Ferðalag traktors út í Flatey á Skjálfanda
Stefán var snöggur að keyra traktorinn upp á bryggju í Flatey enda búið að mæla fyrir öllu. Myndir/aðsendar
Flatey á Skjálfanda er sannkölluð paradís á jörð þar sem segja má að tíminn hafi staðið í stað. Fyrrum íbúar eyjarinnar og afkomendur þeirra hafa byggt í eyjunni blómlega sumarhúsabyggð en einn þeirra er Stefán Guðmundsson, framkvæmdastjóri Gentle Giants. Hann fer reglulega með fríðan flokk manna út í eyju til að byggja upp og halda við þeim mannvirkjum sem þar eru.
Traktorinn vildi heim
Í Flatey hefur Stefán verið með lítinn traktor til að auðvelda sér sum verkefnin en honum þarf að halda við eins og öðru. Vegagerðin samþykkti síðasta haust að láta Grímseyjarferjuna koma við í Flatey og kippa traktornum með til Dalvíkur. „Hann var svo fluttur þaðan á Hofsós í skveringu í vetur,“ segir Stefán í samtali við Vikublaðið sem kann þó ekki Vegagerðinni góða söguna, því þegar kom að því að flytja traktorinn til baka sagði Vegagerðin nei.
„Vegagerðin neitaði að klára verkið í liðinni viku, meðvituð um að traktorinn þyrfti að komast sömu leið til baka. Líklega borgum við skattgreiðendur of mikið til Vegagerðarinnar fyrir slík viðvik og afar sjaldgæf,“ segir Stefán og leynir því ekki að hann sé honum þyki Vegagerðin hafa brugðist.
Fordæmin eiga að vera
„Ég er náttúrlega frekar vonsvikinn yfir því að Vegagerðin taki að sér að flytja fyrir eyjaskeggja í land og það var talað um það þegar þessi gripur færi í land, að hann þyrfti að komast út í eyju aftur að voru. Svo bara standa menn ekki við það. Slíkt getur sett allt úr skorðum þegar menn hafi ekki aðra kosti augljósa. Ég held að Vegagerðin þurfi að fara taka sig á og reyna að nýta þessa farkosti fyrir fleiri en bara á fasta rútur þegar svona tilvik koma upp. Það eru nú einu sinni við skattgreiðendur sem erum að halda þessu uppi,“ segir Stefán.
Aðspurður hvort einhverjar skýringar hafi fengist frá Vegagerðinn um hvers vegna hún gæti ekki skilað traktornum aftur út í Flatey segir Stefán að sú skýring hafi ekki verið viðundandi að hans mati. „Bara að þeir væru hættir að gera svona og þetta gæti skapað fordæmi. En það er fullt af fordæmum fyrir svona viðvikum og þau eiga líka að vera. Það er málið. Það eru eyjar í kringum landið sem geta þurft viðvik og þá eiga menn að leysa það. Við borgum fyrir þessa þjónustu en Vegagerðin vill ekki veita hana,“ segir hann.
Sleipnir kom til bjargar
Stefán tók þó gleði sína á ný því samningar tókust á ögurstundu við Húsavíkurhöfn um að nota dráttarbátinn Sleipni, sem er í eigu Akureyrarhafnar, en leigður til Húsavíkurhafnar. Stefán undirbjó flutningana vel og var búinn að mæla allt á öllum stöðum niður í sentimetra og skipuleggja aðgerðina frá A-Ö, jafnt sjávarstöðu og tímasetningar. „Við höfðum bara gærdaginn í verkið og hádegisflóðið. Sleipnir stoppaði í 5 mínútur í Flatey. Það tók 30 sekúndur að keyra traktorinn frá borði á hárréttri sjávarstöðu,“ útskýrir Stefán og bætir við að mælingar hafi verið hárnákvæmar.
Gekk eins og í sögu
„Þetta var upp á sentimeter, ég fór út í eyju daginn áður og stóð á bryggjunni á háflóði og fór með tommustokkinn niður að sjó, þetta var gert svoleiðis. Svo vissi maður að þetta var hæsta staða á mælingardegi og að hún myndi lækka um 7 cm daginn eftir þegar traktorinn var fluttur. Þetta var allt sett upp miðað við það og ég er ekki viss um að það hafi verið meira en einn cm upp í plankana þegar Sleipnir sigldi með þá að bryggjunni,“ segir Stefán og bætir við aðspurður að það séu alltaf nóg af verkefnum í Flatey.
„Það er alltaf einhver verkefni á hverju ári. Það er svo gaman að fara með þetta gengi að þetta er eins og mesta skemmtun og frí í bland þó það sé náttúrlega verið að vinna alveg botnlaust. Núna erum við að skipta um eldhús í fjölskylduhúsinu,“ segir Stefán að lokum.
Nýjast
-
Tvö ný fræðsluskilti í Grímsey
Í vikunni voru sett upp tvö skilti í Grímsey tengd Norðurstrandarleiðinni (e. Arctic Coast Way) sem greina annarsvegar frá eðli heimskautsbauganna og hinsvegar sögu Grímseyjar. -
Mærudagar á Húsavík fagna 30 ára afmæli með mikilli skemmtidagskrá
Í ár fagnar bæjarhátíðin Mærudagar á Húsavík sínu 30. afmæli með fjölbreyttri og spennandi skemmtidagskrá fyrir alla aldurshópa. -
Endurnýjun á dreifilögn í Reykjahverfi
Orkuveita Húsavíkur er í framkvæmdum en verið er að endurnýja dreifilögn hitaveitu á rúmlega 3 km kafla í Reykjahverfi frá Smiðjuteig að Skógum -
Ánægja með gott Listasumar 2024
Mikil og góð stemning var í Listagilinu síðasta laugardag þegar þar var haldið hið svokallaða Karnivala eða lokahátíð Listasumars 2024 -
Grunnskólinn á Raufarhöfn í yfirhalningu
Gengið hefur verið frá samningi við verktaka um að mála húsið -
Andrea Fáfnis Ólafs og Viðar Breiðfjörð með samsýningu á Mærudögum
Andrea Fáfnis Ólafs og Viðar Breiðfjörð halda samsýningu í Hlyn við Garðarsbraut yfir Mærudagana. Listamennirnir eiga bæði ættir og barnæsku að rekja til Húsavíkur. -
Aðalgeir Heiðar Karlsson - Minningarorð
Aðalgeir Heiðar Karlsson fæddist 1.október 1948 á Húsavík. Hann var sonur útgerðarhjónanna Heru Sigurgeirsdóttur f. 22. maí 1916, d. 8. ágúst 1999 og Karls Óskars Aðalsteinssonar, f. 8. maí 1912, d. 24. jan. 1982. Aðalgeir var yngstur fimm systkina sem eru í aldursröð: Sigurbjörg Guðrún, f. 6. feb. 1935, d. 26. maí 2019, Sigrún Ólöf f. 22. jan. 1937, Aðalsteinn Pétur f. 27. okt. 1943, d. 15. júlí 2008 og Óskar Eydal f. 27. nóv. 1944, d. 14. apríl 2017. Karl Óskar Geirsson f. 28. nóv. 1955, sonur Sigrúnar, ólst einnig upp í Höfða og var alltaf eins og einn af systkinunum. Alli var af mikilli sjómannaætt en var mjög lítið á sjó en vann landvinnu. Hann var snöggur til að ráða sig til vinnu þegar Norðurverk hóf störf við gerð Laxárvirkjunar 3 og vann þar fram að verklokum sem bílstjóri á borbíl og sem sprengju sérfræðingur. Við Laxárvirkjun kynnist hann eftirlifandi eiginkonu sinni, Guðnýju Heiðveigu Gestsdóttur, f. 13.júní 1952. Guðný er fædd og uppalin í Múla í Aðaldal, foreldrar hennar voru Heiðveig Sörensdóttir, f. 6.maí 1914, d. 2.mars 2002 og Gestur Kristjánsson, f. 10.nóvember 1906, d. 9.ágúst 1990. Strax vorið eftir þau kynni flutti Aðalgeir í Múla, fór að taka þátt í búskapnum af fullum krafti ásamt því að sinna vinnu við Laxárvirkjun. Aðalgeir og Guðný opinberuðu um páskana 1971 og giftu sig 2. apríl 1972. Þau hófu félagsbúskap ásamt foreldrum Guðnýjar og keyptu síðar af þeim eignir þeirra í Múla eftir að þau hættu búskap árið 1986 og fluttu til Húsavíkur. Aðalgeir og Guðný bjuggu alla tíð í Múla meðan heilsan leyfði. Þau seldu jörðina í sumarið 2021 og fluttu til Akureyrar. Alli og Guðný í Múla voru með fjölmörg börn í sumardvöl í sveit og eins voru þau með fósturbörn bæði til skemmri og lengri tíma. Þrjú af þeim börnum fengu varanlegt aðsetur hjá þeim hjónum í Múla og má svo sannarlega segja að þau hafi dottið í lukkupottinn, Ólafur Svanur Ingimundarson, f. 3.ágúst 1965, Einar Jóhann Sigurðsson, f. 6. ágúst 1983 og Aðalheiður Ágústa Jónsdóttir, f. 2. október 1987. Ólafur Svanur er kvæntur Emmu Gísladóttur, f. 17.maí 1967 og eiga þau tvo syni Gísla Ólaf og Jón Aðalgeir og 6 barnabörn. Einar Jóhann er kvæntur Þórhildi Einarsdóttur, f. 31. ágúst 1983, og eiga þau tvö börn saman Kristján Guðna og Heiðveigu Halldóru. Einar á einnig dóttur úr fyrra sambandi, Lilju Dögg, f. 3.mars 2005. Aðalheiður er gift Sigmundi Birgi Skúlasyni, f. 19.maí 1982 og eiga þau þrjú börn Heiðar Inga, Fannar Atla og Margréti Guðnýju. Aðalgeir lést á hjúkrunarheimilinu Lögmannshlíð 12.júlí s.l. og útför hans fór fram miðvikudaginn 24.júlí kl 14:00 frá Grenjaðarstaðarkirkju í Aðaldal. Elsku afi okkar, við vitum ekki hvernig okkur á að líða, þetta er allt svo skrýtið. -
Þyrla sótti slasaða hjólreiðarmenn í Jökulsárgljúfur
Laust eftir hádegi í dag kom tilkynning til lögreglu og sjúkraflutningamanna á Húsavík um reiðhjólaslys við Jökulsárgljúfur. Þar hafi reiðhjólamaður fallið fram af kletti og þá hafði samferðamaður hans einnig slasast við að reyna að koma honum til aðstoðar -
Mæðgur hafa stjórnað kórum í samanlagt 71 ár
Kynslóðir kórfélaga frá Hóffý og Ástu sameinast og halda saman tónleika í Húsavíkurkirkju
Athugasemdir