Atvinnurekendur verið erfiðir vegna átaka um stjórn fiskveiða
"Staðan er sú að enn er ekki búið að semja þó að á þriðjudaginn fyrir viku hafi legið á borðinu samningur sem hafði það að markmiði að þeir sem eru með lægstu launin fengju mest. Þegar skoðanakannanir fóru að birtast um að Íslendingar ætluðu að hafna Icesave-samningnum þá skelltu atvinnurekendur í lás og vildu ekki ræða málið fyrr en eftir atkvæðagreiðsluna. Þeir hafa einnig verið erfiðir vegna átaka við stjórnvöld um stjórn fiskveiða og hafa sagt að þeir skrifi ekki undir samning nema því máli yrði lokið í sátt við þá," sagði Björn m.a. og bætti við að það væri með ólíkindum að setja skilyrði með þessum hætti.
Björn sagði að samskiptin við stjórnvöld væru alveg hörmuleg og að hann myndi ekki eftir öðru eins. „Það er engu að treysta sem forustumenn ríkistjórnarinnar segja. En af hverju er ASÍ að tala við ríkistjórnina? Eru samningar ekki gerðir við SA? Jú, en það er svo margt sem þarf að tryggja, t.d hækka atvinnuleysisbætur, örorku- og ellilífeyrir. Það er ekki sjálfsagt að stjórnvöld hefðu ætlað að hækka þessar greiðslur. Við viljum líka verðtryggja persónuafsláttinn og ná til baka 3.000 krónunum sem voru í raun teknar af um síðustu áramót og svo næstu. Nú er verið að sækja launahækkanir til skamms tíma, því að langtímasamningur er ekki lengur í spilunum."
Björn sagði að mikið álagið hefði verið á skrifstofur félagsins á síðasta ári, eins og oft áður og þá sérstaklega vegna þessa mikla atvinnuleysis og vandamála sem af því leiðir. „Í lok árs 2010 voru 415 félagsmenn Einingar-Iðju á atvinnuleysisskrá, þ.e.a.s. þeir sem létu draga félagsgjöld af atvinnuleysisbótunum. Því miður er alltaf eitthvað um að fólk láti ekki draga af sér slík gjöld og tapi þar með réttindum hjá félaginu."
Björn talaði um að bættar samgöngur, með tilkomu Héðinsfjarðargangna, hefði þjappað félagsmönnum saman og að nú væru Siglfirðingar komnir öflugir inn í félagsstarfið okkar.
Sjálfkjörið var í stjórn og trúnaðarráð félagsins þar sem aðeins einn listi barst með tilnefningum. Stjórn Einingar-Iðju skipa nú: Björn Snæbjörnsson formaður, Matthildur Sigurjónsdóttir varaformaður, Halldóra H. Höskuldsdóttir ritari og síðan svæðisfulltrúarnir fimm, þau Guðrún Þorbjarnardóttir, Ingvar Sigurbjörnsson, Hafdís Kristjánsdóttir, Margrét Jónsdóttir og Marzibil E. Kristjánsdóttir, og formenn deildanna þriggja ásamt varaformanni stærstu deildarinnar, þau Anna Júlíusdóttir, Sigríður K. Bjarkadóttir, Ingvar Kristjánsson og Kristbjörg Ingólfsdóttir. Þetta kemur fram á vef Einingar-Iðju.
Nýjast
-
Nùvitund
Nokkuð hefur verið fjallað um núvitund og það að allir þurfi að ná tökum á þessar aðferð til að slaka á og núllstilla sig. Stress er fylgifiskur nútíma lífs og stundum verður það svo mikið að fólk hreinlega veikist. Án þess að vera sérstakur sérfræðingur í núvitund hefur mér skilist að galdurinn sé að vera hér og nú, í augnablikinu. -
Aldrei fleiri stúdentar við Háskólann á Akureyri
„Nýnemadagar eru einn af mínum uppáhalds dögum hér í HA. Það er alltaf svo mikil tilhlökkun í loftinu, bæði hjá okkur sem erum fyrir og hjá þeim sem eru að stíga sín fyrstu skref í þessu geggjaða samfélagi. Ég man sjálf vel hversu spennandi það var að byrja hér og hvað það skipti mig miklu að finna strax fyrir hlýjunni og samheldninni sem einkennir HA,“ segir Dagbjört Elva Kristjánsdóttir, forseti Stúdentafélags Háskólans á Akureyri um næstu viku. -
Ég segi já!
Í stefnuyfirlýsingu ríkisstjórnar Samfylkingar, Viðreisnar og Flokks fólksins er kveðið á um að halda skuli þjóðaratkvæðagreiðslu um framhald viðræðna um aðild Íslands að Evrópusambandinu eigi síðar en árið 2027. Heimsókn Ursulu von der Leyen til Íslands hefur endurvakið umræðuna um Evrópumál sem hefur tekið talsvert pláss á hinum ýmsu miðlum. Undirrituðum sýnist sem svo að kosningabaráttan fyrir væntanlega þjóðaratkvæðagreiðslu sé farin á fullt, ekki síst fyrir tilstuðlan minnihlutans á þingi sem hefur þó hingað til verið alfarið andvígur því að þjóðin fái að segja sitt í þessu mikilvæga máli. -
Vilja byggja fimm hæða íbúðarhús á Gránufélagsgötu 45
Óskað hefur verið eftir því að gerð verði breyting á deiliskipulagi við Gránufélagsgötu 45 á Akureyri. Í breytingunni felst að heimilt verði að byggja á lóðinni allt að fimm hæða íbúðarhús fyrir um 25 íbúðir á bilinu 45-70 fm. -
Eyjafjarðarsveit - Leikskólinn Krummakot opnar í nýju húsnæði
,,Upp er runninn sérlega ánægjulegur dagur sem margir hafa beðið eftir í langan tíma,“ skrifar Finnur Ingvi Kristinsson sveitarstjóri á vef sveitarfélagsins af því tilefni.„Þetta er stór stund fyrir okkar sveitarfélag.“ -
Ævintýri gerast þegar dreymt er stórt
Skrapp bara sí svona á Norðurpólinn með afkomendum landkönnuða til að gera heimildamynd -
Hofsbót 1 og 3 SS-Byggi úthlutað lóðinni
SS-Byggir sem átti hærra tilboðið af tveimur sem bárust í lóðina við Hofsbót 1 og 3 í miðbæ Akureyrar hefur staðfest að fyrirtækið mun halda lóðinni og hefur það skilað inn tilskyldum gögnum. Þeir sem buðu voru annars vegar SS Byggir sem bauð 251 milljón króna og Sigtún Þróunarfélag bauð 235 milljónir. -
Listasafnið á Akureyri: Almenn leiðsögn og fjölskylduleiðsögn um helgina
Laugardaginn 23. ágúst kl. 15 verður boðið upp á almenna leiðsögn um sýningu Margrétar Jónsdóttur, Kimarek-Keramik, og samsýningu norðlenskra listamanna, Mitt rými. Jafnframt verður fjölskylduleiðsögn í boði um sýningarnar daginn eftir, sunnudaginn 24. ágúst, kl. 11. Aðgangur að fjölskylduleiðsögninni er ókeypis í boði Norðurorku og að henni lokinni er gestum boðið að búa til sitt eigið listaverk, innblásið af verkum sýninganna. En aðgangur að almennu leiðsögninni er innifalinn í aðgöngumiða á safnið. -
Beint frá býli dagurinn verður á Völlum
Beint frá býli dagurinn verður haldinn næstkomandi sunnudag, 24. ágúst. Þetta er í þriðja sinn sem efnt er til dagsins, en viðburðurinn hefur á skömmum tíma fest sig í sessi sem fjölskylduvænn hátíðisdagur í íslenskri sveit. Markmiðið er að vekja athygli á hugmyndafræði beint frá býli, efla tengsl milli framleiðenda og neytenda og hvetja fleiri til að hasla sér völl á sviði smáframleiðslu matvæla.