Fiskey stefnir í þrot takist ekki að safna nýju hlutafé
Arnar segir að lítil seiðaframleiðsla undanfari ára hafi haft slæm áhrif á rekstur félagsins. Hátt seiðaverð og lækkun rekstrarkostnaðar hefur þó gert það að verkum að lítið hefur vantað uppá að tekjur félagsins stæðu undir rekstrarkostnaði. Íslandsbanki hefur veitt félaginu það fé sem uppá hefur vantað í formi skammtímaláns. Eldisstöð félagsins í Þorlákshöfn var seld á síðastliðnu ári fyrir tæpar 120 milljónir króna og fór sú upphæði til niðurgreiðslu langtímalána hjá Íslandsbanka. Á árinu 2010 voru seld rúm 180 þúsund seiði. Tekjur félagsins voru rúmar 103 milljónir króna og rekstrargjöld voru rúmar 106 milljónir króna.
Lítil framleiðsla var úr fyrstu tveimur framleiðsluhópum lúðuseiða á þessu ári og segir Arnar því hafa verið nauðsynlegt að ná góðum árangri úr þriðja og síðasta framleiðsluhópi þessa árs. „En því miður hefur það ekki tekist og útlit er fyrir að heildar framleiðsla ársins verði um eða undir 50 þúsund seiði og sú framleiðsla stendur ekki undir rekstri félagsins," segir hann. Allt lausafé félagsins er upp urið og Íslandsbanki hefur lýst því yfir að ekki verði lánað meira til félagsins. Það er því ljóst að rekstur þess er komin í þrot takist ekki að fjármagna hann með nýju hlutafé á næstu vikum.
Félagið var stofnað árið 1987 og hefur framleitt rúmlega 4,5 milljónir lúðuseiða frá upphafi. Aðeins lítill hluti þeirra hefur farið í framleiðslu hér á landi en þau hafa verið flutt til Kanada, Skotlands, Kína, Svíþjóðar, Færeyja og Noregs. Langmest hefur verið flutt út til Noregs eða nálægt 4 milljón seiði. Þar eru nú framleidd hátt í 2000 tonn af eldislúðu og fullvíst má telja að lúðueldi í Noregi væri mun skemmra á veg komið ef ekki hefði komið til innflutningur lúðuseiða frá Íslandi.
Frá stofnun félagsins hafa hluthafar lagt félaginu til rúmlega 1,1 milljarð í hlutafé. Ef miðað er við vísitölu neysluverðs og lánskjaravísitölu er uppreiknað núvirði hlutafjár 2,2 milljarðar króna. Þar að auki hefur Fiskey fengið 275 milljónir króna í styrki frá opinberum aðilum, sem uppreiknað að núvirði eru tæplega 580 milljónir króna. Arnar segir að uppreiknaðar tekjur séu hátt í 3 milljarðar á s.l. 14 árum en fyrstu sölutekjur félagsins voru á árinu 1998. "Þetta er mjög merkilegt rannsókna- og þróunarverkefni sem hefur verið atvinnuskapandi og skilað sér í mikilli þekkingu í eldi sjávarfiska."
Nýjast
-
Umgengni afleit og ásýnd verulegt lýti í umhverfinu
„Það er búið að ganga frá deiliskipulagi og framkvæmdaleyfi vegna geymslusvæðis liggur sömuleiðis fyrir. Því ætti ekkert að vera því að vanbúnaði hefja framkvæmdir við geymslusvæði og flytja þá hluti sem hafa varðveislugildi inn á svæðið í framhaldi af því,“ segir Leifur Þorkelsson framkvæmdastjóri Heilbrigðiseftirlits Norðurlands um ástand mála hjá fyrirtækinu Skútabergi á Moldhaugnahálsi. -
Átt þú heima í Giljahverfi? Hvað finnst þér um hverfið?
Akureyrarbær boðar til hverfisfundar í Giljaskóla með íbúum hverfisins, bæjarstjóra og bæjarfulltrúum kl. 17 fimmtudaginn 8. maí. Endilega takið daginn frá og látið í ljós skoðanir ykkar um hverfið. -
Kattafláning og kirkjuganga.
Það hendir mig stundum í hugsunarleysi að fara að hugsa um eitthvað sem dettur upp í hugann. Og þetta henti einmitt í dag. -
Að leggja grunninn að framtíðinni Upplifun úr nútímafræði
Í ár eru 20 ár síðan fyrsti árgangurinn útskrifaðist úr nútímafræði frá Háskólanum á Akureyri. Í tilefni þess var rætt við Ragnheiði Jónu Ingimarsdóttur sem var í þeim útskriftarárgangi. Hún sá tækifæri sem fólust í að vera hluti af fyrsta hópnum sem stundaði þetta áhugaverða nám. -
Fjölmörg verkefni fram undan að takast á við
„Það er mikið verk að vinna og fjölmörg verkefni fram undan sem takast þar á við,“ segir Björn Snæbjörnsson sem kjörinn var formaður Landssambands eldri borgara á landsfundi þess sem haldinn var í Reykjanesbæ. Helgi Pétursson lauk fjórða ári sínu í formannsstóli en formaður situr mest í fjögur ár. Björn var sá eini sem bauð sig fram og því sjálfkjörinn í embætti. -
Þakklátur fyrir heiðurinn og er mjög gíraður
„Ég er virkilega þakklátur fyrir þennan heiður og ætli ég orðið það ekki sem svo; mjög gíraður,“ segir Egill Logi Jónasson nýr bæjarlistamaður á Akureyri. Egill er framsækinn myndlistar- og tónlistarmaður segir í umsögn frá Akureyrarbæ, „sem hefur vakið athygli fyrir frumleg verk og ögrandi sýningar.“ Egill Logi gegnir lykilhlutverki í starfsemi Listagilsins og rekur m.a. tvær vinnustofur í húsnæði Kaktus, fyrir myndlist annars vegar og tónlist hins vegar. Hann hefur verið iðinn við að skapa vettvang fyrir unga og óháða listamenn, m.a. í gegnum tónlistarhátíðina Mysing. -
Tveir fengu gullmerki Einingar-Iðju
Tveir félagar i Einingu-Iðju voru sæmdir gullmerki félagsins á aðalfundi nýverið, þau Gunnar Berg Haraldsson og Laufey Bragadóttir. -
Fiðringur á Norðurlandi fer fram í Hofi í fjórða sinn
Fiðringur fer fram í Menningarhúsinu Hofi næsta miðvikudag, 7. maí og er þetta í fjórða sinn sem keppnin er haldin. Í ár munu tíu skólar af Norðurlandi mætast. Grunnskóli Húnaþings vestra tekur þátt í fyrsta sinn og vonandi taka fleiri skólar frá Norðurlandi vestra þátt á næsta ári því markmiðið er að sinna öllu Norðurlandi frá Borðeyri til Bakkafjarðar! -
,,Ég kveð sátt og held glöð út í lífið"
Þórunn Ingólfsdóttir hefur starfað hjá fyrirtækjum við Fiskitanga á Akureyri stærstan hluta starfsævinnar, lengst af hjá Útgerðarfélagi Akureyringa og Samherja. Hún lét af störfum í fiskvinnsluhúsi ÚA um mánaðamótin og segist kveðja afskaplega sátt. Nú taki við nýr kafli í lífinu.
