Eining-Iðja Heldur fleiri hafa áhyggjur af fjárhagsstöðu sinni
„Það virðist heldur hafa sigið á ógæfuhliðina,” segir Björn Snæbjörnsson formaður Einingar-Iðju en heldur fleiri félagsmenn hafa frekar eða mjög miklar áhyggjur af fjárhagsstöðu sinni. Félagið í samstarfi við AFL starfsgreinafélag fékk Gallup til að framkvæmda könnun um ýmis atriði er snerta kaup, kjör og aðstæður félagsmanna sinna.
Fram kom í könnuninni að um 38% þeirra sem svöruðu höfðu frekar eða mjög miklar áhyggjur af sinni fjárhagsstöðu, sem er aukning um 3% frá fyrra ári. Tæplega 30% þeirra sem svöruðu höfðu litlar eða engar fjárhagsáhyggjur.
Spurt var hvort félagsmenn hefðu frestað því að leita til læknis eða tannlæknis eða sleppt því að kaupa lyf. Tæplega 27% þeirra sem svöruðu höfðu frestað læknaheimsókn sem eru fleiri en árið á undan þegar 22% kváðust hafa frestað því að fara til læknis. Örlítið fleiri höfðu slegið tannlæknaheimsókn á frest, tæplega 39% svarenda á móti um 36% árið áður. Aðeins færri höfðu sleppt því að leysa út lyf samkvæmt könnuninni fyrir síðastliðið ár miðað við árið á undan.
Fleiri í erfiðleikum með að standa í skilum
Fram kom að ríflega 18% þeirra sem svöruðu höfðu átt í erfiðleikum með að standa í skilum með lán sín og eru það fleiri en var í sambærilegri könnun fyrir árið 2021 þegar tæplega 13% voru í erfiðleikum með að greiða af sínum lánum. Um 20% þeirra sem þátt tóku höfðu leitað eftir fjárhagsaðstoð, flestir höfðu leita á náðir ættingja eða vina til að ná endum saman.
„Heilt yfir er það um fimmtungur félagsmanna sem eiga í erfiðleikum samkvæmt þessari könnun, það er alveg ljóst að margir hafa það ekki gott. Fólk finnur vel fyrir dýrtíðinni sem ríkir um þessar mundir, það hefur allt hækkað svo um munar, vextir, leiga, matvæli, bara allt sem fólk þarf til að komast af,“ segir hann en bætir við að launahækkun sem fékkst í kjarasamningum fyrir áramót hafi skilað sér til þeirra sem mest þurftu á að halda og það sé jákvætt.
Útlendingar standa höllum fæti
Björn segir að þegar nánar sé rýnt í tölur í könnuninni komi í ljós að þeir sem eigi erfiðast með að standa í skilum sé sá hópur sem svaraði könnuninni á erlendu tungumál og eins hafi verið áberandi fólk sem starfi við veitinga- og þjónustustörf. „Það segir okkur að útlendingar í okkar samfélagi standa höllum fæti, þetta er talsverður hópur og hann hefur í nokkur mæli leitað eftir aðstoð hjá sínum nánustu,“ segir Björn.
Þá nefnir hann einnig að augljóst sé að yngra fólkið neiti sér frekast um að fara til tannlæknis, en í hópnum 24 til 35 ára höfðu 56% svarenda frestað för til tannlækna síðastliðið ár. „Þetta er barnafólkið, sem hefur mikið á sinni könnu og greinilegt að aðrir hlutir eru settir í forgang.“
Sambærileg könnun hefur verið gerð undanfarin 12 ár. Haft var samband við 3000 félagsmenn sem valdir voru af handahófi úr félagaskrám þessara tveggja félaga, 1500 í hvoru félagi. Könnuninn var gerð í október og nóvember.
Nýjast
-
Tvö ný fræðsluskilti í Grímsey
Í vikunni voru sett upp tvö skilti í Grímsey tengd Norðurstrandarleiðinni (e. Arctic Coast Way) sem greina annarsvegar frá eðli heimskautsbauganna og hinsvegar sögu Grímseyjar. -
Mærudagar á Húsavík fagna 30 ára afmæli með mikilli skemmtidagskrá
Í ár fagnar bæjarhátíðin Mærudagar á Húsavík sínu 30. afmæli með fjölbreyttri og spennandi skemmtidagskrá fyrir alla aldurshópa. -
Endurnýjun á dreifilögn í Reykjahverfi
Orkuveita Húsavíkur er í framkvæmdum en verið er að endurnýja dreifilögn hitaveitu á rúmlega 3 km kafla í Reykjahverfi frá Smiðjuteig að Skógum -
Ánægja með gott Listasumar 2024
Mikil og góð stemning var í Listagilinu síðasta laugardag þegar þar var haldið hið svokallaða Karnivala eða lokahátíð Listasumars 2024 -
Grunnskólinn á Raufarhöfn í yfirhalningu
Gengið hefur verið frá samningi við verktaka um að mála húsið -
Andrea Fáfnis Ólafs og Viðar Breiðfjörð með samsýningu á Mærudögum
Andrea Fáfnis Ólafs og Viðar Breiðfjörð halda samsýningu í Hlyn við Garðarsbraut yfir Mærudagana. Listamennirnir eiga bæði ættir og barnæsku að rekja til Húsavíkur. -
Aðalgeir Heiðar Karlsson - Minningarorð
Aðalgeir Heiðar Karlsson fæddist 1.október 1948 á Húsavík. Hann var sonur útgerðarhjónanna Heru Sigurgeirsdóttur f. 22. maí 1916, d. 8. ágúst 1999 og Karls Óskars Aðalsteinssonar, f. 8. maí 1912, d. 24. jan. 1982. Aðalgeir var yngstur fimm systkina sem eru í aldursröð: Sigurbjörg Guðrún, f. 6. feb. 1935, d. 26. maí 2019, Sigrún Ólöf f. 22. jan. 1937, Aðalsteinn Pétur f. 27. okt. 1943, d. 15. júlí 2008 og Óskar Eydal f. 27. nóv. 1944, d. 14. apríl 2017. Karl Óskar Geirsson f. 28. nóv. 1955, sonur Sigrúnar, ólst einnig upp í Höfða og var alltaf eins og einn af systkinunum. Alli var af mikilli sjómannaætt en var mjög lítið á sjó en vann landvinnu. Hann var snöggur til að ráða sig til vinnu þegar Norðurverk hóf störf við gerð Laxárvirkjunar 3 og vann þar fram að verklokum sem bílstjóri á borbíl og sem sprengju sérfræðingur. Við Laxárvirkjun kynnist hann eftirlifandi eiginkonu sinni, Guðnýju Heiðveigu Gestsdóttur, f. 13.júní 1952. Guðný er fædd og uppalin í Múla í Aðaldal, foreldrar hennar voru Heiðveig Sörensdóttir, f. 6.maí 1914, d. 2.mars 2002 og Gestur Kristjánsson, f. 10.nóvember 1906, d. 9.ágúst 1990. Strax vorið eftir þau kynni flutti Aðalgeir í Múla, fór að taka þátt í búskapnum af fullum krafti ásamt því að sinna vinnu við Laxárvirkjun. Aðalgeir og Guðný opinberuðu um páskana 1971 og giftu sig 2. apríl 1972. Þau hófu félagsbúskap ásamt foreldrum Guðnýjar og keyptu síðar af þeim eignir þeirra í Múla eftir að þau hættu búskap árið 1986 og fluttu til Húsavíkur. Aðalgeir og Guðný bjuggu alla tíð í Múla meðan heilsan leyfði. Þau seldu jörðina í sumarið 2021 og fluttu til Akureyrar. Alli og Guðný í Múla voru með fjölmörg börn í sumardvöl í sveit og eins voru þau með fósturbörn bæði til skemmri og lengri tíma. Þrjú af þeim börnum fengu varanlegt aðsetur hjá þeim hjónum í Múla og má svo sannarlega segja að þau hafi dottið í lukkupottinn, Ólafur Svanur Ingimundarson, f. 3.ágúst 1965, Einar Jóhann Sigurðsson, f. 6. ágúst 1983 og Aðalheiður Ágústa Jónsdóttir, f. 2. október 1987. Ólafur Svanur er kvæntur Emmu Gísladóttur, f. 17.maí 1967 og eiga þau tvo syni Gísla Ólaf og Jón Aðalgeir og 6 barnabörn. Einar Jóhann er kvæntur Þórhildi Einarsdóttur, f. 31. ágúst 1983, og eiga þau tvö börn saman Kristján Guðna og Heiðveigu Halldóru. Einar á einnig dóttur úr fyrra sambandi, Lilju Dögg, f. 3.mars 2005. Aðalheiður er gift Sigmundi Birgi Skúlasyni, f. 19.maí 1982 og eiga þau þrjú börn Heiðar Inga, Fannar Atla og Margréti Guðnýju. Aðalgeir lést á hjúkrunarheimilinu Lögmannshlíð 12.júlí s.l. og útför hans fór fram miðvikudaginn 24.júlí kl 14:00 frá Grenjaðarstaðarkirkju í Aðaldal. Elsku afi okkar, við vitum ekki hvernig okkur á að líða, þetta er allt svo skrýtið. -
Þyrla sótti slasaða hjólreiðarmenn í Jökulsárgljúfur
Laust eftir hádegi í dag kom tilkynning til lögreglu og sjúkraflutningamanna á Húsavík um reiðhjólaslys við Jökulsárgljúfur. Þar hafi reiðhjólamaður fallið fram af kletti og þá hafði samferðamaður hans einnig slasast við að reyna að koma honum til aðstoðar -
Mæðgur hafa stjórnað kórum í samanlagt 71 ár
Kynslóðir kórfélaga frá Hóffý og Ástu sameinast og halda saman tónleika í Húsavíkurkirkju
Athugasemdir