Fá 12 mánaða viðbótarfest til að hefja framkvæmdir við Naustagötu
Meirihluti skipulagsráðs Akureyrarbæjar hefur samþykkt að framlengja frest N13 fasteignaþróun ehf til framkvæmda við lóð númer 13 við Naustagötu. Lóðin er á móts við hringtorg milli Nausta- og Hagahverfa.
Mynd- Skjáskot af ja.is
Meirihluti skipulagsráðs Akureyrarbæjar hefur samþykkt að framlengja frest N13 fasteignaþróun ehf til framkvæmda við lóð númer 13 við Naustagötu. Um er að ræða lóð fyrir verslun- og þjónustu sem fyrst var auglýst árið 2017 en ekki hefur enn tekist að laða að starfsemi í væntanlegt hús. Að mati skipulagsráðs er mikilvægt að á lóðinni byggist upp starfsemi sem nýtist hverfinu en undirbúningur þarfnist tímafreks undirbúnings.
Lóðarhafar hafa frá því lóðinni var úthlutað unnið með Akureyrarbæ að breytingum á bæði aðal- og deiliskipulagi svæðisins. Í almennum byggingarskilmálum miðast framkvæmdafrestur almennt við 12 mánuði frá úthlutun en þegar samþykkt hefur verið að fara í breytingar á skipulagi hefur almenna reglan verið sú að fresturinn byrji ekki að telja fyrr en deiliskipulag lóðar tekur gildi með auglýsingu í B deild Stjórnartíðinda.
Breyting á deilskipulagi Naustagötu 13 tók gildi með auglýsingu þar 15. júlí 2026 og miðað við það telst framkvæmdafrestur vera til 15. júlí 2027. Lóðarhafar óska eftir viðbótarfresti upp á allt að 12 mánuði til viðbótar. Í almennum byggingarskilmálum kemur fram að skipulagsráð geti framlengt fresti ef það telur góðar og gildar ástæður til þess.
Nýtt og óþarft fordæmi
Sindri S. Kristjánsson S-lista og Ásrún Ýr Gestsdóttir V-lista bókuð á fundi skipulagsráðs að þau væru sammála fyrri hluta bókunar ráðsins um að mikilvægt sé að á lóðinni byggist upp starfsemi sem nýtist hverfinu og að fyrir liggi að undirbúningur slíkrar uppbyggingar þarfnist tímafreks undirbúnings.
„Á sama tíma teljum við aðstæður ekki vera með þeim hætti að þörf sé á að veita lengri framkvæmdafrest en 12 mánuði eins og venjan er. Hér er verið að setja nýtt og óþarfa fordæmi. Ekkert er því til fyrirstöðu að veita annan frest að venjubundnum tólf mánuðum liðnum sýni lóðarhafi fram á að framgangur sé í verkefninu,“ segir í bókun Sindra og Ásrúnar.
Viðræður standa yfir
Lóðarhafi N13 fasteignaþróun nefnir nokkur rök fyrir því að nauðsynlegt sé að fresta framkvæmdum enn um sinn. Þar koma við sögu tafir og breytingar, en skipulagsferli og viðræður við Akureyrarbæ hafi tekið langan tíma. Eins nefnir félagið að ólíkt því sem gildir um íbúðarhúsnæði þurfi að tryggja leigutaka áður en framkvæmdir hefjist.
Fram kemur í erindi félagsins að lagðar hafi verið fram tillögur um leiguhúsnæði fyrir ríkisstofnanir í umræddu húsi og að það eigi í viðræðum við aðra mögulega leigutaka, matvörukeðju. Þörf sé fyrir þjónustu í vaxandi hverfi, þá sé fjármögnun tryggð og lóðarhafi nefnir einnig að hann búi yfir mikilli reynslu af svipuðum verkefnum.
Verði frestinum hafnað telur lóðarhafi sig neyddan til að falla frá áformum um þjónustu- og verslunarmiðstöð á lóðinni og reisa þess í stað íbúðarhúsnæði segir í erindinu. Ekki kemur til þess þar sem félagið hefur fengið frest til að hefja framkvæmdir á lóðinni fram í miðjan júlí árið 2028.
Nýjast
-
Málþing um einhverfu fullorðinna - hvað þarf að breytast?
Á málþinginu verður fjallað um stöðu fullorðins einhverfs fólks, geðheilbrigðisþjónustu og stuðningsúrræði. Sjónum verður beint að faglegri þekkingu, opinberum úttektum og tillögum til úrbóta, auk reynslu einhverfs fólks og aðstandenda. -
Næstu skref tekin í stækkun verknámshúss VMA
Inga Sæland, mennta- og barnamálaráðherra, og Berglind Ósk Guðmundsdóttir, bæjarstjóri Akureyrarbæjar, undirrituðu í dag viljayfirlýsingu um stækkun verknámshúss Verkmenntaskólans á Akureyri (VMA). Með yfirlýsingunni tekur Akureyrarbær að sér umsjón með undirbúningi og framkvæmd verkefnisins. -
Fá 12 mánaða viðbótarfest til að hefja framkvæmdir við Naustagötu
Meirihluti skipulagsráðs Akureyrarbæjar hefur samþykkt að framlengja frest N13 fasteignaþróun ehf til framkvæmda við lóð númer 13 við Naustagötu. Um er að ræða lóð fyrir verslun- og þjónustu sem fyrst var auglýst árið 2017 en ekki hefur enn tekist að laða að starfsemi í væntanlegt hús. Að mati skipulagsráðs er mikilvægt að á lóðinni byggist upp starfsemi sem nýtist hverfinu en undirbúningur þarfnist tímafreks undirbúnings. -
Hvers konar Ísland viljum við byggja?
Dómsmálaráðherra hefur nú sett breytingar á kosningakerfinu á dagskrá. Tillögur starfshóps ráðherra, sem birtar voru í gær, miða að því að hvert atkvæði vegi sem jafnast, óháð búsetu. Það er mikilvægt lýðræðislegt markmið og ég ber virðingu fyrir því fræðafólki sem sat í starfshópnum. En þegar við breytum kosningakerfinu erum við ekki aðeins að ákveða hvernig atkvæði eru talin. Við erum líka að móta hvernig ólíkir landshlutar tengjast löggjafarvaldinu og hvernig pólitískt vald dreifist um landið og um leið þá hvernig ólíkir landshlutar upplifa inn hlut í stjórnarháttum og stjórnsýslu. -
Samningur milli Reita og FSRE um hjúkrunarheimili á Akureyri
Framkvæmdasýslan – Ríkiseignir (FSRE) hefur samþykkt tilboð Reita í uppbyggingu hjúkrunarheimilis á Akureyri og aðilarnir gert með sér samning um verkefnið. Tilkynnt var í júní fyrr á þessu ári að FSRE hefði metið tilboð Reita hagstæðast með tilliti til verðs og afhendingartíma. Hjúkrunarheimilið verður byggt upp við Þursaholt 6, verður um 9.100 fermetrar að stærð og mun rúma 140 íbúa. -
Kanna uppbyggingu hreinsistöðvar neðan við suðurbæinn
Orkuveita Húsavíkur vinnur að kostnaðar- og tæknimati vegna mögulegrar uppbyggingar tveggja eða þriggja þrepa hreinsistöðvar við fráveituútrás í Þorvaldsstaðargili, við sláturhús Norðlenska sunnan Húsavíkur. Niðurstaðan mun ráða því hvort framkvæmdin verður sett á framkvæmdaáætlun ársins 2027 eða 2028. -
Bæjarstjórn Akureyrar kallar eftir auknu fjármagni frá ríkinu
Bæjarstjórn Akureyrar telur að ýmis jákvæð atriði sé að finna í fjárlagafrumvarpi ríkisstjórnarinnar fyrir árið 2027, en kallar jafnframt eftir auknu fjármagni til verkefna sem sveitarfélög bera ábyrgð á. Þetta kom til umræðu á fundi bæjarstjórnar s.l. þriðjudag. -
Frá hugmynd að leik á tveimur dögum
Leikjadjamm verður haldið á Húsavík dagana 18. og 19. september þar sem þátttakendur fá tækifæri til að þróa eigin leik frá grunni. Engin reynsla af leikjagerð eða forritun er nauðsynleg og leikurinn þarf alls ekki að vera tölvuleikur. Að sögn Stefá... -
,,Ekki aðeins spurning um starfsleyfi eða stjórnsýslulega meðferð"
Eins og fram hefur komið lá fyrir í gær niðurstaða Úrskurðarnefndar umhverfis- og auðlindamála um starfsleyfi fiskþurrkunar Samherja á Laugum. Í úrskurðinum kemur fram að felld sé úr gildi ákvörðun heilbrigðisnefndar Norðurlands eystra frá 3. júní 2026 um að gefa út starfsleyfi til Samherja Íslandi ehf. fyrir heitloftsþurrkun fiskafurða á lóð Austurhlíðarvegar 2 á Laugum. Katrín Sigurjónsdóttir sveitarstjóri Þingeyjarsveitar skrifar um málið á heimasíðu sveitarfélagsins,.
