Fjórðungur frestar læknisheimsókn af fjárhagsástæðum
Góð og öflug heilbrigðisþjónusta er einn af hornsteinum velferðarsamfélags, um það er ekki deilt. Við viljum að allir njóti traustrar heilbrigðisþjónustu, óháð efnahag, búsetu og aldri. Engu að síður er staðan sú að kostnaður fólks vegna heilbrigðisþjónustu og lyfja er oft á tíðum mjög íþyngjandi, jafnvel óyfirstíganlegur.
Eining-Iðja lætur Gallup gera viðamikla könnun á hverju ári meðal félagsmanna sinna, markmiðið er meðal annars að kanna kjör og viðhorf þeirra til ýmissa þátta.
Sláandi tölur
Í nýjustu könnun Gallup voru svarendur rúmlega 700 félagsmenn, nokkuð jöfn skipting á milli kynja, könnunin var gerð í nóvember á þessu ári. Þessi fjöldi gefur því nokkuð glögga mynd.
Þegar spurt var um heilbrigðismál, kemur í ljós að tæplega 40% sögðust hafa frestað því eða hætt við að fara til tannlæknis á síðustu 12 mánuðum af fjárhagsástæðum. Þetta er meira en þriðjungur.
23% þeirra sem tóku þátt í könnuninni sögðust hafa frestað því að fara til læknis af sömu ástæðum. Sem sagt rétt um fjórðungur.
Og þegar spurt var um lyfjakaup, sögðust 14,5% hafa frestað kaupum á lyfjum.
Þetta eru sláandi tölur, sem byggðar eru á svörum félaga í Einingu-Iðju.
Við þetta bætist að rétt um fjórðungur svarenda sögðu að útgjöld til heilbrigðisþjónustu, tannlæknaþjónustu eða lyfjakaupa hefðu aukist á þessu 12 mánaða tímabili.
Stefnan er skýr
Í kjaraviðræðunum sem nú standa yfir, leggja launþegasamtökin ríka áherslu á góða og öfluga heilbrigðisþjónustu. Á 43. þingi Alþýðusambands Íslands var samþykkt ítarleg stefna um heilbrigðisþjónustu. Í stefnunni er undirstrikað að efla verði grunnstoðir opinbera heilbrigðiskerfisins og tryggja að allir hafi aðgang að öflugri heilsugæslu í heimabyggð og nauðsynlegum lyfjum. Verkefni verkalýðshreyfingarinnar eru skýr og fastmótuð í þessum efnum.
Nokkur mikilvæg áhersluatriði:
- Efla grunnstoðir opinbera heilbrigðiskerfisins og tryggja að íbúar hafi aðgang að öflugri heilsugæslu í heimabyggð.
- Tryggja öllum landsmönnum aðgengi að sérhæfðri heilbrigðisþjónustu.
- og sett skýr mörk á milli opinberrar og einkarekinnar heilbrigðisþjónustu.
- Draga úr kostnaðarþátttöku sjúklinga fyrir hverskonar heilbrigðisþjónustu og lyf.
- Leggja sérstaka áherslu á aukið aðgengi og lækkun á kostnaði vegna sálfræði- og geðheilbrigðisþjónustu m.a. með því að efla þjónustuna innan heilsugæslunnar.
- Efla upplýsingagjöf og félagslega ráðgjöf.
- Stórefla vinnuvernd og forvarnir á vinnustöðum, koma í veg fyrir brottfall af vinnumarkaði, styðja við starfsendurhæfingu og endurkomu til vinnu eftir veikindi eða slys.
Sjálfsagður réttur
Landsmönnum hefur fjölgað en opinber framlög til heilbrigðisþjónustu hafa ekki fylgt þeirri þróun. Heilbrigðiskerfið hefur á mörgum sviðum verið fjársvelt og undirmannað. Við þekkjum öll umræðuna um biðlista, svo dæmi sé tekið. Víða um land hefur verið dregið úr þjónustu og sjúklingar þurfa að ferðast um langan veg með tilheyrandi kostnaði og tekjutapi.
Afleiðingin er að fólk neyðist til að neita sér um nauðsynlega heilbrigðisþjónustu og frestar því að fara til læknis, eins og könnun Gallup sýnir glögglega.
Á hátíðarstundum kennum við Ísland við velferðarríki. Í slíku velferðarríki hlýtur að þykja sjálfsagt að allir þegnar landsins njóti jafns aðgangs að öflugri heilbrigðisþjónustu án tillits til búsetu eða efnahags.
Því miður er það ekki þannig í dag. Tölurnar tala sínu máli.
-Höfundur eru formaður Einingar-Iðju og Starfsgreinasambands Íslands.
Nýjast
-
,,Dáleiðsla frábær leið til að vinna úr áföllum"
„Ég hef alltaf haft áhuga á andlegum málum, trúað á eitthvað meira en vísindin og bæði fundið, séð og heyrt í gegnum ævina. Það er samt ekki fyrr en núna undanfarna mánuði sem þetta er að banka meira á dyrnar hjá mér enda hefur þetta verið töluvert feimnismál og nóg af fordómum bæði í kringum mig og hið innra með sjálfri mér. Þetta finnst mér þó vera að breytast eða kannski er það bara það að ég er farin að umgangast fleira fólk sem er á þessari sömu línu,“ segir Hulda Ólafsdóttir sem ásamt fleirum stendur fyrir Dáleiðsludeginum í Hofi á Akureyri næstkomandi laugardag, 11. maí frá kl. 13 til 17. -
Nöfn fólksins sem létust í umferðarslysi í Eyjafirði
Fólkið sem lést í umferðarslysinu á Eyjafjarðarbraut eystri skammt norðan við Laugaland þann 24. apríl hét Einar Viggó Viggósson, fæddur 1995, og Eva Björg Halldórsdóttir, fædd 2001. Þau voru búsett á Akureyri. -
Vegagerðin setur upp sterkara vegrið ofan við Þelamerkurskóla
Vegagerðin stefnir að því að skipta út núverandi vegriði ofan við Þelamerkurskóla fyrir sterkara vegrið með öryggisendum að sögn Rúnu Ásmundsdóttur deildarstjóra hjá Vegagerðinni á Akureyri. Öryggisendar eru eftirgefanlegar einingar sem settar eru á enda vegriða í stað þess að leiða þau ofan í jörð -
Niðurstaða hönnunarútboðs vegna stækkunar á SAk
Nýr Landspítali (NLSH) hefur birt niðurstöðu í hönnunarútboði I2081 vegna nýs húsnæðis fyrir legudeild Sjúkrahússins á Akureyri (SAk). Hanna á nýbyggingu fyrir legudeildir í skurð- og lyflækningadeild og dag-, göngu- og legudeild fyrir geðdeild við núverandi húsnæði Sak. Gert er ráð fyrir að um 9.200 m2 nýbygging verði staðsett sunnan við núverandi byggingar og tengd eldra húsnæði. -
Þrír dæmigerðir dagar skemmtiferðaskipafarþega í júlí
Sú jákvæða þróun hefur átt sér stað undanfarin misseri að fjölgun hefur orðið á ferðum skemmtiferðaskipa hingað til lands. Frá sjónarhóli efnahagslífs, mannlífs og náttúru þetta afar jákvæð þróun, þá ekki aðeins vegna þess að skipin bæta mikilvægri gátt við samgönguleiðir til Íslands, heldur einnig vegna þess að engum hluta ferðaþjónustu er eins vel stýrt m.t.t. álags á innviði, náttúru og menningu. -
Hraðamælingar og þau nelgdu.
Lögreglan á Norðurlandi eystra hvetur þá sem ökumenn sem eiga það eftir, að huga að dekkjaskiptum, að skipta út nagladekkjunum sem fyrst! ❌❌ Í ljósi veðurspár næstu daga er algjör óþarfi að vera á nagladekkjum núna. Við höfum skilning á því að það er háannatími hjá dekkjaverkstæðum á svæðinu um þessar mundir, en ítrekum þó hér með að ökumenn beri ábyrgð á því hvernig bifreið sem þeir aka sé útbúin Með hækkandi sól hefur talsvert borið á hraðakstri á svæðinu og því vill lögreglan beina þeim tilmælum til ökumanna að þeir flýti sér hægt. Nú er mikið af nýjum vegfarendum í umferðinni, m.a. á reiðhjólum og bifhjólum, og því afar mikilvægt að sýna aðgæslu. Sérstaklega er viðbúið að reiðhjólamenn verði áberandi í umdæminu næstu vikurnarnar og mánuði. Sem fyrr er nauðsynlegt að allir í umferðinni sýni tillitssemi því þá gengur allt betur og öruggar fyrir sig. Þá upplýsist það einnig hér með að lögreglumenn hjá embættinu munu næstu daga, sem og í allt sumar, halda uppi öflugu hraðaeftirliti hvort sem það er innanbæjar eða utan þéttbýlis. 🚨🚔 Góða helgi ☀️ -
Bóngóður sjálfboðaliði heiðraður
Gunnar Frímannsson sjálfboðaliði Eyjafjarðardeildar fékk heiðursviðurkenningu sjálfboðaliða á aðalfundi Rauða krossins á Íslandi fyrr í þessum mánuði. „Gunnar er jákvæður, traustur og afar bóngóður sjálfboðaliði,“ segir í umsögn um hann. -
Bjarmahlíð, þjónustumiðstöð hefur verið starfrækt í 5 ár
„Bjarmahlíð er rekin með styrkjum en óskastaðan er sú að komast á fjárlög en þannig mætti nýta tíma sem fer í að eltast við peninga í reksturinn til að auka þjónustuna enn frekar,“ segir Kristín Snorradóttir teymisstjóri hjá Bjarmahlíð, þolendamiðstöð á Akureyri. Fimm ár eru um þessar mundir frá því starfsemin hófst og var tímamótanna minnst með afmælishófi á Múlabergi í gær, miðvikudag. -
Borgarhólsskóli fór með sigur af hólmi í Fiðringi
Fiðringur á Norðurlandi var haldinn í Hofi þriðja sinn í gærkvöldi, 8. maí. Tíu skólar af Norðurlandi tóku þátt í ár og sýndu afrakstur vinnu sinnar
Athugasemdir