Áfram heitur matur í Hrísalundi
Nettó opnar í Hrísalundi og mun bjóða áfram upp á heitan mat. Kjötborðinu verður hins vegar lokað á sunnudaginn kemur
Eins og Vikudagur hefur greint frá mun Nettó verslun í Hrísalundi verða opnuð í febrúar þar sem áður var rekin Samkaup Úrval búð. Í tilkynningu frá Samkaupum segir að einnig verði Ellos sérvöruverslun opnuð á neðri hæð sama húsnæðis. Nettó verslunin verður byggð upp í sama stíl og aðrar Nettó verslanir þar sem áhersla er lögð á lágt verð og mikið vöruval auk þess sem meira verður um eigin innflutning Nettó.
„Sett verður upp úðunarkerfi í grænmetistorgi sem viðheldur lengur ferskleika ávaxta og grænmetis auk þess sem boðið verður upp á „Bakað á staðnum“ sem notið hefur mikilla vinsælda í Nettó verslunum, enda lagt upp með mikil gæði, lágt verð og regluleg tilboð,“ segir í tilkynningu. Þá segir ennfremur að Nettó hafi náð samkomulagi við rekstraraðila Kaffitorgs um að bjóða upp á heitan mat í hádeginu og á kvöldin í rými við hliðina á Nettó í Hrísalundi, en mikil óánægja hefur gætt meðal fasta kúnna Hrísalundar um að heita borðið og kjötborðið hafi átt að víkja. En þó heita matnum hafi verið bjargað mun kjötborðið senn heyra sögunni til. Gunnar Egill Sigurðsson, forstöðumaður verslunarsviðs Samkaupa, segir að með þeim breytingum sem gert hafi verið í Hrísalundi, verslunarkjarna sem er nú í mikilli uppbyggingu, fái Akureyringar betri þjónustu en áður.
„Verð á matvöru verður lægra og úrvalið meira. Einnig verður sérvaran fjölbreyttari. Þegar ákvörðun um breytingu verslunar lá fyrir var ljóst að vegna plássleysis yrði að finna heita matnum annað rými. Það verða því ekki stórar breytingar þar þó að umsjón með honum færist yfir til rekstraraðila Kaffitorgs sem verður við hliðina á Nettó. Við hlökkum til að bjóða Akureyringa velkomna í Nettó og Ellos í Hrísalundi,“ segir Gunnar í tilkynningu.
-Vikudagur, 28. janúar
Nýjast
-
Súlur 2025 eru komnar út
Ársrit Sögufélags Eyfirðinga er komið út og færir alls 12 greinar er varða ýmist fortíð eða nútíð. -
Skemmtileg hefð
Þann 10. júní síðastliðinn komu skemmtiferðaskipin Emerald Princess (Princess Cruises) og Viking Vela (Viking Ocean Cruises) í sínar fyrstu heimsóknir til Akureyrar. -
Bíladagar eru að hefjast á Akureyri
Bíladagar á Akureyri hefjast á morgun, föstudaginn 13. júní. Öll formleg dagskrá fer fram á aksturssvæði Bílaklúbbs Akureyrar við Hlíðarfjallsveg, fyrir utan bílasýninguna 17. júní í Boganum. -
Fundað með forsætisráðherra um stöðu Norðurlands eystra
Sveitarstjórar sveitarfélaga innan SSNE og framkvæmdastjóri samtakanna áttu í morgun fund með Kristrúnu Frostadóttur forsætisráðherra, þar sem þau lýstu áhyggjum af stöðu flutningskerfis raforku á svæðinu. Fundurinn var haldinn að frumvæði sveitarfélaganna sem vilja tryggja að raforkuinnviðir hamli ekki áframhaldandi atvinnuuppbyggingu á Norðurlandi eystra. -
Penninn á Akureyri 25 ára
„Verslun okkar á Akureyri er með vinsælli verslunum okkar,“ segir Ingimar Jónsson forstjóri Pennans. Nú eru 25 ár liðin frá því Penninn Eymundsson opnaði verslun sína á Akureyri og af því tilefni verða allar vörur á 25% afslætti fimmtudag, föstudag og laugardag. -
Heilbrigðiskerfið í bakkgír
Velferðarnefnd hefur haft til umfjöllunar nú í vor frumvarp til laga um breytingar á lögum um sjúkratryggingar. Yfirlýst markmið þessa frumvarps er að stytta þann tíma sem tekur að bjóða upp á nauðsynlega heilbrigðisþjónustu og þar með tiltekna meðferð. Á meðal þeirra breytinga sem lagðar eru til er að fest verði í lög ákvæði um greiðsluþátttöku fyrir læknismeðferð erlendis vegna biðtíma hér á landi. -
SAk tryggt fé til kaupa á heilaörvunartæki
Heilbrigðisráðherra hefur tryggt fjármagn sem gerir Sjúkrahúsinu á Akureyri (SAk) kleift að innleiða heilaörvunarmeðferð einstaklinga með meðferðarþrátt þunglyndi. Áætlað er að á upptökusvæði SAk séu um 240 einstaklingar sem gætu nýtt sér slíka meðferð árlega. Rannsóknir sýna að meðferðin skilar miklum árangri, eða um 60-70% í hópi einstaklinga sem þjást af meðferðarþráu þunglyndi en hafa lítið gagn af hefðbundinni meðferð, s.s. lyfjum og hugrænni atferlismeðferð. -
Framsýn og FSH skrifa undir nýjan kjarasamning
Stjórnendur Framsýnar og Framhaldsskólans á Húsavík hafa undanfarið átt í viðræðum um nýjan stofnanasamning fyrir starfsmenn skólans sem starfa eftir kjarasamningi félagsins. Viðræðurnar gengu mjög vel og kláruðust þær í gærmorgun með undirskrift aðila. -
Akureyri Open í frisbígolfi fór fram um helgina
Um helgina fór fram Gull- og Silfurmótið Akureyri Open í boði Sportver. Mótið var haldið af Frisbígolffélagi Akureyrar og fór fram á frisbígolfvellinum við tjaldstæðið á Hömrum. Keppnin stóð yfir í þrjá daga og tóku 83 keppendur þátt víðsvegar að af landinu. Þrátt fyrir að veðrið hafi ekki verið upp á sitt besta létu keppendur það ekki trufla sig og stemningin var frábær alla helgina.
