Átökin í Framsóknarflokknum orðin opinber.
Birgir Guðmundsson
"Það hefur legið í loftinu að Höskuldur Þórhallsson og Sigmundur Davíð hafa ekki gengið í takt innan flokksins enda tókust þeir á um formannsembættið á sínum tíma. Nú er þetta orðið að opnum átökum sem lítið er reynt að fela eins og sjá má af því að þeir Birkir Jón Jónsson og Sigmundur Davíð annars vegar og Höskuldur hins vegar hafa ekkert rætt þessi framboðsmál sín á milli og samtalið á sér stað í beinni útsendingu fjölmiðla, segir Birgir Guðmundsson stjórnmálafræðingur í samtali við Vikudag.
Sigmundur Davíð Gunnlaugsson formaður Framsóknarflokksins tilkynnti í gær að hann hyggðist bjóða sig fram í Norðausturkjördæmi við komandi Alþingiskosningar. Birkir Jón Jónsson varaformaður flokksins gefur ekki kost á sér til áframhaldandi þingsetu, það gerir hins vegar Höskuldur Þór Þórhallsson þingmaður flokksins í kjördæminu og hann vill fara fyrir framboðslistanum. Birgir Guðmundsson segir að ákvörðun formannsins um að flytja sig um set komi að sumu leyti á óvart, en að sumu leyti ekki.
Hvernig metur þú stöðu Höskuldar eftir yfirlýsigarnar í gær?
Það vekur ekki síður athygli að með þessu er markað ákveðið rof í sögu Framsóknarflokksins og hin nýja framsókn er með þessu að gefa frá sér ákveðin skilaboð. Allir formenn flokksins frá Ólafi Jóhannessyni að Guðna Ágústssyni undanskildum hafa annað hvort verið í framboði eða flutt sig í framboð á höfuðborgarsvæðið. Það hefur verið yfirlýsing um að flokkurinn hafi viljað sækja meira þéttbýlisfylgi. Nú bregður svo við að formaðurinn fer frá höfuðborginni og í landsbyggðarkjördæmi. Það er eðlilegt að velta fyrir sér hvaða skilaboð felast í því.
Staða flokksins hefur ekki mælst mjög sterk í Reykjavík og minningin um síðustu borgarstjórnarkosningar eru ekki uppörvandi fyrir Framsóknarmenn. Það munu eflaust koma fram raddir um að Sigmundur Davíð hafi ekki treyst sér fram í Reykjavík hvað svo sem kann að vera til í því. Hitt er þó ef til vill meira áhyggjuefni fyrir flokkinn hvort átökin um oddvitasætið í Norðausturkjördæmi - höfuð vígi flokksins - verði það hörð að það spilli fyrir flokknum í kosningum. Það væri þá staða sem framsóknarmenn þekkja úr sögu flokksins, en þó sérstaklega frá Reykjavík, segir Birgir Guðmundsson stjórnmálafræðingur.
Nýjast
-
Norðurslóðir, stríð og hnattræn hlýnun
Aukin spenna í alþjóðamálum hefur haft mikil áhrif á þróun mála á Norðurslóðum. Ríki sem þar eiga hagsmuna að gæta þurfa að fylgjast vel með og vera reiðubúin að bregðast við öðrum vendingum á svæðinu. Á meðan hnattræn hlýnun ógnar umhverfi, samfélögum og opnun skipaleiða – þá hefur innrásarstríð Rússa í Úkraínu leitt til þess að vonir um friðsæl samskipti á Norðurslóðum hafa dvínað verulega. -
Bakþankar bæjarfulltrúa Í guðanna bænum
Ég er enn í sjokki. Taugaáfalli. Og tilefnið, Jú, í gær varð ég barni að bana – næstum því. Veit ekki enn hvaða kraftaverk kom í veg fyrir þá miklu óhamingju. Öskur eða eitthvað sem undirmeðvitundin skynjaði - þótt augað sæi ekki. Tildrögin. Ég var að koma niður Krákustíg hjá Amtsbókasafninu þegar eitthvað skaust á örskotshraða fyrir steyptan garðvegginn, niður gangstéttina með fram Oddeyrargötu. -
Að efla þéttbýli eða vinna gegn því
Á síðustu 20 árum hefur íbúum á Íslandi fjölgað um tæp 100 þúsund eða um þriðjung (33%). Langstærstur hluti þessar fjölgunar hefur átt sér stað á suðvesturhorni landsins. Ef skoðuð er íbúaþróun í þeim sveitarfélögum sem í dag mynda sveitarfélagið Þingeyjarsveit, en voru fyrir aldarfjórðung 6 hreppir, kemur upp ólík mynd. Þann 1. janúar 2005 töldu sveitarfélögin (þá þrjú) 1.399 manns en þann 1. janúar sl. bjuggu 1.453 Þingeyjarsveit. Því hefur íbúum fjölgað hér um tæp 4% á sama tíma og landsmönnum fjölgaði um þriðjung. -
Framkvæmdasjóður ferðamannastaða Verkefni í Glerárdal og Hlíðarfjalli fá 46 milljónir
Tveir styrkir komu í hlut Akureyrarbæjar við úthlutun úr Framkvæmdasjóði ferðamanna, samtals um 46 milljónir króna. -
GeoSilica hefur framleiðslu á Þeistareykjum
GeoSilica færir út kvíarnar og hefur starfsemi í nýju húsi á fjölnýtingarlóð Landsvirkjunar á Þeistareykjum komandi haust. Fyrirtækið hefur samið við Landsvirkjun um leigu á húsinu, afhendingu auðlindastrauma á Þeistareykjum og samstarf til næstu áraSamstarfið markar upphaf fjölnýtingar á Þeistareykjum til framtíðar. -
Bjargvættir framtíðarinnar á Húsavík
Unglingadeild Björgunarsveitarinnar Garðars er afar öflug -
Rausnarleg gjöf frá nemendum Síðuskóla til barnadeildar SAk
Barnadeild Sjúkrahússins á Akureyri fékk á dögunum einstaka gjöf þegar nemendur í 5., 6. og 7. bekk Síðuskóla ákváðu að leggja 550.000 krónur inn á styrktarreikning deildarinnar. Upphæðin safnaðist með sölu á handverki og veitingum sem nemendur stóðu fyrir á Barnamenningarhátíð í apríl. -
Metár umsókna við Háskólann á Akureyri
Umsóknir í Háskólann á Akureyri hafa aldrei í sögu skólans verið fleiri, en alls bárust um 2.340 umsóknir að þessu sinni. Þetta er um 15% aukning frá síðasta ári og rúmlega 8% aukning frá árinu 2018, sem var fyrra metár umsókna við háskólann. -
Kjarnafæði Norðlenska kaupa B Jensen
Kjarnafæði Norðlenska gekk frá kaupum á sláturhúsi, kjötvinnslu og verslun B. Jensen í seinustu viku.
