Fann sig í sálfræði og flýgur nú út í frekara nám
Þegar Emma var ung ætlaði hún að verða læknir eins og langafi. Í menntaskóla áttaði hún sig á því að líffræði væri alls ekki fag sem hún hafði gaman af og þá læknisfræðin ekki það sem fyrir henni lægi. Emma hafði hins vegar mjög gaman af sálfræðinni og eftir einn tímann kom kennarinn upp að Emmu, tjáði henni hversu efnileg hún væri á því sviði og fékk hana til að íhuga frekara nám í fræðunum.
Í stuttu máli er þetta ástæða þess að Emma Elísa Evudóttir ákvað að skoða áframhaldandi nám í sálfræði og hefur sú leið svo sannarlega reynst henni vel. Hún brautskráðist síðastliðið vor úr fyrsta árgangi meistaranema í sálfræði við Háskólann á Akureyri. Í kjölfar þess hlaut hún skólavist í tveim bandarískum háskólum til að stunda doktorsnám, sem endaði með að hún valdi að fara í University of South Florida (USF). Til að velja á milli háskólanna fór hún í heimsókn á báða staði og í kjölfarið sá hún að í USF var skólinn sem hún vildi fara í. Það sem heillaði hana mest var samfélagið og fólkið við deildina ásamt rannsóknartækifærum sem henta henni.
Þar með er ekki öll sagan sögð því á hverju ári hljóta fjórir nýnemar samkeppnisstyrk við skólann sem byggir á mati deilda skólans sem allar senda inn tillögur sig sem valið er úr. Sálfræðideildin mat Emmu sem nýnema í doktorsnámi sem myndi sýna fram á framúrskarandi námsárangur sem endar með að hún var ein af fjórum sem hlaut styrk ásamt niðurfelldum skólagjöldum. Emma er ekki búin að ákveða hvert doktorsverkefnið verður og er stefna skólans að nemar taki áfangana fyrst til að kynnast og prófi að vinna með mismunandi prófessorum áður en verkefni eru ákveðin. Hingað til hafa hennar verkefni legið á sviði próffræði og bæði í BA og mastersverkefni vann hún með HEXACO persónuleikaprófið. HEXACO var sett fram árið 2004 og er notað til dæmis við ráðningar. Hún sá möguleika hjá USF til að rannsaka enn frekar próffræðina.
En hver er Emma?
Emma fæddist í Hrísey, flutti sex mánaða til Akureyrar og bjó þar til þriggja ára aldurs þegar foreldrar hennar fluttu þaðan.
„Ég hef alltaf verið á svolitlu flakki. Við bjuggum á Suðureyri, Reykjavík og fleiri stöðum en Norðurlandið hefur alltaf verið heim og heim kom ég aftur árið 2018 til að fara í nám við Háskólann á Akureyri. Skólann valdi ég af því mér fannst námskeiðin hljóma skemmtilega og það var of dýrt fyrir mig að fara í HR. Þá heillaði mikið að geta tekið áfangana heima og á eigin hraða en á þessum tíma var ég mjög þunglynd og átti í vandræðum með að halda sólarhringnum stöðugum“ segir Emma heiðarlega, aðspurð af hverju hún valdi að nema við skólann.
„Þá langaði mig að flytja frá Reykjavík, í viðráðanlega leigu, breyta um umhverfi og það að vera stúdent við HA býður upp á það“ bætir hún við.
Emma hefur alltaf verið lestrarhestur og mikill bókasafnari. „Afþreyingarlesturinn vék að miklu leyti vegna námsins en ég er að vinna að því að koma mér aftur í hann því ég sæki mikla skemmtun í lestur. Þá hef ég gaman af tölvuleikjum en þeir stressa mig upp svo ég fæ manninn minn til að spila þá sem ég hef áhuga á og ég fylgist með,“ segir Emma og bætir við varðandi áhugamálin: „Við eigum líka tíkina Aryu sem við fórum með í göngutúra en þar sem hún er talsverð kuldaskræfa verða vetrargönguferðirnar oft frekar stuttar.“
„Í dag vinn ég með þroskahömluðum á íbúðakjarna hjá Akureyrarbæ meðfram því sem ég er stundakennari hjá HA. Starfið er mjög gefandi og þó svo ég eigi eftir að sakna íbúanna þegar ég fer út þá finn ég að ég er tilbúin fyrir áskorunina. Að skilja við öryggið og þægindin hér heima er alveg smá kvíðavaldandi en ég er jafn spennt enda finn ég svo mikla trú frá starfsfólkinu á deildinni við USF og finn að þau munu standa 110 prósent við bakið á mér,“ segir Emma að lokum.
Við óskum Emmu innilega til hamingju með bjarta framtíð, styrkinn og skólavistina.
Minnum á að opið er fyrir umsóknir í téð meistaranám svo og aðrar námsleiðir til og með 5. júní næstkomandi. Allar upplýsingar er að finna á unak.is.
Nýjast
-
Tvö glæsileg brautarmet í Botnvatnshlaupi Landsbankans
Alls tóku 80 manns þátt í ár sem er með því albesta sem gerst hefur -
Skemmtileg útivera á sumrin
Sumaropnun í Hlíðarfjalli hófst á fimmtudaginn í síðustu viku og er stefnt að opnun til 8. september ef aðstæður leyfa. -
Tvö ný fræðsluskilti í Grímsey
Í vikunni voru sett upp tvö skilti í Grímsey tengd Norðurstrandarleiðinni (e. Arctic Coast Way) sem greina annarsvegar frá eðli heimskautsbauganna og hinsvegar sögu Grímseyjar. -
Mærudagar á Húsavík fagna 30 ára afmæli með mikilli skemmtidagskrá
Í ár fagnar bæjarhátíðin Mærudagar á Húsavík sínu 30. afmæli með fjölbreyttri og spennandi skemmtidagskrá fyrir alla aldurshópa. -
Endurnýjun á dreifilögn í Reykjahverfi
Orkuveita Húsavíkur er í framkvæmdum en verið er að endurnýja dreifilögn hitaveitu á rúmlega 3 km kafla í Reykjahverfi frá Smiðjuteig að Skógum -
Ánægja með gott Listasumar 2024
Mikil og góð stemning var í Listagilinu síðasta laugardag þegar þar var haldið hið svokallaða Karnivala eða lokahátíð Listasumars 2024 -
Grunnskólinn á Raufarhöfn í yfirhalningu
Gengið hefur verið frá samningi við verktaka um að mála húsið -
Andrea Fáfnis Ólafs og Viðar Breiðfjörð með samsýningu á Mærudögum
Andrea Fáfnis Ólafs og Viðar Breiðfjörð halda samsýningu í Hlyn við Garðarsbraut yfir Mærudagana. Listamennirnir eiga bæði ættir og barnæsku að rekja til Húsavíkur. -
Aðalgeir Heiðar Karlsson - Minningarorð
Aðalgeir Heiðar Karlsson fæddist 1.október 1948 á Húsavík. Hann var sonur útgerðarhjónanna Heru Sigurgeirsdóttur f. 22. maí 1916, d. 8. ágúst 1999 og Karls Óskars Aðalsteinssonar, f. 8. maí 1912, d. 24. jan. 1982. Aðalgeir var yngstur fimm systkina sem eru í aldursröð: Sigurbjörg Guðrún, f. 6. feb. 1935, d. 26. maí 2019, Sigrún Ólöf f. 22. jan. 1937, Aðalsteinn Pétur f. 27. okt. 1943, d. 15. júlí 2008 og Óskar Eydal f. 27. nóv. 1944, d. 14. apríl 2017. Karl Óskar Geirsson f. 28. nóv. 1955, sonur Sigrúnar, ólst einnig upp í Höfða og var alltaf eins og einn af systkinunum. Alli var af mikilli sjómannaætt en var mjög lítið á sjó en vann landvinnu. Hann var snöggur til að ráða sig til vinnu þegar Norðurverk hóf störf við gerð Laxárvirkjunar 3 og vann þar fram að verklokum sem bílstjóri á borbíl og sem sprengju sérfræðingur. Við Laxárvirkjun kynnist hann eftirlifandi eiginkonu sinni, Guðnýju Heiðveigu Gestsdóttur, f. 13.júní 1952. Guðný er fædd og uppalin í Múla í Aðaldal, foreldrar hennar voru Heiðveig Sörensdóttir, f. 6.maí 1914, d. 2.mars 2002 og Gestur Kristjánsson, f. 10.nóvember 1906, d. 9.ágúst 1990. Strax vorið eftir þau kynni flutti Aðalgeir í Múla, fór að taka þátt í búskapnum af fullum krafti ásamt því að sinna vinnu við Laxárvirkjun. Aðalgeir og Guðný opinberuðu um páskana 1971 og giftu sig 2. apríl 1972. Þau hófu félagsbúskap ásamt foreldrum Guðnýjar og keyptu síðar af þeim eignir þeirra í Múla eftir að þau hættu búskap árið 1986 og fluttu til Húsavíkur. Aðalgeir og Guðný bjuggu alla tíð í Múla meðan heilsan leyfði. Þau seldu jörðina í sumarið 2021 og fluttu til Akureyrar. Alli og Guðný í Múla voru með fjölmörg börn í sumardvöl í sveit og eins voru þau með fósturbörn bæði til skemmri og lengri tíma. Þrjú af þeim börnum fengu varanlegt aðsetur hjá þeim hjónum í Múla og má svo sannarlega segja að þau hafi dottið í lukkupottinn, Ólafur Svanur Ingimundarson, f. 3.ágúst 1965, Einar Jóhann Sigurðsson, f. 6. ágúst 1983 og Aðalheiður Ágústa Jónsdóttir, f. 2. október 1987. Ólafur Svanur er kvæntur Emmu Gísladóttur, f. 17.maí 1967 og eiga þau tvo syni Gísla Ólaf og Jón Aðalgeir og 6 barnabörn. Einar Jóhann er kvæntur Þórhildi Einarsdóttur, f. 31. ágúst 1983, og eiga þau tvö börn saman Kristján Guðna og Heiðveigu Halldóru. Einar á einnig dóttur úr fyrra sambandi, Lilju Dögg, f. 3.mars 2005. Aðalheiður er gift Sigmundi Birgi Skúlasyni, f. 19.maí 1982 og eiga þau þrjú börn Heiðar Inga, Fannar Atla og Margréti Guðnýju. Aðalgeir lést á hjúkrunarheimilinu Lögmannshlíð 12.júlí s.l. og útför hans fór fram miðvikudaginn 24.júlí kl 14:00 frá Grenjaðarstaðarkirkju í Aðaldal. Elsku afi okkar, við vitum ekki hvernig okkur á að líða, þetta er allt svo skrýtið.
Athugasemdir