Eftirspurn eftir fjárhagsaðstoð hjá fjölskyldudeild að aukast
Þetta kemur m.a. fram í bókun frá fundi Almannaheillanefndarinnar á Akureyri, sem haldinn var fyrr í þessum mánuði. Þar kemur jafnframt fram að skólastarfið í grunnskólunum fari vel af stað og ekki líti út fyrir að fækkun sé í aðsókn að hádegismat. Athugasemdir hafa komið vegna kostnaðar við bókakaup nemenda og hugsanlega verður því mynstri breytt í framtíðinni, segir ennfremur í bókun nefndarinnar.
Hjá Vinnumiðlin er það að frétta að nýjar reglur um nám samhliða atvinnuleysisbótum hafa litið dagsins ljós. Nokkuð stór hópur 20-30 ára er að fara í námsúrræði í samvinnu við SÍMEY og fleiri úrræði eru í vinnslu. Í Glerárkirkju hefur verið eftirspurn eftir meiri sálgæslu og fleiri hjónaviðtöl sem virðast þó ekki endilega vera krepputengd. Hjálparstarf kirkjunnar hefur tvöfaldast á landsvísu. Minni aðsókn var hjá Akureyrarkirkju í skólabókaðstoð en búist var við en tvöföldun hefur verið í mataraðstoð og eru þar öryrkjar og einstæðir foreldrar stærsti hópurinn. Allar beiðnir um aðstoð eru metnar í Reykjavík, segir m.a. í bókun frá fundi Almannaheillanefndar.
Jóna Berta Jónsdóttir frá Mæðrastyrksnefnd mætti á fund nefndarinnar og kom fram hjá henni að mikið var um styrkbeiðnir sl. vetur og fengu um 400 heimili í Eyjafirði aðstoð fyrir síðustu jól en árið áður voru það tæplega 300 heimili. Veittur er stuðningur að jafnaði kr. 10.000- pr. fjölskyldu pr. mánuð en til eru undantekningar á þeirri vinnureglu. Samtals úthlutaði nefndin 8,5 milljónum króna á sl. ári. Margir sækja á alla staði sem bjóða aðstoð. Aukning er á fólki í óreglu sem leitar eftir aðstoð og margt ungt fólk kann ekki fótum sínum forráð. Mæðrastyrksnefndin annast fjárhagslega aðstoð fyrir Rauða Krossinn og fær vinnuaðstoð þaðan og frá Einingu-Iðju eftir þörfum. Á fatamarkaðnum eru aðallega gefin föt en þeir sem geta greiða fyrir, segir í bókun Almannaheillanefndar.
Nýjast
-
Listasafnið á Akureyri Nýjar sýningar opnaðar
Sýningar Heimis Hlöðverssonar, Samlífi, og Þóru Sigurðardóttur,Tími – Rými – Efni, verða opnaðar í Listasafninu á Akureyri á laugardag 17. maí kl. 15. Á opnunardegi verður leiðsögn með Heimi kl. 15.45. -
Orkey fyrst á Íslandi með sjálfbærni- vottaða framleiðslu á lífeldsneyti
Orkey hefur fengið alþjóðlega kolefnis- og sjálfbærnivottun, ISCC EU, á lífdísilframleiðslu sína á Akureyri fyrst fyrirtækja sem framleiða lífeldsneyti hérlendis. -
Heyrn er ekki munaður – hún er þátttaka
Það var ánægjulegt að sækja fund hjá Félagi eldri borgara á Akureyri (EBAK) síðastliðinn föstudag. Rétt rúmlega hundrað manns mættu – áhugasamir, upplýstir og málefnalegir. Þar skapaðist gott samtal um þau mál sem brenna mest á eldra fólki í dag. Ábendingar komu víða að og spurningarnar voru margar og skýrar. Það var sérstaklega áberandi að umræðan snerist ítrekað að sömu kjarnamálunum: skerðingum, lífeyrissjóðum en einnig að heilbrigðisþjónustu. -
Sundlaug Akureyrar lokuð 18.-22. maí – opið lengur í Glerárlaug 18. maí
Sundlaug Akureyrar verður lokuð dagana 18.-22. maí eða frá sunnudegi til fimmtudags í næstu viku. -
Byggingaréttur á lóðum á Torfunefsbryggju boðin út í maí
Byggingaréttur á tveimur lóðum við Torfunefsbryggju þar sem eru til staðar fimm byggingareitir verður boðin út nú síðar í maí. -
Sumarið er komið!
Þetta dásamlega veður sem landsmenn njóta er gleðiefni og er þá vægt tekið til orða, á heimasíðu Þingeyjarsveitar er þessari blíðu fagnað. -
Skýr og lausnamiðuð afstaða Framsóknar til veiðigjalda
Framsókn hefur tekið skýra og málefnalega afstöðu í umræðunni um veiðigjöld. Við styðjum heilshugar réttmæta kröfu samfélagsins um að sameiginleg sjávarauðlind þjóðarinnar skili arði sem gagnast samfélaginu öllu. Hins vegar skiptir máli hvernig það er gert. Óvönduð skattheimta getur skaðað atvinnulíf, dregið úr nýsköpun og veikt byggðir sem byggja afkomu sína á sjávarútvegi. -
Farsæld í brennidepli – öll eru velkomin! Sjónaukinn 2025
Í heimi þar sem hraði breytinga og flókin samfélagsmál eru daglegt brauð, skiptir máli að staldra við og beina sjónum að því sem skiptir mestu máli: farsæld fólks. Ráðstefnan Sjónaukinn 2025, sem haldin verður við Háskólann á Akureyri dagana 19. og 20. maí, leitast við að varpa ljósi á fjölbreyttar leiðir til að efla samfélagslega velferð og vellíðan. Undirtónn ráðstefnunnar er skýr: Við höfum öll hlutverki að gegna – og með samvinnu getum við skapað samfélag þar sem enginn er skilinn eftir. -
Vel heppnaður Súpufundur atvinnulífsins haldinn á Múlabergi
Í hádeginu í gær fór fram vel heppnaður Súpufundur atvinnulífsins á Múlabergi, Hótel KEA, þar sem stjórnendur um fimmtíu fyrirtækja og stofnana komu saman til að ræða framtíð atvinnulífsins á svæðinu.