Elly á stóran stað í hjörtum fólks
Margrét Blöndal Mynd:Karl Eskil
Elly Vilhjálms var um sína daga dáðasta söngkona þjóðarinnar og list hennar tengist því besta sem til er í íslenskri dægurtónlist. Söngurinn var fágaður, túlkunin hógvær og ígrunduð, röddin mjúk og hlý. Svo vel vandaði hún til verka að allt hljómaði þetta eins og hún þyrfti ekkert fyrir því að hafa. Margrét Blöndal fjölmiðlakona með meiru hefur skrifað ævisögu Ellyjar.
Já, þetta er fyrsta bókin mín. Ég fékk einn daginn símtal frá Senu, þar sem ég var beðin um að taka þetta verkefni að mér og af því að ég er bjartsýn að eðlisfari samþykkti ég strax að skrifa ævisögu Ellyjar. Ég hófst þegar handa, bretti upp ermarnar og hélt af stað með bros á vör. Fljótlega komst ég þó að því að þetta var nokkuð stórt verkefni, stærra en mig grunaði og ég fékk að fresta útgáfunni um eitt ár.
Þú hefur væntanlega þekkt eitthvað til Ellyjar ?
Nei það er nú varla hægt að segja það. Ég þekkti náttúrulega lögin hennar og hef alltaf dáðst af söng hennar eins og svo margir aðrir. Ég vissi líka að hún var afskaplega falleg kona en um lífsferil hennar vissi ég hins vegar lítið sem ekkert. Þannig að ég byrjaði nánast á upphafsreit. Hins vegar var ég svo heppin að viðmælendur mínir tóku mér afskaplega vel, allir vildu rétta mér hjálparhönd, þannig að heimildarvinnan gekk ágætlega. Framan af efaðist ég þó oft um að ég væri á réttri leið og oft staldraði ég við og ég spurði sjálfa mig hvernig Elly hefði litist á það sem komið var inn í tölvuna.
Ellý lifir
Söngur Ellýjar mun örugglega hljóma um ókomin ár, ég er sannfærð um það. Söngur hennar er til dæmis notaður til að endurskapa ákveðnar minningar hjá fólki, til dæmis við útfarir. Sömu sögu er að segja um giftingar og aðrar hátíðlegar stundir. Hún á svo stóran stað í hjörtum fólks, þannig að hún mun syngja fyrir okkur um ókomin ár.
Varð feimin
Auðvitað var á vissan hátt erfitt að setja punktinn við söguna og senda handritið til yfirlestrar í síðasta sinn. Ég hafði frábæran ritstjóra mér við hlið, Þorvald Kristinsson og án hans hefði ég ekki náð að gera mitt besta. Viðtökurnar hafa verið yndislegar en auðvitað á eftir að koma í ljós hvort mitt besta er nógu gott.
Hvernig tilfinning er það að sjá bókina sína eftir alla þessa vinnu?
Satt best að segja varð ég óskaplega feimin og það er ólíkt mér. Ég bjóst við að ég færi að skæla, nú eða hoppa af kæti en hvorugt gerðist og það tók mig hálfan mánuð að meðtaka þá staðreynd að bókin væri komin út. En núna er gleðin að ná yfirhöndinni. Mér finnst bókin falleg og ég vona að hún sé verðugur minnisvarði um þessa einstöku konu.
Nánar er rætt við Margréti í prentútgáfu Vikudags
Nýjast
-
Sjómannadagur.
Àrlega hőldum við sjómannadaginn hátíðlegan. Við hugsum til sjómanna, sem finnast í flestöllum ef ekki öllum íslenskum fjölskyldum, heiðrum þá og gleðjumst með þeim. Það er misjafnt hve mikinn þátt fólk tekur í þessum hátíðarhöldum. Sumir fylgjast vel með dagskrá hátíðarhaldanna, á meðan aðrir láta sér nægja eitthvað betra með kaffinu. -
Norðurslóðir, stríð og hnattræn hlýnun
Aukin spenna í alþjóðamálum hefur haft mikil áhrif á þróun mála á Norðurslóðum. Ríki sem þar eiga hagsmuna að gæta þurfa að fylgjast vel með og vera reiðubúin að bregðast við öðrum vendingum á svæðinu. Á meðan hnattræn hlýnun ógnar umhverfi, samfélögum og opnun skipaleiða – þá hefur innrásarstríð Rússa í Úkraínu leitt til þess að vonir um friðsæl samskipti á Norðurslóðum hafa dvínað verulega. -
Bakþankar bæjarfulltrúa Í guðanna bænum
Ég er enn í sjokki. Taugaáfalli. Og tilefnið, Jú, í gær varð ég barni að bana – næstum því. Veit ekki enn hvaða kraftaverk kom í veg fyrir þá miklu óhamingju. Öskur eða eitthvað sem undirmeðvitundin skynjaði - þótt augað sæi ekki. Tildrögin. Ég var að koma niður Krákustíg hjá Amtsbókasafninu þegar eitthvað skaust á örskotshraða fyrir steyptan garðvegginn, niður gangstéttina með fram Oddeyrargötu. -
Að efla þéttbýli eða vinna gegn því
Á síðustu 20 árum hefur íbúum á Íslandi fjölgað um tæp 100 þúsund eða um þriðjung (33%). Langstærstur hluti þessar fjölgunar hefur átt sér stað á suðvesturhorni landsins. Ef skoðuð er íbúaþróun í þeim sveitarfélögum sem í dag mynda sveitarfélagið Þingeyjarsveit, en voru fyrir aldarfjórðung 6 hreppir, kemur upp ólík mynd. Þann 1. janúar 2005 töldu sveitarfélögin (þá þrjú) 1.399 manns en þann 1. janúar sl. bjuggu 1.453 Þingeyjarsveit. Því hefur íbúum fjölgað hér um tæp 4% á sama tíma og landsmönnum fjölgaði um þriðjung. -
Framkvæmdasjóður ferðamannastaða Verkefni í Glerárdal og Hlíðarfjalli fá 46 milljónir
Tveir styrkir komu í hlut Akureyrarbæjar við úthlutun úr Framkvæmdasjóði ferðamanna, samtals um 46 milljónir króna. -
GeoSilica hefur framleiðslu á Þeistareykjum
GeoSilica færir út kvíarnar og hefur starfsemi í nýju húsi á fjölnýtingarlóð Landsvirkjunar á Þeistareykjum komandi haust. Fyrirtækið hefur samið við Landsvirkjun um leigu á húsinu, afhendingu auðlindastrauma á Þeistareykjum og samstarf til næstu áraSamstarfið markar upphaf fjölnýtingar á Þeistareykjum til framtíðar. -
Bjargvættir framtíðarinnar á Húsavík
Unglingadeild Björgunarsveitarinnar Garðars er afar öflug -
Rausnarleg gjöf frá nemendum Síðuskóla til barnadeildar SAk
Barnadeild Sjúkrahússins á Akureyri fékk á dögunum einstaka gjöf þegar nemendur í 5., 6. og 7. bekk Síðuskóla ákváðu að leggja 550.000 krónur inn á styrktarreikning deildarinnar. Upphæðin safnaðist með sölu á handverki og veitingum sem nemendur stóðu fyrir á Barnamenningarhátíð í apríl. -
Metár umsókna við Háskólann á Akureyri
Umsóknir í Háskólann á Akureyri hafa aldrei í sögu skólans verið fleiri, en alls bárust um 2.340 umsóknir að þessu sinni. Þetta er um 15% aukning frá síðasta ári og rúmlega 8% aukning frá árinu 2018, sem var fyrra metár umsókna við háskólann.
