauð lægst í stígagerðina
Gengið verður til samninga við lægstbjóðenda, Finn ehf í gerð tveggja stíga á Akureyri, Hamrastígs og Kirkjugarðsstígs, en fyrirtækið átti lægsta boð í bæði verkin. -
Alþjóðaflugvöllur á Akureyri verði byggður upp
Sveitarfélögin á Norðurlandi vestra og Norðurlandi eystra skora á ríkisstjórn Íslands og Alþingi að koma rekstri, uppbyggingu og markaðssetningu Akureyrarflugvallar fyrir hjá sérstakri stjórn eða félagi, sem hefur það að markmiði að alþjóðaflugvöllurinn sé byggður upp og kynntur sem ein af gáttum Íslands -
Grafalvarleg staða í rekstri PCC Bakka rædd í atvinnuveganefnd Alþingis.
Atvinnuveganefnd Alþingis hefur verið upplýst um grafalvarlega stöðu í rekstri PCC Bakka við Húsavík, þar sem stefnt gæti í rekstrarstöðvun undir lok sumars ef ekki tekst að snúa vörn í sókn. -
Listasafnið á Akureyri Nýjar sýningar opnaðar
Sýningar Heimis Hlöðverssonar, Samlífi, og Þóru Sigurðardóttur,Tími – Rými – Efni, verða opnaðar í Listasafninu á Akureyri á laugardag 17. maí kl. 15. Á opnunardegi verður leiðsögn með Heimi kl. 15.45. -
Orkey fyrst á Íslandi með sjálfbærni- vottaða framleiðslu á lífeldsneyti
Orkey hefur fengið alþjóðlega kolefnis- og sjálfbærnivottun, ISCC EU, á lífdísilframleiðslu sína á Akureyri fyrst fyrirtækja sem framleiða lífeldsneyti hérlendis.