„Fer full tilhlökkunar inn í starfið“
„Starfið sameinar reynslu og þekkingu sem ég hef öðlast sem tónlistarmaður, bæði sem hljóðfæraleikari og konsertmeistari, sem tónlistarkennari og verkefnastjóri,“ segir Lára Sóley. Mynd/Daníel Starrason.
"Starfið leggst afskaplega vel í mig. Það er mikil ábyrgð sem því fylgir að vinna hjá þjóðarhljómsveit Íslendinga sem hefur verið á mikilli siglingu undanfarið bæði innanlands sem utan. Ég fer full tilhlökkunar inn í starfið og hlakka til að vera partur af flaggskipi íslenskrar menningar,“ segir Lára Sóley Jóhannsdóttir sem hefur verið ráðinn í stöðu framkvæmdastjóra Sinfóníuhljómsveitar Íslands.
Lára Sóley er fiðluleikari og hefur starfað sem tónlistarmaður og sjálfstætt starfandi verkefnastjóri undanfarin ár. Á árunum 2010-2014 var hún verkefnastjóri við Menningarhúsið Hof og gegndi starfi framkvæmdastjóra Hofs í afleysingum. Hún hefur verið konsertmeistari Sinfóníuhljómsveitar Norðurlands og framkvæmdastjóri Sumartónleika í Akureyrarkirkju. Lára Sóley er með BMus próf frá Royal Welsh College of Music and Drama og er að ljúka meistaranámi í listastjórnun við sama háskóla.
Draumastarfið
En er Lára komin í draumastarfið?
„Já, ekki spurning. Starfið sameinar reynslu og þekkingu sem ég hef öðlast sem tónlistarmaður, bæði sem hljóðfæraleikari og konsertmeistari, sem tónlistarkennari og verkefnastjóri. Námið sem ég hef stundað í listastjórnun í Royal Welsh College of Music and Drama frá því síðasta haust hefur svo byggt enn frekar ofan á þessa reynslu, en námið miðar að því að undirbúa nemendur undir stjórnunarstörf innan menningarstofnanna,“ segir Lára Sóley. „Nýju fólki fylgja nýjar áherslur en ég er er full aðdáunar yfir því frábæra starfi sem SÍ hefur unnið á síðustu árum. Ég vil tryggja að velgengnin haldi áfram og samtal við þjóðina eflist.“
Lærdómsríkur tími í Wales
Ráðið er í stöðu framkvæmdastjóra Sinfóníuhljómsveitar Íslands til fjögurra ára í senn og tekur Lára við starfinu þann 1. ágúst næstkomandi. Lára hefur verið búsett í Wales undanfarið ár ásamt fjölskyldu sinni þar sem hún hefur stundað nám en fjölskyldan mun nú flytja til Reykjavíkur í sumar. Lára er gift Hjalta Jónssyni sálfræðingi og tónlistarmanni og saman eiga þau þrjú börn. Hún segir fjölskylduna hafa notið verunnar í Wales.
„Þetta hefur verið dásamlegur og lærdómsríkur tími fyrir okkur öll. Öllum hefur gengið vel að aðlagast. Krakkarnir hafa bæði þurft að læra ensku og veilsku og hafa staðið sig alveg frábærlega. Við höfum eignast mikið af vinum og kynnst nýju fólki en á sama tíma hefur dvölin þjappað okkur enn meira saman. En við erum öll mjög spennt að flytja aftur til Íslands. Við hefðum alveg getað hugsað okkur að vera lengur en tækifæri sem þessi bjóðast ekki á oft. Það verður yndislegt að vera nær fjölskyldunni og vinunum á Íslandi,“ segir Lára Sóley.
Nýjast
-
Lokaorðið - Sumardagurinn fyrsti.
Sumardagurinn fyrsti er ævaforn hátíðisdagur á Íslandi. Þó líði aldir og kynslóðir komi og fari er ekkert sem Íslendingar þrá heitar en vorið. Hjörtun slá þá í mildum samhljóma takti og loks er liðin vetrarþraut. Sumardagurinn er einnig þekktur sem barnadagurinn. Í þéttbýlinu gerði fólk sér dagamun og klæddist sparifötum. -
Mikil umferð um Akureyrarflugvöll s.l. daga
Mikil umferð hefur verið um Akureyrarflugvöll síðustu daga áætlunarflug, sjúkraflug, einkaþotur og töluverð þyrluumferð. -
Eik fasteignafélag vill byggja við Gleráreyrar
Á fundi skipulagsráðs Akureyrarbæjar í gær var tekin til umræðu tillaga frá Kollgátu, sem Ingólfur Guðmundsson og Andrea Sif Hilmarsdóttir kynntu f.h hönd Eikar fasteignafélags um uppbyggingu á lóðum 2-8 við Gleráreyrar og svæðis vestan þeirra. -
Sólarhringssund hjá Óðinskrökkum
Hið árlega sólarhringssund iðkenda í Óðni stendur nú sem hæst. Einn sundamaður syndir í einu og er þetta því nokkurs konar boðsund. -
Fékk ekki að lækka gjaldskrárhækkanir Orkuveitu Húsavíkur
Á fundi stjórnar Orkuveitu Húsavíkur í vikunni var tekin fyrir tillaga Valdimars Halldórssonar, varaformanns þess efnis að dregið yrði úr fyrirhuguðum gjaldskrárhækkunum en Valdimar taldi næga innistæðu fyrir hendi til að lækka umrædda hækkun -
Banaslys í Eyjafjarðarsveit
Alvarlegt umferðarslys varð á Eyjafjarðabraut eystri , skammt norðan við Laugaland skömmu eftir kl. 13:00 í dag. Þarna hafði bíll lent út af og voru tveir aðilar sem í honum voru úrskurðaðir látnir á vettvangi. Lögreglan á Norðurlandi eystra fer með rannsókn málsins og er hún á frumstigi og ekki frekari upplýsingar að hafa að sinni. -
Umferðarslys á Eyjafjarðarbraut eystri
Alvarlegt umferðarslys varð á Eyjafjarðabraut eystri , skammt norðan við Laugaland skömmu eftir kl. 13:00 í dag. Þarna hafði bíll lent út af og í honum voru tveir aðilar. Rannsókn á tildrögum slyssins stendur yfir á vettvangi og getur lögreglan ekki veitt frekari upplýsingar á þessu stigi málsins. -
Kirkjutröppurnar og gangstétt í Listagilinu
Framkvæmdir við kirkjutröppurnar eru hafnar að nýju eftir talsvert hlé og er búið að byggja yfir neðsta hluta trappanna, en þar er verið að vinna í húsnæði sem er undir tröppunum. Að því loknu verður hægt að hefja vinnu við sjálfar kirkjutröppurnar, þeirri vinnu hefur seinkað m.a. sökum þess að erfiðlega gekk að fá verktaka í verkefnið og það var umfangsmeira en var ráð fyrir gert. -
Hefur allt sem þarf
Fyrstu kynni mín af Höllu Tómasdóttur voru í tengslum við vinnustað þar sem hún kom einn dag og ræddi við hópinn. Þessi dagur breytti svolítið lífi mínu því þarna uppgötvaði ég í raun hvernig ég get tekið stjórn á eigin lífi. Halla varpaði á skjá mynd af vatnsglasi sem í var vökvi um það bil að miðju glasi. Hún talaði um viðhorf okkar og hvernig við tökumst á við það sem lífið færir okkur.
Athugasemdir