Engar vísbendingar um hækkað sýrustig í Eyjafirði
Sýni voru tekin við afrennsli verksmiðjunnar, við ströndina milli Oddeyrartanga og Krossaness, framan Oddeyrartanga og á miðjum firðinum framundan
verksmiðjunni í Krossanesi. Sýnin eru því tekin á svæði allt frá fjörunni við verksmiðjuna í um 3 kílómetra
fjarlægð, segir í fréttatilkyningu frá stjórn Becromal Iceland ehf.
Í meðfylgjandi niðurstöðuyfirliti frá Matís er vísað til þess að þau sýrustigsgildi sem sýnin sýndu séu
innan eðlilegra marka fyrir sjó.
Aðgerðir skila árangri
Verksmiðja Becromal losar í dag á bilinu 30-70 rúmmetra af frárennsli í sjó á klukkustund og er þar að meginuppistöðu um
að ræða skolvatn sem notað er til þrifa á vélbúnaði verksmiðjunnar. Fyrsta vél verksmiðjunnar var gangsett sumarið 2009 og
síðan þá hafa að jafnaði 3 vélar bæst við í hverjum mánuði. Með auknum vélbúnaði hefur frárennslisvatn
eðlilega aukist og síðustu vikur varð vart við tíðari sveiflur í sýrustigsgildi þess. Samkvæmt starfsleyfi Becromal eiga
sýrustigsmörk í affalli hennar að vera á bilinu 6,5 til 9,5 en í einstökum tilvikum fóru sýrustigsgildi upp fyrir þessi mörk og
niður fyrir þau. Þetta gerðist í skamman tíma í senn.
Búnaði í verksmiðjunni er ætlað að bregðast við sveiflum sem þessum og jafna sýrustig affallsins. Þegar ljóst var að hann
reyndist hann ekki ráða við sveiflurnar var ráðist í verulegar endurbætur og breytingar kerfinu til að tryggja að frárennsli væri alltaf
innan marka. Þessu verkefni var lokið á föstudag og hefur frárennsli síðan verið stöðugt og innan vel innan marka. Þrátt fyrir
það verður gripið til enn frekari öryggisráðstafana á þessum þætti í verksmiðjunni í framhaldinu þannig að
þrepaskipt öryggiskerfi bregðist við ef eitthvað ber út af í búnaði.
Brugðist við athugasemdum Umhverfisstofnunar
Með þessum aðgerðum hefur fyrirtækið tryggt af fremsta megni úrbætur á athugasemdum Umhverfisstofnunar frá því á föstudag hvað varðar sýrustigsmörk í frárennsli. Breyting hefur einnig verið gerð á verkferlum til að tryggja að tilkynningar verði samstundis sendar stofnuninni ef frávik verða á sýrustigsgildi í affallsvatninu. Í þriðja lagi er væntanlegur búnaður til landsins í vikunni sem hefur þann tilgang að vakta stöðugt fósfór, en leiðnimælir hefur þegar verið settur upp. Í tilkynningu Umhverfisstofnunar sl. föstudag voru þessi þrjú atriði tilgreind sem brot á starfsleyfi Becromal. Fyrirtækið hefur brugðist strax við með úrbótum, eins og áður segir, og mun kynna þær Umhverfisstofnun í samræmi við bréf hennar til Becromal Iceland ehf. á föstudag.
Stjórn Becromal Iceland ehf. lýsir ánægju með að sýni úr sjó í nágrenni verksmiðjunnar sanni að frávik frá sýrustigsmörkum í frárennsli hennar hafi ekki haft áhrif á lífríki sjávarins. Samt sem áður lítur stjórnin atburðarrás síðustu daga alvarlegum augum og allt verður gert til að slíkt endurtaki sig ekki í framtíðinni. Aflþynnuverksmiðja Becromal Iceland ehf. er í eðli sínu jákvæð fyrir umhverfið og öllu skiptir að bæði almenningur, stjórnvöld og starfsfólk geti borið fullt traust til fyrirtækisins og starfseminnar, segir ennfremur í fréttatilkynninguni.
Nýjast
-
Skýr og lausnamiðuð afstaða Framsóknar til veiðigjalda
Framsókn hefur tekið skýra og málefnalega afstöðu í umræðunni um veiðigjöld. Við styðjum heilshugar réttmæta kröfu samfélagsins um að sameiginleg sjávarauðlind þjóðarinnar skili arði sem gagnast samfélaginu öllu. Hins vegar skiptir máli hvernig það er gert. Óvönduð skattheimta getur skaðað atvinnulíf, dregið úr nýsköpun og veikt byggðir sem byggja afkomu sína á sjávarútvegi. -
Farsæld í brennidepli – öll eru velkomin! Sjónaukinn 2025
Í heimi þar sem hraði breytinga og flókin samfélagsmál eru daglegt brauð, skiptir máli að staldra við og beina sjónum að því sem skiptir mestu máli: farsæld fólks. Ráðstefnan Sjónaukinn 2025, sem haldin verður við Háskólann á Akureyri dagana 19. og 20. maí, leitast við að varpa ljósi á fjölbreyttar leiðir til að efla samfélagslega velferð og vellíðan. Undirtónn ráðstefnunnar er skýr: Við höfum öll hlutverki að gegna – og með samvinnu getum við skapað samfélag þar sem enginn er skilinn eftir. -
Vel heppnaður Súpufundur atvinnulífsins haldinn á Múlabergi
Í hádeginu í gær fór fram vel heppnaður Súpufundur atvinnulífsins á Múlabergi, Hótel KEA, þar sem stjórnendur um fimmtíu fyrirtækja og stofnana komu saman til að ræða framtíð atvinnulífsins á svæðinu. -
Ársfundur HSN Jákvæð þróun þrátt fyrir áskoranir í rekstri
Ársfundur Heilbrigðisstofnunar Norðurlands (HSN) fór fram í Hofi á Akureyri þriðjudaginn 13. maí 2025. Þar voru kynntar niðurstöður fyrir rekstrarárið 2024. Þrátt fyrir áskoranir í rekstri varð þó mjög jákvæð þróun í starfsemi, þjónustu og mannauðsmálum sem gefur tilefni til bjartsýni fram veginn. -
Auðlindirnar í þjóðareign.
Margir biðu spenntir eftir því að Alþingi tæki til starfa eftir páskafrí þingmanna og ég var þeirra á meðal. Á dagskrá þingsins voru hugmyndir um að hækka talsvert skatta sem lagðir eru á sjávarútveginn umfram aðra atvinnuvegi. Mér fannst þetta áhugaverð hugmynd og hlakkaði til að hlusta á upplýsandi umræðu um auðlindir og auðlindanýtingu. Ég kom mér því notalega fyrir við sjónvarpsskjáinn áður en Silfrið byrjaði í sjónvarpi Ríkisútvarpsins fyrsta mánudag eftir frí þingmanna. -
Fimm tilboð í göngubrú
Fimm tilboð bárust í byggingu á nýrri steinsteyptri göngubrú í götustæði Borgarbrautar, auk stígagerðar að aðliggjandi stígum, uppsetningu á grjótkörfum, stoðveggjum og uppsetningu á lýsingu. -
Feðgar útskrifast með stúdentspróf
Upp er runninn síðasti kennsludagur þessarar vorannar 2025. Í mörg horn hefur verið að líta síðustu daga fyrir bæði kennara og nemendur enda þarf að ljúka við hin ýmsu verkefni og einnig eru próf í mörgum námsáföngum. Fram undan eru námsmatsdagar og punkturinn verður síðan settur yfir i-ið með brautskráningu í Menningarhúsinu Hofi laugardaginn 24. maí. -
Nýtt diplómanám við HA fyrir fólk með fjölþættar stuðningsþarfir
Háskólinn á Akureyri leitar að brautryðjendum sem langar að taka þátt í spennandi þróunarverkefni og hefja nám við skólann. -
Krúttlegasta hjólamót árins haldið á Akureyri á sunnudaginn
Krónan, Akureyrardætur og Hjólreiðafélag Akureyrar standa fyrir hjólamóti fyrir krakka á aldrinum 2 til 12 ára og fer mótið fram í Kjarnaskógi sunnudaginn 18. maí næstkomandi. Um er að ræða fyrsta hjólamótið sem Krónan heldur á Akureyri en mótið er haldið að fyrirmynd Krónumótsins í Öskjuhlíð sem er orðinn árlegur viðburður í september ár hvert. Skráning á mótið er hafin og eru öll börn velkomin.