Fjölbreytt dagskrá á Kirkjulista- viku í Akureyrarkirkju

09. maí, 2011 - 11:34 Fréttir
Fjölbreytt dagskrá á Kirkjulista- viku í Akureyrarkirkju
Kirkjulistavika hófst í Akureyrarkirkju í gær sunnudag í 12. sinn, með fjölbreyttri dagskrá. Í dag og næstu daga verður svo áfram boðið upp á spennandi dagskrá en að vanda er lögð áhersla á fjölbreytileika og í boði verða óvenjulegir viðburðir auk hefðbundinna stórtónleika. Kirkjulistavika hefur verið haldin annað hvert ár frá árinu 1989 og stendur að þessu sinni til 15. maí nk.  

Dansmessa var í Akureyrarkirkju í gærkvöld, þar sem sr. Svavar A. Jónsson messsaði. Danshöfundurinn Sigyn Blöndal kenndi söfnuðinum einfalda dansa sem stignir voru undir söngvum, sálmum og fjölbreytilegum hljóðfæraslætti. Alla vikuna verður kaffihús opið í Safnaðarheimili Akureyrarkirkju. Þar verður boðið upp á kaffi, kakó og aðra drykki ásamt heitum réttum og sætabrauði á vægu verði. Þá verða ýmsar uppákomu í boði. Annars er dagskrá Kirkjulistaviku þessi:

Mánudagur  9. maí
Kl. 9.00-16.00:  Myndlistarsýning Grétu Gísladóttur í Safnaðarheimilinu.

Kl. 12.10:  Kærleikur með djassívafi. Tónleikar í hádeginuí kirkjunni.
Margot Kiis söngkona og Kaldo Kiis píanóleikari.Aðgangur ókeypis.

Kl. 17.00:  Opnun sýningar á teikningum sr. Bolla Gústavssonar vígslubiskupsí kapellu kirkjunnar. Teikningarnar eru af kirkjum á Norðurlandi. Aðgangur ókeypis.

Kl. 20.00:  Kvikmyndasýningí Safnaðarheimilinu. Sýnd verður myndin Children of heaven. Pétur Björgvin Þorsteinsson flytur stutta kynningu á myndinni fyrir sýningu og stýrir umræðum að henni lokinni.Aðgangur ókeypis.

Þriðjudagur 10. maí
Kl. 9.00:  Morgunsöngur í Akureyrarkirkju. Stutt bænastund með sálmasöng.

Kl. 9.00-16.00:  Myndlistarsýningar Grétu Gísladóttur og sr. Bolla Gústavssonar.

Kl. 12.10:  Klassískir tónar í hádeginuí kirkjunni. Petrea Óskarsdóttir flautuleikari og Þórarinn Stefánsson píanóleikari.Aðgangur ókeypis.                       

Miðvikudagur 11. maí
Kl. 9.00-16.00: Myndlistarsýningar Grétu Gísladóttur og sr. Bolla Gústavssonar.

Kl. 9.30-11.30: Mömmumorgunn í Safnaðarheimilinu.
Umsjón sr. Hildur Eir Bolladóttir.

Kl. 10.00:  Krílasálmar - Tónlistarstund fyrir ungabörn og foreldra þeirraí kapellu kirkjunnar. Umsjón: Sigrún Magna Þórsteinsdóttir. Aðgangur ókeypis.

Kl. 12.10:  Hugljúft í hádeginu Akureyrarkirkju. Lára Sóley Jóhannsdóttir fiðluleikari og Eyþór Ingi Jónsson organistileika tónlist eftir Svendsen, Barber og Piazzolla. Aðgangur ókeypis.

Kl. 20.00:  Marimbutónleikar í Akureyrarkirkju. Marimbasveitir úr Giljaskóla, Oddeyrarskóla, Hafralækjarskóla í Aðaldal og Borgarhólsskóla á Húsavík. Umsjón hefur Ásta Magnúsdóttir.
Aðgangur ókeypis.

Fimmtudagur 12. maí
Kl. 9.00-16.00: Myndlistarsýningar Grétu Gísladóttur og sr. Bolla Gústavssonar.

Kl. 12.00: Kyrrðar- og fyrirbænastund - spunatónleikar í Akureyrarkirkju.
Sr. Gylfi Jónsson og Eyþór Ingi Jónsson, organisti. Aðgangur ókeypis.

Kl. 13.00:  Vorferð eldri borgara til Skagafjarðar.Haldið verður heim að Hólum. Umsjón: Sr. Hildur Eir Bolladóttir og Þórunn Sigurbjörnsdóttir.

Kl. 20.00: Tónleikar Kammerkórsins Hymnodiu.Sálmatónlist fimm alda.
Stjórnandi og organisti er Eyþór Ingi Jónsson.
Aðgangseyrir 1.500,- frítt fyrir 16 ára og yngri.  

Föstudagur 13. maí
Kl. 9.00-16.00:  Myndlistarsýningar Grétu Gísladóttur og sr. Bolla Gústavssonar.

Kl. 18:00: Vesper - tónleikarí Akureyrarkirkju. Félagar úr Kvæðamannafélaginu Gefjunni flytja tónlist. Prestur er sr. Guðmundur Guðmundsson.
Aðgangur ókeypis.

Laugardagur 14. maí
Kl. 12.00-16.00:  Myndlistarsýningar Grétu Gísladóttur og sr. Bolla Gústavssonar.

Sunnudagur 15. maí
Kl. 11.00: Hátíðarmessaí Akureyrarkirkju. Sr. Hildur Eir Bolladóttir og sr. Svavar A. Jónsson.Kór Akureyrarkirkju, Hymnodia og Ísold syngja.Organistar: Eyþór Ingi Jónsson og Sigrún Magna Þórsteinsdóttir.

Kl. 12.00-16.00:  Myndlistarsýningar Grétu Gísladóttur og sr. Bolla Gústavssonar.

Kl. 16.00:  Hátíðartónleikar. Kór Akureyrarkirkju, Eyrún Unnarsdóttir, mezzosópran, Elvý G. Hreinsdóttir, mezzosópran, Hjalti Jónsson, tenór, Steinar Matthías Kristinsson, trompetleikari, Sveinn Sigurbjörnsson, trompetleikari og Sigrún Magna Þórsteinsdóttir, orgelleikari.Frumflutt verður nýtt verk eftir Gísla Jóhann Grétarsson, samið í tilefni 70 ára afmælis Akureyrarkirkju. Einnig verður frumflutt verk eftir Jón Hlöðver Áskelsson. 100 ára afmælis Áskels Jónssonar verður minnst. Einnig verða flutt verk eftir Önnu Þorvaldsdóttur, Jón Þórarinsson og Jón Nordal.Stjórnandi: Eyþór Ingi Jónsson.
Aðgangseyrir 1.500,- frítt fyrir 16 ára og yngri.

Til baka

Nýjast

  • Sundlaug Akureyrar lokuð 18.-22. maí – opið lengur í Glerárlaug 18. maí

    • 15.05.2025
    Sundlaug Akureyrar verður lokuð dagana 18.-22. maí eða frá sunnudegi til fimmtudags í næstu viku.

  • Byggingaréttur á lóðum á Torfunefsbryggju boðin út í maí

    • 15.05.2025
    Byggingaréttur á tveimur lóðum við Torfunefsbryggju þar sem eru til staðar fimm byggingareitir verður boðin út nú síðar í maí.  

  • Sumarið er komið!

    • 15.05.2025
    Þetta dásamlega veður sem landsmenn  njóta er gleðiefni  og er þá vægt tekið til orða, á  heimasíðu  Þingeyjarsveitar er þessari blíðu fagnað.

  • Skýr og lausnamiðuð af­staða Fram­sóknar til veiðigjalda

    • 15.05.2025
    Framsókn hefur tekið skýra og málefnalega afstöðu í umræðunni um veiðigjöld. Við styðjum heilshugar réttmæta kröfu samfélagsins um að sameiginleg sjávarauðlind þjóðarinnar skili arði sem gagnast samfélaginu öllu. Hins vegar skiptir máli hvernig það er gert. Óvönduð skattheimta getur skaðað atvinnulíf, dregið úr nýsköpun og veikt byggðir sem byggja afkomu sína á sjávarútvegi.

  • Farsæld í brennidepli – öll eru velkomin! Sjónaukinn 2025

    • 15.05.2025
    Í heimi þar sem hraði breytinga og flókin samfélagsmál eru daglegt brauð, skiptir máli að staldra við og beina sjónum að því sem skiptir mestu máli: farsæld fólks. Ráðstefnan Sjónaukinn 2025, sem haldin verður við Háskólann á Akureyri dagana 19. og 20. maí, leitast við að varpa ljósi á fjölbreyttar leiðir til að efla samfélagslega velferð og vellíðan. Undirtónn ráðstefnunnar er skýr: Við höfum öll hlutverki að gegna – og með samvinnu getum við skapað samfélag þar sem enginn er skilinn eftir.

  • Vel heppnaður Súpufundur atvinnulífsins haldinn á Múlabergi

    • 15.05.2025
    Í hádeginu í gær fór fram vel heppnaður Súpufundur atvinnulífsins á Múlabergi, Hótel KEA, þar sem stjórnendur um fimmtíu fyrirtækja og stofnana komu saman til að ræða framtíð atvinnulífsins á svæðinu.

  • Ársfundur HSN Jákvæð þróun þrátt fyrir áskoranir í rekstri

    • 15.05.2025
    Ársfundur Heilbrigðisstofnunar Norðurlands (HSN) fór fram í Hofi á Akureyri þriðjudaginn 13. maí 2025. Þar voru kynntar niðurstöður fyrir rekstrarárið 2024. Þrátt fyrir áskoranir í rekstri varð þó mjög jákvæð þróun í starfsemi, þjónustu og mannauðsmálum sem gefur tilefni til bjartsýni fram veginn.  

  • Auðlindirnar í þjóðareign.

    • 15.05.2025
    Margir biðu spenntir eftir því að Alþingi tæki til starfa eftir páskafrí þingmanna og ég var þeirra á meðal. Á dagskrá þingsins voru hugmyndir um að hækka talsvert skatta sem lagðir eru á sjávarútveginn umfram aðra atvinnuvegi. Mér fannst þetta áhugaverð hugmynd og hlakkaði til að hlusta á upplýsandi umræðu um auðlindir og auðlindanýtingu. Ég kom mér því notalega fyrir við sjónvarpsskjáinn áður en Silfrið byrjaði í sjónvarpi Ríkisútvarpsins fyrsta mánudag eftir frí þingmanna.

  • Fimm tilboð í göngubrú

    • 14.05.2025
    Fimm tilboð bárust í byggingu á nýrri steinsteyptri göngubrú í götustæði Borgarbrautar, auk stígagerðar að aðliggjandi stígum, uppsetningu á grjótkörfum, stoðveggjum og uppsetningu á lýsingu.
Sjá meira