Björgvin Guðmundsson og Rjúpnafell
Það gladdi mig mjög þegar ég las í Mogganum "mínum" 6. janúar s.l., að nokkur hópur manna hefði bundizt samtökum um að heiðra minningu Björgvins Guðmundssonar tónskálds á stórafmæli hans, en 26. apríl næstkomandi verða hundrað og tuttugu ár liðin frá því að hann leit fyrst dagsins ljós.
Mig langar að mega leggja þar örfá orð í belg, og ber margt til þess. Í fyrsta lagi fæddist Björgvin og ólst upp á næsta bæ við fæðingastað minn í Vopnafirði, - innar í dalnum - auk þess var hann náskyldur móðurföður mínum, og rækti þetta fólk ávallt vináttu með frændsemi.
Og svo er það nú Rjúpnafell. Svo mjög var Björgvin fast-tengdur fæðingarbæ sínum og æskustöðvum, að okkur sveitungum hans kemur hann varla svo í hug, að Rjúpnafell fylgi ekki með. Og fallegt er Rjúpnafellið, þótt ekki sé það hátt, "af fjalli að vera"! Stílhreint og frítt og vel skapað frá náttúrunnar hendi. Undir fellinu kúrir svo bærinn, í skjóllegri hvilft, á bezta -og raunar eina- bæjarstæðinu sem um er að ræða, því að þar er góður bæjarlækur, hinn eini þar um slóðir sem nothæfur væri til neyzlu.
Mörg spor átti ég í landi Rjúpnafells í gamla daga, einkum eftir að bærinn var kominn í eyði og við feðgarnir orðnir einir eftir með fjárgæzluna í Fremri-Hlíð. Sauðfé sækir alltaf inn til dala og heiða, og notar til þess hvert færi sem gefst. Oft stanzaði ég líka á Gildrumelnum eða í Seldysjunum og horfði suður með Rjúpnafellinu, þar sem Björgvin segir að heiti Hjallar og Kinnar, en ekki voru mér þau nöfn sérlega töm í æsku. En alltaf hefur mér þótt það svæði fallegt, hvað sem það heitir.
Ég sagði áður, að okkur Vopnfirðingum kæmi ekki Björgvin Guðmundsson svo í hug, að Rjúpnafell fylgdi ekki með. Þetta var ekki ofmælt. Þegar Þorsteinn skáld Valdimarsson yrkir sitt gullfallega afmælisljóð til Björgvins, þá fer hann strax að tala um - hvað - Rjúpnafell! Enda heitir kvæðið Að Rjúpnafelli. Mikið óskaplega var þetta vopnfirzkt! Og rökrétt.
Láttu saggasveitta veggi
sjatna, bæjarhró;
barnið þitt í heimi hljóma
hærra ris þér bjó.
Svo vel vill til að ég veit frá fyrstu hendi hvernig þetta fagra ljóð varð til. Höfundurinn sagði mér það sjálfur á góðri stund sem við áttum saman. Hann sagði: Ég létti mér þetta verk með því að yrkja kvæðið við gamalt fallegt lag, sem við Björgvin höldum að sé upp runnið á Austurlandi. - Svo raulaði hann lagið fyrir mig, en það er nú löngu horfið úr minni mínu.
Vissulega er það fagnaðarefni, að haldið sé upp á afmæli Björgvins Guðmundssonar. Og hafi þeir þökk sem að því standa. En hitt má ekki heldur gleymast, að æskustöðvar hans voru hluti af honum sjálfum. Hann var í þeim og þær í honum. Á meðan menn muna Björgvin, á hugur þeirra einnig að leita heim í Rjúpnafell.
Höfundur er fyrrv. blaðamaður.
Nýjast
-
Byggingaréttur á lóðum á Torfunefsbryggju boðin út í maí
Byggingaréttur á tveimur lóðum við Torfunefsbryggju þar sem eru til staðar fimm byggingareitir verður boðin út nú síðar í maí. -
Sumarið er komið!
Þetta dásamlega veður sem landsmenn njóta er gleðiefni og er þá vægt tekið til orða, á heimasíðu Þingeyjarsveitar er þessari blíðu fagnað. -
Skýr og lausnamiðuð afstaða Framsóknar til veiðigjalda
Framsókn hefur tekið skýra og málefnalega afstöðu í umræðunni um veiðigjöld. Við styðjum heilshugar réttmæta kröfu samfélagsins um að sameiginleg sjávarauðlind þjóðarinnar skili arði sem gagnast samfélaginu öllu. Hins vegar skiptir máli hvernig það er gert. Óvönduð skattheimta getur skaðað atvinnulíf, dregið úr nýsköpun og veikt byggðir sem byggja afkomu sína á sjávarútvegi. -
Farsæld í brennidepli – öll eru velkomin! Sjónaukinn 2025
Í heimi þar sem hraði breytinga og flókin samfélagsmál eru daglegt brauð, skiptir máli að staldra við og beina sjónum að því sem skiptir mestu máli: farsæld fólks. Ráðstefnan Sjónaukinn 2025, sem haldin verður við Háskólann á Akureyri dagana 19. og 20. maí, leitast við að varpa ljósi á fjölbreyttar leiðir til að efla samfélagslega velferð og vellíðan. Undirtónn ráðstefnunnar er skýr: Við höfum öll hlutverki að gegna – og með samvinnu getum við skapað samfélag þar sem enginn er skilinn eftir. -
Vel heppnaður Súpufundur atvinnulífsins haldinn á Múlabergi
Í hádeginu í gær fór fram vel heppnaður Súpufundur atvinnulífsins á Múlabergi, Hótel KEA, þar sem stjórnendur um fimmtíu fyrirtækja og stofnana komu saman til að ræða framtíð atvinnulífsins á svæðinu. -
Ársfundur HSN Jákvæð þróun þrátt fyrir áskoranir í rekstri
Ársfundur Heilbrigðisstofnunar Norðurlands (HSN) fór fram í Hofi á Akureyri þriðjudaginn 13. maí 2025. Þar voru kynntar niðurstöður fyrir rekstrarárið 2024. Þrátt fyrir áskoranir í rekstri varð þó mjög jákvæð þróun í starfsemi, þjónustu og mannauðsmálum sem gefur tilefni til bjartsýni fram veginn. -
Auðlindirnar í þjóðareign.
Margir biðu spenntir eftir því að Alþingi tæki til starfa eftir páskafrí þingmanna og ég var þeirra á meðal. Á dagskrá þingsins voru hugmyndir um að hækka talsvert skatta sem lagðir eru á sjávarútveginn umfram aðra atvinnuvegi. Mér fannst þetta áhugaverð hugmynd og hlakkaði til að hlusta á upplýsandi umræðu um auðlindir og auðlindanýtingu. Ég kom mér því notalega fyrir við sjónvarpsskjáinn áður en Silfrið byrjaði í sjónvarpi Ríkisútvarpsins fyrsta mánudag eftir frí þingmanna. -
Fimm tilboð í göngubrú
Fimm tilboð bárust í byggingu á nýrri steinsteyptri göngubrú í götustæði Borgarbrautar, auk stígagerðar að aðliggjandi stígum, uppsetningu á grjótkörfum, stoðveggjum og uppsetningu á lýsingu. -
Feðgar útskrifast með stúdentspróf
Upp er runninn síðasti kennsludagur þessarar vorannar 2025. Í mörg horn hefur verið að líta síðustu daga fyrir bæði kennara og nemendur enda þarf að ljúka við hin ýmsu verkefni og einnig eru próf í mörgum námsáföngum. Fram undan eru námsmatsdagar og punkturinn verður síðan settur yfir i-ið með brautskráningu í Menningarhúsinu Hofi laugardaginn 24. maí.