Ég reyni að láta flesta mína drauma rætast.
Sigrún María Óskarsdóttir Mynd Axel Darri
Sigrún María Óskarsdóttir ætlar að taka þátt í Aðgengisstrollinu sem fram fer í dag í tengslum við Evrópsku samgönguvikuna og hvetur öll til að koma og vera með. Sigrún María er Akureyringur vikunnar.
Sigrún María notar hjólastól eftir alvarlegt bílslys sem hún lenti í átta ára gömul, í Danmörku árið 2002. „Við fjölskyldan vorum á ferðalagi þegar annar bíll klessti á okkur. Ég slasaðist mjög illa og var haldið sofandi í 17 daga, að mig minnir,“ segir hún. Við slysið hlaut hún mænuskaða og lamaðist fyrir neðan nafla. „Það blæddi einnig inn á heilann, þannig að ég er með minni kraft í vinstri hendi og er spastísk í bæði vinstri hönd og fótum.“
Í dag er Sigrún María 31 árs og lærður kennari. Hún er fædd og uppalin á Akureyri, gekk í Lundarskóla og Menntaskólann á Akureyri, og lauk svo kennaranámi við Háskólann á Akureyri. „Ég byrjaði í sálfræði en færði mig yfir í kennaranám, þar sem ég hef gaman af fólki og því að kenna. Ég hélt líka að þetta væri starf sem hentaði vel fyrir manneskju í hjólastól, en komst fljótt að því í starfsnáminu að áskoranirnar voru ýmsar. Til dæmis getur verið erfitt að raða upp borðum svo ég komist á milli til að aðstoða nemendur og að skrifa á töflu, því þær eru oft mjög hátt uppi,“ segir Sigrún María sem í dag starfar hjá Símey og kennir íslensku fyrir útlendinga.
Hún segir að það hafi verið gott að alast upp á Akureyri en að ýmislegt mega laga þegar kemur að aðgengi. „Miðbærinn getur verið erfiður. Ég hef lent í því að stóllinn minn rakst í gangstéttarhellu og sporðrenndist svo ég flaug úr honum. Aðgengi í skólunum er líka misgott en Giljaskóli stendur sig best, enda með sérdeild fyrir fötluð börn. Oftast er þetta hugsunarleysi hjá fólki eða ég kýs að halda það. Að komast ekki á klósett á veitingastað af því að það eru ekki armar eða þeir eru lausir er ekki skemmtilegt.“
Aðalviðburður Evrópsku samgönguvikunnar, svokallað Aðgengisstroll, fer fram í dag, miðvikudaginn 17. september kl. 16.30 en viðburðurinn er í samstarfi við Sjálfsbjörg á Akureyri og Virk efri ár. Lagt verður af stað frá túninu í Lystigarðinum, fyrir framan LYST, og gengið að bílaplaninu við Íþróttahöllina þar sem verður boðið upp á grillaðar pylsur og samtal um upplifun þátttakenda. „Það skiptir máli að vekja fólk til umhugsunar um aðgengi fyrir okkur sem höfum einhverja hreyfihömlun. Ég held að flestir hugsi ekkert út í þetta – nema kannski þeir sem fótbrjóta sig og þurfa skyndilega að nota hjólastól.“
Sigrún hlaut einnig höfuðáverka í slysinu og á engar minningar frá lífinu áður. „Ég man ekkert eftir afa mínum, til dæmis. En stundum, þegar ég sé myndir eða heyri sögur, rifjast eitthvað upp,“ segir hún en neitar því að vera reið yfir sínum örlögum. „Alls ekki. Ég get ekki hugsað mér lífið öðruvísi. Auðvitað koma dagar þar sem ég hugsa að margt væri einfaldara ef ég væri ekki í hjólastól. En ég reyni að láta flesta mína drauma rætast. Ég hef farið bæði á Broadway og West End enda elska ég söngleiki og hef séð marga. Mig langar að sjá Hamilton, Fiðlarann á þakinu, Kinky Boots og Wicked. Ég sá Wicked á Broadway í New York og það var svo frábært að mig langar að sjá hann aftur.“
Akureyri.is segir fyrst frá
Nýjast
-
Um 60 manns mættu á samráðsfund um framtíð tæknináms
Afar vel heppnaður Súpufundur atvinnulífsins fór fram í DriftEA við Ráðhústorg á Akureyri í gær, þar sem rætt var um framtíð tæknináms á Norðausturlandi. -
Vísindadagur SAk og Heilbrigðisvísindastofnunar HA og SAk
Fimmtudaginn 18. september fer fram Vísindadagur SAk og Heilbrigðisvísindastofnunar HA og SAk. Á dagskránni eru fjölbreytt og áhugaverð erindi þar sem starfsmenn SAk og samstarfsaðilar kynna rannsóknir og þróunarverkefni. Viðburðurinn fer fram í fundarherberginu Kjarna á SAk og verður einnig í beinu streymi á Teams. -
Ég reyni að láta flesta mína drauma rætast.
Sigrún María Óskarsdóttir ætlar að taka þátt í Aðgengisstrollinu sem fram fer í dag í tengslum við Evrópsku samgönguvikuna og hvetur öll til að koma og vera með. Sigrún María er Akureyringur vikunnar. -
Heilsufarsstaða Íslendinga - Landskönnun á hreyfingu, kyrrsetu og svefni hafin
Ný rannsókn er hafin á Íslandi þar sem hreyfing, kyrrseta og svefn fólks í landinu á aldrinum 20–69 ára verða mæld með hlutlægum hætti. Rannsóknin, sem nefnist Landskönnun á hreyfingu, kyrrsetu og svefni, er hluti af stóru Evrópuverkefni, JA Prevent, sem hefur það markmið að efla forvarnir gegn ósmitbærum sjúkdómum. -
Unglingadeildin Lambi er viðbót við Súlur
Unglingadeildin Lambi er ný viðbót í starf björgunarsveitarinnar Súlna haustið 2025. Fyrsta árið verða teknir inn krakkar sem verða 14 ára á árinu og hefst þannig spennandi nýtt ævintýri þar sem ungir krakkar fá að kynnast starfi björgunarsveita á öruggan og skemmtilegan hátt. -
Evrópska samgönguvikan fer fram dagana 16.–22. september en að þessu sinni er yfirskrift hennar „Samgöngur fyrir öll“.
Akureyrarbær tekur þátt í vikunni með fjölbreyttum viðburðum. Aðalviðburður vikunnar verður svokallað Aðgengisstroll, sem haldið verður í samstarfi við Sjálfsbjörg á Akureyri og Virk efri ár, miðvikudaginn 17. september kl. 16.30. Farið verður frá Lystigarðinum að Íþróttahöllinni, um 400 metra leið. Á bílaplaninu við Íþróttahöllina verður boðið upp á grillaðar pylsur og samtal um upplifun þátttakenda. Þar verður einnig aðgengilegur strætisvagn til sýnis og gestum gefst tækifæri til að prófa að fara yfir minni hindranir í hjólastól undir leiðsögn Sjálfsbjargar. Bæjarfulltrúar munu fara leiðina í hjólastólum sem Sjálfsbjörg útvegar og öðlast þannig innsýn í daglega reynslu fólks með skerta hreyfigetu. Öll eru velkomin til að taka þátt og ræða saman um aðgengi og hindranir í nærumhverfinu. -
„Okkar hlutverk er að allt virki vel“
Sigurbjörn Tryggvason hefur verið vélstjóri á skipum Útgerðarfélags Akureyringa og Samherja svo að segja frá því hann útskrifaðist sem vélstjóri árið 1984. Lengst var hann vélstjóri á Sléttbak EA 304. Síðustu fimm árin hefur Sigurbjörn verið vélstjóri á Björgúlfi EA 312, sem hann segir prýðilegt skip í alla staði. -
Þórduna selur skólapeysur til styrktar minningarsjóð Bryndísar Klöru
Nemendafélagið Þórduna hefur sett af stað sölu á VMA skólapeysum. Í ár er sérstök áhersla lögð á bleiku peysurnar, þar sem allur ágóði af sölu þeirra rennur í minningarsjóð Bryndísar Klöru. Að auki eru í boði bæði gráar og bláar peysur í fjölbreyttum stærðum. -
Samfélagið er lykill að íslensku
Dagana 19.–20. september fer fram umfangsmikil ráðstefna í Háskólanum á Akureyri um kennslu íslensku sem annars máls með sérstakri áherslu á nám fullorðinna. Ráðstefnunni er ætlað að bregðast við ákalli samfélagsins, innflytjenda, framhaldsfræðsluaðila og háskóla um samráðsvettvang á þessu sviði.