Einbúavirkjun í Skjálfandafljóti
Myndir Verkis/aðsend.
„Það kemur á óvart hversu margir voru hlynntir virkjuninni, fylgi við hana hefur aukist umtalsvert frá því umræður um hugsanlega virkjun í Einbúa voru fyrst settar fram fyrir nokkrum árum. Það er stuðningur við Einbúavirkjun í öllum póstnúmerum í Þingeyjarsveit,“ segir Eyþór Kári Ingólfsson oddviti E-listans í sveitarstjórn Þingeyjarsveitar um skoðanakönnun sem Maskína gerði fyrir Litluvelli ehf. um viðhorf íbúa til Einbúavirkjunar í Skjálfandafljóti. Könnunin náði til 500 þátttakenda. Íbúar Þingeyjarsveitar eru um 1.500 talsins.
Áform hafa verið uppi um gerð Einbúavirkjunar í Bárðardal um nokkurra ára skeið. Um er að ræða 9,8 MW rennslisvirkjun í Skjálfandafljóti í landi jarðanna Kálfborgarár og Einbúa í Bárðardal. Verði af framkvæmdum stendur til að nýta um 24 metra fall á um það bil 2,6 kílómetra kafla fljótsins. Markmið Einbúavirkjunar er samkvæmt matsskýrslu að stuðla að arðbærri framleiðslu rafmagns á Norðurlandi sem leitt geti til áframhaldandi vaxtar og uppbyggingar atvinnulífs á svæðinu.
Fram kemur í viðhorfskönnun Maskínu að 62% þeirra sem svöruðu töldu að virkjunin hefði góð áhrif á nærsamfélagið. Þegar spurt var um viðhorf til virkjunarinnar svöruðu um 57% að þeir væru mjög eða frekar hlynntir framkvæmdinni. Tæp 25% voru mjög eða frekar andvígir henni.
Unga fólkið ólíklegast til að hafna virkjuninni
Eyþór Kári segir að stuðningur við Einbúavirkjun hafi aukist frá því hugmyndir voru fyrst settar fram fyrir fáeinum árum og eigi það við um öll póstnúmer í sveitarfélaginu. Minnstur sé munurinn á Laugum, en sé þó engu að síður þannig að um 50% þeirra sem svara og búa þar eru hlynntir virkjuninni og um 30% á móti. „Það sem kom mér nokkuð á óvart er mikið fylgi virkjunarinnar meðal ungs fólks í sveitarfélaginu. Það er ólíklegast að hópurinn á aldrinum 18 til 29 hafni því að virkjunin fari inn á skipulag,“ segir hann.
Eyþór Kári Ingólfsson oddviti E-listans í sveitarstjórn Þingeyjarsveitar
Málið hefur ekki fengið formlega afgreiðslu í sveitarstjórn að sögn Eyþórs Kára en að minnsta kosti þrír fulltrúar í sveitarstjórn hafa lýst yfir vilja til að svo verði. „Við höfum nú þessa könnun sem sýnir að meirihluti íbúa, um 62% vill að virkjunin fari inn á skipulag, vilji íbúanna er mjög skýr,“ segir hann.
Nýjast
-
Kirkjugarðar Akureyrar í rekstrar vanda og næsta skref að loka líkhúsinu
„Hvað verður um líkin?“ er spurning sem Akureyringar og nærsveitarmenn velta fyrir sér þessa dagana, en Kirkjugarðar Akureyrar sem reka líkhús og kapellu á Naustahöfða eru í rekstravanda vegna fjárskorts. Kirkjugörðunum er óheimilt að innheimta þjónustugjald vegna starfsemi líkhúsanna. Einkaaðilar gætu innheimt slíka gjöld en fáir hafa áhuga á að reka líkhús hér á Akureyri. Engin leið önnur er út úr vandanum nema sú að hætta rekstri líkhússins. Stefnir í að skellt verði í lás grípi Alþingi ekki í taumana á vorþingi og geri Kirkjugörðum heimilt að innheimta þjónustugjaldið eða leggja til fjármagn til starfseminnar. -
Fann sig í sálfræði og flýgur nú út í frekara nám
Þegar Emma var ung ætlaði hún að verða læknir eins og langafi. Í menntaskóla áttaði hún sig á því að líffræði væri alls ekki fag sem hún hafði gaman af og þá læknisfræðin ekki það sem fyrir henni lægi. Emma hafði hins vegar mjög gaman af sálfræðinni og eftir einn tímann kom kennarinn upp að Emmu, tjáði henni hversu efnileg hún væri á því sviði og fékk hana til að íhuga frekara nám í fræðunum. -
Bergur Þór Ingólfsson er nýr leikhússtjóri hjá LA
Bergur Þór Ingólfsson er nýr leikhússtjóri Leikfélags Akureyrar. Bergur Þór tekur við af Mörtu Nordal sem hefur gengt starfinu síðustu í sex árin. -
Kylfingar geta tekið gleði sína, Jaðarsvöllur opnar n.k. þriðjudag
Kylfingar á Akureyri geta nú heldur betur tekið gleði sína því stefnt er að þvi að opna Jaðarsvöll n.k þriðjudag samkvæmt þvi sem segir á heimasíðu Golfklúbbs Akureyrar. -
Viðræður eru hafnar um hugsanlegan samruna Samkaupa, Heimkaupa og Orkunnar
Frá þessu segir í tilkynningu frá Samkaupum en þar sem kemur fram að s.l. mánuði hafi Samkaup hf. og Skel fjárfestingarfélag rætt um kosti og galla hugsanlegan samruna fyrirtækjanna. -
Félagslegt húsnæði í Grímsey Ekkert til fyrirstöðu að selja
Velferðarráð Akureyrarbæjar sér ekkert því til fyrirstöðu að húsnæði í eigu bæjarins verði selt. -
25 ár frá sameiningu Einingar og Iðju
Í dag, 15. maí, eru liðin 25 ár síðan formlega var gengið frá samruna Verkalýðsfélagsins Einingar og Iðju, félags verksmiðjufólks á Akureyri. Þótt þetta sameinaða félag eigi sér þannig séð ekki langa sögu stendur það á gömlum merg því félögin eiga sér hvort um sig langa og merka sögu í baráttu verkafólks fyrir réttindum sínum. Sögu Iðju má rekja allt aftur til ársins 1936 og er stofndagur félagsins talinn 29. mars það ár. Verkalýðsfélagið Eining varð til 10. febrúar 1963 með sameiningu Verkakvennafélagsins Einingar og Verkamannafélags Akureyrarkaupstaðar. Rætur Einingar ná þó mun lengra aftur og má segja að fyrsta fræinu hafi verið sáð árið 1894 þegar Verkamannafélag Akureyrarkaupstaðar, hið eldra, var stofnað. -
Buðu upp á bakkelsi frá Suður-Ameríku
Andressa Andrade E. Andrade, Celimar Yerlin Gamboa Maturet, Feiruz Nasser Morabito, Haysmar Ledosvkaya Rangel Blanco og Fiora Alessa Pacini Barragán eru í hópi nemenda af erlendum uppruna sem hafa stundað nám í VMA í vetur, m.a. lagt stund á nám í íslensku sem öðru máli. -
Knattsp.deild KA dæmd til að greiða fyrrverandi þjálfara sínum tæpar ellefu milljónir
Knattspyrnudeild KA var í dag dæmd í Héraðsdómi Norðurlands eystra til að greiða fyrrum þjálfara sínum 8,8 milljónir króna auk dráttarvaxta frá 5 nóvember 2023 vegna ágreinings aðila um túlkun á bónusgreiðslum til handa þjálfarans. KA er einning gert að greiða málskostnað þjálfarans fyrrverandi. Aðspurður sagði Hjörvar Maronsson formaður knd KA að verið væri að fara yfir dóminn og vildi að öðru leyti ekki tjá sig um næstu skref.
Athugasemdir